seas andale.
die entzugserscheinungen sein niet so schliemm und werdn von tåg zu tåg weniga. lei wennst hålt ållaweil wieda aane rauchst und noch aane heart die kwälarei ieberhaupt nia auf.
und werst sehgn, die sunne geht imma wieda auf. wenn schon niet hienta die julischn, dånn hålt in da klågnfurta gegend.
20.11.2007 16:30:
@pao lee: bei mia seins hiatztn ieba 4 jåhr. und mei mietzale raucht ållaweil noch, aa nebn mia. i håb echt kaa bidierfnis mehr und gaxtamål graust mi diereckt des gstanklwerch.
i wår in klafu im lkh und håb a augn-op ghåbt. von siebene in da fruah weck håb i noch schnöll so dreie, viere åbeghaazt. um hålba neine wår i auf da schlåchtbånk und danåch håt da primarius zu mia xågg, i soll lei aufpassn, dass i niet die neichn äuglen ausahuast - då wår schluss miet lustig.
åba brauchst niet glaabm, dass es so leicht ies. i håb schon amål siebn jåhr niex graucht und gliettn. so ännliech wia da andale: gaach amål aane ziahgn.. und bin wieda volle eingstiegn. so bleed muaß a mäntsch sein. | 
