apopo kipfale - maa, des warat hiatztn a gschicht, a so a friesches kipfale zum fruahschtick.... åba sowås gips in da kreizn leida niet. seimma froh, dass ma so aane hudreten zaachn åltn kauguhmmigibülde håbm tuamt, wo se "semmale" dazua sågn. muaß ma hålt im aläktrieschn rohr driennen aufbåchn. werd aa knuschprieg - und breeslt wia da teiflhudietsch.
"wer nie sein brot im bette aß, weiß nicht wie brösel pieken..."
und a biessele in kuffee einewaakn, nåacha werd wieda waach und zaach.
und aanige tuamt fåst gånz vaschwiendn, weil da taag lei so miet lufft aufgiblåsn ies. muaßt da nåacha die mammalade auf die fienga aufischmiern und åbschleckn. geht jå wohl aa. und brauchst ka butta.
oda niemmst an munggl broat, wenn du den dakojen tuast. und an schpäck dazua. håst a guate untalåg fiern friahschopfen mit fiellaha bier. juchhuuuuu!
an scheenen sunntåg eich ålln und ållas guate bies auf die nåcht.
15.10.2006 08:34:
jå, siehgstes, katrin, bussalen seind aa guat. håb i noch kuckucksbussalan vom lätztn kreizna kirchtåg. ghearnt eh weck, de hund, sunstn laafntze gaxt noch von sölba dafon....
und a hertzle mit "iesch lübbe diesch" und aans miet "du biest mei mausale und mei augnstern" håmma aa noch dahaam irgndawo umanånda liegn. åba de seind maan i schon von vurfertn.... | 
