@wuhte: hülfe, hiatzt geht des schon wieda los!
@Inge: dånkdascheen fier die liabn büldln. meine seind noch niet so weit - i muaß se erst a biessale klaanbeißn, weil i kånn eich jå niet 5- und 6-MB-ungiheuer zuamutn.
@ålle, wo gestern dabei wårn: da ålte kaisa taatet sågn - wenn der noch wås sågn könnet - "es war sehr schön, es hat mich sehr gefreut" - und da ålte ruflo sågt "dånkscheen fier den wunderschönen åbnd." obwohl mia, wia die inge maant, "wia die tinnetscha in da gegnd umagezogn seind" vom kucher zur genottehöhe, vom åckern bis in brauhof - wårs a wundascheena åbnd.
irmele, mia wientschn dir noch a påår scheene tåg, bzw. stundn bei uns in kärntn und ålles guate wennsd' wieda hamfliagst nåch köln. unsre gedånkn seind bei dir und mia hoffn, dass du båld wieda gånz xund bist, damiet mia so a treffn falleicht båld wieda amål vaånståltn können.
@ålle, de gestern leida niet dabei sein håbm können: mia håbm vül ån eich gidåcht und a hefale auf aja wohl gekippt. Dånkscheen schneck, fier de sms, de uns ginau im riechtign moment erreicht håt, wia mia im brauhof-gårtn unta de åltn kestnbaam beinånda gsessn sein.
und zum schluss noch: an guatn morgen und an scheenen Tåg eich ålln! | 
