Griaß Eich.
So is widda Montog und die Fostenzeit is  jo bold vurbei. Merk oba nix davon weil i bin eh so brav und muass nit fosten.
Kolt is es heite widda und bis Donnerstog werds nit bessa.
Winsch eich ollen a scheane Wochen und schick liabe Griaß aussn Ländle
Martin und Barbara 

an scheenan nochmittog villacher
wastale scheen host wieda gschriebn und olle tog so genau beschriebn sogor den pfingsti host darotn,an scheenan oba noch kolten monti bei mir do.
fibi, martin&babara, znix L.G.
es pfeiferle

 Guatn Morgn aufn Monte
Da Monte is  der Tåg, wo dö, dö wås noch årbatn müaßn, 3 Blattlan obareißn müaßn vom Kalenda im Biero!l

Am Monte denkst' da richte wåhr,
war lei dö Woch'n schon båld går.

Jå uhh, wås håb den i varbrochn,
dåß sie sich går so zahrt, die Wochn?

A kinntat nit schon Freite sein?
Wånn Freite war, dås warat fein!!!

Doch sicha bin i nit so recht,
ob dås is richte wåhr so schlecht?

Wal aufn Irte kennt passiern,
dåß dir wer Bluman tat spendiern!

Und auf'n Mitte kinntat sein,
dåß di wer låd't zan Essn ein.

Auf'n Pfingste, solltast a nit spiennan,
då könntast jo valleicht wås gwinnan! ;-)

Siehgst schau und  kehr um die Hånd,
is schon da Freite då im Lånd.

Drum bin i jed'n Tåg recht froh,
wal's Wochenend kimm'b sowieso !!!

s Wastale
Und a scheane Ostawochn!