Home

Gästebuch

Wörterbuch

Witze

Die TOP 15

Postkarten

Download

Info

 

Dos Gästebuach vom Villacher.NET

68 Beiträge gibts von 'Wastale'. (Ålle zagn)
An neichn Beitråg eineschreibn | Die Top 15 ånschaun

Wastale am 30.04.2018 15:00  (vua 25 Tåg)
 Ich frug ihn, ob das Pferd gesattelt sei ?
Und er antwortete mir, daß der Frosch keinen Schwanz hat !

Wastale am 25.04.2018 19:18  (vua 30 Tåg)
 Griaß eich ålle miteinånd

Also   z nix  i muaß schon sågn, deine kryptischen Postings überråschen mi imma wieda und regen mei Phantasie ån.
Die gånze Zeit denk i schon nåch, wås du öpa im Schutze der Dämmerung für ane gscheitn Såchn måchst?
Mir fållt schon seit Jåhrn nit amol bei Tåg wås gscheit's ein  ;-) 

Übrigens:
Sich über Philosphie lustig zu machen, ist wiklich philosophieren!   ( Blaise Pascal )

@ fibi
Mit'n Wetta håst åba wohl recht !!!
Frisch geräucherte Forelle mit Oberskrenn..... då varsamst åba wås !
Åba da pfeiferle kånn bestimmt wås kochn, dås uns bade schmeckt. ;-)

@ pfeiferle
Morgn is Pfingste, dås Wetta passt a und wånn dei Leidn a wieda bessa is, dånn is lucky day!!!Å

@ Martin
I wünsch dir so sehr, dåß Ålls guat gångan is !

In Ålle noch a schöne Wochn

s Wastale
Wastale am 23.04.2018 09:37  (vua 32 Tåg)
 Griaß eich ålle miteinånd !
I wünsch in Ålle, dö gesundheitlich nit so guat drauf send: Gute Besserung !!!
Dem pfeiferle sog i danke für die Einlådung.
I waß jo nit ob i jemols noch nåch Kanada kumm, åba wenn...... pfeiferle, nocha muaßt Fisch selchn  ;-)
A schöne Wochn noch für Ålle

s Wastale
Wastale am 16.04.2018 17:30  (vua 39 Tåg)
 Grias eich 

@ fibi

Die Nervn send gånz feine Stränge,
Von ana ungeheuren Länge.

Dö durch dein gånzn Körpa gehnd
( sogår bis eine in die Zähnd)

Send's nit in Ordnung, wern'd se bös,
als Folge werst du dånn nervös!

Kriagst Kopfweh und noch åndre Schmerzn,
doch nimm dir dås nit z'viel zu Herzen !!!

Am Best'n is' - i was' von mir,
Du trinkst dånn an, zwa klane Bier....

Dånn bist zwår niama gånz so Gscheit,
doch's Kopfweh is Vergångenheit !  ;-)

@ pfeiferle: a håt's di eingschniebn ?

 @ martin: Alles Gute ( I versteh dås, vielleicht mehr åls du glabst)

@ Ålle Åndarn

A schöne Wochn! Und imma schön fröhlich bleibn !!!

Wastale am 13.04.2018 11:38  (vua 42 Tåg)
 # me too

Mit' m Sepp geht dås Lisale ham durch'n Wåld
Finsta is gwesn und går a so kålt.

D'rum  hängt sich die Liesl beim Seppl fest ein,
wal sie går so viel Ångst håt, wonn finsta tuat sein.

Sie sågt dånn zan Seppl: Tua ma jå nix, i bitt,
wal wonnst mir tatast, i dawihr mi jå nit !

Na na, sågt da Seppl, håb bittgår-schean ka Ångst,
I tua dir gånz gwiß nix, wås nit extra varlångst.

Und sö gehnd durchn Wåld und sö gehnd und sö gehnd,
da Seppl tuat richte nix, merkt sie am End.

Gach sågt die Liesl: terfst ma richte nix tan,
wal i kånn nit davonlafn, i fürcht mi allan!

Na, na sågt da Seppl: I låß di eh in da Ruah,
A håst noch nit gmirkt, dåß i dir går nix tua ?

Und sö gehnd und sö gehnd und da Seppl tuat nix,
rein übahaupt går nix,... deswegn sågt dås Lisale fix:

Åba wenn'st mir wås tuan willst ( kimmt a Seifzarle drauf):
Dånn muaßt die schon tummln, - wal da Wåld hört glei auf !!!

