sodala, heit fångt da wienta ån. kierzesta tåg und längste nåcht. åb murgn gehts wieda aufwärtz. ies des niet scheen?
bis es bei uns då in kärntn wieda aufwärtz geht, werd noch dauern. und dauern. und dauern jenseitz der tauern.
wia ies des denn eigntlich nåachan bei uns - kånn mi då jemånd aufklärn: bei da letztn låndtågswåhl wår doch a partei miet nåmen BZÖ da große siega. aa ohne mei stiemm. åba - des BZÖ gips jå ångeblich niamma. des ies hiatzt a partei miet nåmen FPK und håt als obaboss an mäntschn, den lei so ungifähr 3% von die kärntna gwählt håbm.  aa bistiemmt von hiatzt ån de minimale mienderheit, wås bei uns hiatzt gschiecht? odawia? ies dås des, wås man als dämmokratie bezeichnen tuat? sauba, sauba. und då håmma hiatzt an grölhaz und a riGIERungsmånnschåft von aana partei, wo's eigntliech går niamma gebm terfat.
neiwåhln? ach geh. låss ma lei de, wo's går niamma gips weitawurschtln. seind eh so tiechtig. und neiwåhln kostn jå lei göld. und da häuptling ies eh so liab, håt er erst vur kurzm wieda amål an hunderter ån de vaschenkt, wo ginua göld ghåbt håbm fier a fåhrkårtn, dass se siech den hunderter  in klafu bei ihm bärsönnlih åbholn können håbm tuant sein solln. und stölltz eich vur, de nötsch kummen ålle aus sein' purtmohnäh! leilei!
neiwåhln seind jå niet notig solång kaana de då untn in unsriega vülgelüpten låndesmettropohle vascheuchn tuat. und zur not håmma jå aa noch aan, der bistiemmt an guatn biss håt - als exzåhntechnika - und der werd schon noch den letztn rest von dämmokratie zabeißn. und die brösln, de wo iebrig bleibm, des ies de krot, de mia fressn terfn. nåachan ies a ruah.

i siehg schon, i kumm schon wieda ins schwärmen ieba die tolln (!!! ???) zuaständ då in unserm scheenen landl (demnäxt falleicht freistaat!) und  derwegn hear i daweil amål auf. bis spätta nåachan såg i