Servus mitanand,
entschuldigts, i weiß daß i mi scho lang nimma gmeld hob.
Beruflich gehts grad ganz guat. I muaß blos momentan aufpassn daß se mit it no Arbat aufs Aug druckn was gar it mei Aufgab isch. I sig grad wieder mol daß ma sich viel öfta bled schtelln sollt. Na käm koiner auf die Idee.
Ehrenamtlich bin i grad recht eingschpannt.
Fang ma mol mit da Hüttn an: Es redn imma mehr Leit mit die von dera Sach koi Ahnumg ham. Immer mehr Sittzungen bei dene se sich an Mischt ausdenkn der gar it funktioniert und auf uns hern se it. De haltn au an ihra Meinung fescht wenn i auf am Ortstermin meine Aussagn bewiesn hob. Erfahrungswerte aus 35 Johr wern au kaum ernscht gnommen. Außerdem wern mia in unsara bisherign Arbat gewaltig ausbremst. Wenn se so weiter machn hau i da Huat drauf. Des isch dann weniger stressig wen i im Urlaub weg fahr. Na miat i mi halt a Woch auf da windischn Höh ein oda so.
Bei da Wasserwacht isch grad de Zeit wo wieder an Haufn Sitzungen und Versammlungen sind. Dann sim ma scho wieder in de Vorbereitungen fürn Nikolaus. Des isch oine von unsere beschtn Einnamequelln für Spendn. Es hängt allerdings an Haufn Arbat drann, macht aber au viel Spaß und lauft problemlos.
Privat: Mit meim Bua hon i eigntlich immer an guatn Kontakt ghabt und wenn er was braucht hot, hot er imma was kriagt. Seit am knappn Johr hot er sich allerdings auf koi Art von Nachricht mehr zruck gmeld und sich scho gar it selber gmeld.
Ez moint da feine Herr daß er mit knapp 23 nomol aufd Schual gehn will und verklagt mi aus heiterem Himmel auf Unterhalt. Was isch denn des für a Art???
Hätt er vernünftig gfrogt na hätt i koi Problem. Des hätt i natürlich unterstützt und da Opa au. Aber so??? Na - sicha it!!!
(@Ruflo, des hob i im Facebook gmoint mit dera Ergänzung zum Beißerle ihrn Kommentar zum reinen Gewissen)
Sonscht gehts ma aber recht guat.
I wünsch Eich a schenes Wochnend und schick herzliche Griaß ausm Allgäu!
ez hob i doch erscht gschribn daß des in der Donau erscht im Januar isch, daß mir am Main warn und daß i it im Wasser war sondern im Motorboot.
)
Mmmm... - Lax - wann hosch a Trumm fertig?
Was soll denn des? Am Wochnend a Sch...-wetta und am Montag des schenschte Winterwetta und i hock in da Fabrikhalln. Und des ez scho 2 mol hintranand.