Dås Gedichtle is von Wilhelm Rudnigger und schon Ur- Ålt......

In Ålle dö gern lustig send,
wünsch i a scheanes Wochnend

s Wastale


Wastale am 11.04.2018 08:53  (vua 44 Tåg)
 Translation for pfeiferle
Da Goldregn is schon gånz tschaupat wal rundumatum ålls klumpa dirr is.
Ban Radlfåhrn tuat fest stabn und aufpassn muaßt, dåß da nit a Schuastakäfa ins Maul fliagt,wal dås Gfick is a schon untawöx.
Oba dås g'hert se so

Liebe Grüsse in Ålle
s Wastale
Wastale am 09.04.2018 06:46  (vua 46 Tåg)
 Griaß eich !

Wal heint Monte is...
Im Gurktål sågnt se stått blau.... blåb !

Und warum öpa dö Åmasn in da Mittn so dinn send?

Wia da Himmlvata dö Viecha gmåcht håt, håt er die Åmasn gfråg, wia sie gern ausschaugn tat.
Drauf sågt die Åmasn: grean und blåb.
Oba der liebe Gott håt varståndn: "in da Mittn åb"
Und so håt er sie gmåcht.

Liebe Grüße in ålle Richtungen und a scheane Wochn

s Wastale


Wastale am 02.04.2018 07:19  (vua 53 Tåg)
 Jo uhh nååre !
Oftamål is wohl a G'frett,
wal i so gern wås sågn tät.
Sollt lustig sein und a zan låchn,
a weane sollt's nåchdenklich måchn.
I möcht nit schimpfn und nit hetzn,
a mit die Wörta kan varletzn!
Stumpfsinnig sollt' es a nit sein,
då fållt mir heint rein går nix ein.
Wal ålls wås i zan sågn hätt',
schon irgendwo herinnan steht !.... (Im Intanet)

Und deswögn heint dås:

Zwischn Ostarn und Pfingstn is die scheanaste Zeit,
wonn dö Vogalan singant und da Gugge schean schreit !

Wal heint fångt die döge Zeit ån !!!
Ållsdånn schean "giatla" umgehn damit  !

PS 
jå uh nååre, håmb se frühra im Görtschitztål gsågt. (Ausdruck der Verwunderung) Soll haßn:  is oba wohl komisch;  oda:  da bin ich aber verwundert; oda: zan Teifl nochamol.

Giatla  = gütlich, liebevoll, zärtlich, werterhaltend, gefühlvoll,einfühlsam unvm.

Scheane Griaß in Ålle

s Wastale




02.04.2018 08:47:
 A jå, gestarn wår Ostasunntåg und 1. APRIL
Lei fålls ana ban Maibachl wår :-))))
Wastale am 30.03.2018 17:37  (vua 56 Tåg)
 In Ålle wås då einaschaugnt:

FROHE OSTERN

s Wastale
Wastale am 27.03.2018 17:12  (vua 59 Tåg)
 Märzenschnee und Jungfernpracht verschwinden oftmals über Nacht.
s Wastale

28.03.2018 08:38:
 Guatn Morgn in Ålle
Märzengrün und Aprilblut?
Då kennt si jå ka Hund nit aus.
Håb i lång nåchgedenkt!
Kinntat sein, dåß dås Märzengrün dås greane Bier is wås die Iren am St. Patrick's day trinken?
Und Aprilblut.... Althochdeutsch -  "Bluot" -  Aprilblüte haßt?
A manst kinntat dås sein ha?
s Wastale
Wastale am 26.03.2018 09:11  (vua 60 Tåg)
 Guatn Morgn aufn Monte
Da Monte is  der Tåg, wo dö, dö wås noch årbatn müaßn, 3 Blattlan obareißn müaßn vom Kalenda im Biero!l

Am Monte denkst' da richte wåhr,
war lei dö Woch'n schon båld går.

Jå uhh, wås håb den i varbrochn,
dåß sie sich går so zahrt, die Wochn?

A kinntat nit schon Freite sein?
Wånn Freite war, dås warat fein!!!

Doch sicha bin i nit so recht,
ob dås is richte wåhr so schlecht?

Wal aufn Irte kennt passiern,
dåß dir wer Bluman tat spendiern!

Und auf'n Mitte kinntat sein,
dåß di wer låd't zan Essn ein.

