Grias eich!
@Martin: Durchholtn!! du schoffst des!!! Olles gutae fir di!
@Wastale:
Jo, mir worma amol vül mehr Leit do herin. Dreie von uns schaugn uns von obn zua und lesn siha fleissig mit. Unsa Irmi, da Ruflo und da Coolati. Se werdn uns imma föhln.
De Schoba bzw. Eisnbeisa, de gibt's wohl noch. Is mei beste Freindin. Olladings is se nix mehr do herin im V-Net. De is dafir im Gfrisbiachle (ondare sogn Facebook ;-) gut vetretn mit vüle scheene Büldlen. (bist du aa auf FB Wastale?)
Des Chrischtele, de is aa lei mehr auf FB und des gonz wenig.
Da Frounz, jo der is glab i lei a faula Hund :D
Seit FB aufkummen is, seima holt olle durt umegwondat.
Unsa "Chefe" wie eahm da Coolati imma gnonnt hot, da Wuhte, der hot des Gonze do aufgibrocht und wor friha aa imma wieda herin auf a poor Wort. Oba i denk, er wert siha imma wieda a poor mol dribalesn do und segn, doss wieda mehr los is.
Da Woldschneck, ausn Allgäu, der wor eh zWeihnochtn kurz herin. Oba es is holt aa de Zeit bei vüln, de es nit so zualosst, do zu sein.
Oba i finds echt supa, dass wieda mehr Wind waht herin und doch nit olles ausgsturbn is :)
Schon aalan unsan Ruflo und Cooli zu liabe, daas se jo vül ins lesn hobn von obn :) | 