Auf'n Pfingste, solltast a nit spiennan,
då könntast jo valleicht wås gwinnan! ;-)

Siehgst schau und  kehr um die Hånd,
is schon da Freite då im Lånd.

Drum bin i jed'n Tåg recht froh,
wal's Wochenend kimm'b sowieso !!!

s Wastale
Und a scheane Ostawochn!
wastale am 24.03.2018 08:30  (vua 62 Tåg)
 Guatn Morgn ålle miteinånda!

Jå wår i richte wåhr obn. I kånn enk sågn, dås is a Genuss der Extraklasse. 
Dås außagehn bei minus 2 Grad brrrrrrr...
Åba am Ostasunntåg fåhr i wieda aufi, wal då gibts gånz wås bsundars!
Dö håmb nämlich im Winta auf Dobratsch obn 600 Lita Lavendlöl aufgegossn.
Kånn ma sich går nit vurstölln, åba irgend so a Gscheida håt dås berechnet, dåß heia genau am Ostasunnte dos Maibachl und der gånze Gråbn durt nåch Lavendl duftn werd. Also fålls wer  (z'viel) Zeit håt, nix wia aufi !!! ;-)

A wer is den heite Pålmesl worn?
An schean Sunntåg noch!

s'Wastale




24.03.2018 09:02:
 In Gott's willn !!!
Hiatz hå'n i die Uhr um an gonzn Tåg vurgedraht :-)))))

wastale am 23.03.2018 15:36  (vua 63 Tåg)
 @ fibi
Jå wal i auf da Seitn von da Frau Eisnbeisarin ane Bildlan ångschaug håb.
Bua, Bua, Bua. Åba so ane scheanan. 
Bin heint noch gånz durchanånd  ;-)

In Ålle a scheans Wochenend !

wastale am 21.03.2018 15:23  (vua 65 Tåg)
 @ znix: Tut leid, war nicht meine Absicht
wastale am 21.03.2018 11:03  (vua 65 Tåg)
 Guatn Tåg fier Åålle !
 Dås "Radle der Zeit" kåma  neamma hintadrahn !

Åba fier wos neig's is nia zschpåt !

@ Wuthe: Scheeffe, såg wås!!!
@ Chrischtele: Wo bist den?
@ Frounz: Kenntast di a wieda amål meldn !
@ Waldschneck: Wår jå amol lustig då, oda nit?
@ Andy: Pisweg, oda Zåmmlschberg?
@ Eisnbeisarin: Liaba send ma dö, dö wås oftamol a bisl übadraht send, åls wia dö, dö mit söhnarn Pessimismus recht håmb!!!
@ Martin: Lei so weita, kånn lei bessa wern!!!!!
@ Fibi: Då bin i åba fåst hintrisch vom Sessl åbegfålln! Respekt! (Cui honorem, honorem)
@ Pfeiferle: Never give up :-)

Niemand schaut später auf sein Leben zurück und erinnert sich an die Nächte, in denen er viel geschlafen hat !

s' Wastale




21.03.2018 11:08:
 Maahhhhhh aufn znix vargessn  ;-)
Tat soo gern wissn wer du bist?
<<Vuarige Seitn
Seitn 2 von 5
Nächste Seitn>>

Suachn:   

 
     

 


Panoramablick über Villach/Känten


Panoramablick vom Gipfel der Gerlitzen auf 1.909m
Richtung Westen

Blick über den Faaker See Richtung Mittagskogel

 

edition lebenszeit

Villach Villacher Bier Wuhte Trinken Stammtisch Community Chat Postkarte Greeting Card Grusskarte Grußkarte Kaernten Oesterreich Drau VSV Lei Lei Lei-Lei Schotten Wörterbuch Brauerei Volksmund Dialekt Kärntnerisch Kaerntnerisch Kärnten Villacherisch Fasching Karneval Carneval Anrufbeantworter Ansage Handylogo Nokia Download Villaha Bartl Most Schotten Finkenstein Warmbad Webcam Arnoldstein Auen Manzenreiter Satire Theater Spittal Klagenfurt KAC Kärnten Down Under KDU Alpenhighlander Highland Games Kärntenkaro Tartan Rettl edition lebenszeit KG - Lebensgeschichten | Biografien | Firmenportraits Mag.a Dr.in Lisa Rettl First-Carinthian-Highland-Club