seas feifale. gehtzdaguat? dei speck ies suppa. und wenn man deine zwaa büldln ånschaugt, frågt man sich: wer ies scheena, es feifale oda es kaaskatzl?
nana - niex fier unguat, des seibbes baade scheen. und so a buschiges schwanzle... hihi...
naa, pfeiferle, noch wår i niet untawex miet die schwaafwedla, i wårt, bies die sunne a biessle weita aufakralt. åba hiatzt geh i nåacha.

und - schoba - i maan es seind niet die aachkatzln greeßa in kanadium, sundern lei die feglhäusln klaana. und des täuscht.
und von wegn aufs hamatle aufpassn: des håmt schon im letztn wåhlkåmpf etlane xågg: "wir passen auf DEIN kärnten auf!" - und wia de aufpassn, des wiessn mia eh.

@kuh: >>> "ruflo schlimma warats wennst mitsingen tatest" <<< jå åba hallo, håst du ieberhauptz a åhnung, wås i fier a stiemmle håb? ha? glockenhöll und silberrein. und des hohe cis dapåck i leicht. braucht ma lei da bello auf die haxn steign. i warat direkt a fåll fier die weana singerknaben. wenn i niet so weit weck von wean wohnen tuan taatet. und wenn i falleicht so aan, zwaa jahrlen jienger sein taatet. åba i håb den nebl eh ieberståndn und sugår bies zum schluss zuagschaugt, daweil håt mei mietzale schon a biessale gsaaglt. hättet i umschåltn aa können, åba i bin jå niet so.

und heit ies sunntåg, håmtze xågg.
meinasööl - als renntna kummst gånz ausm kulenda ausa. ies aa tåg wia da åndare.
åba muaß jå wohl sunntåg sein, weil die sunne scheint (zu der da andale "gölbe sau" sågn tuat). åba a sau ies eigntliech die költn. minus 10° bei uns am berg, und des im mierz! nåjå, werd schon werdn. iergendwånn.

hauptsåch es geht enk ålln so hålbwex guat. an guatn morgen und an scheenen sunntåg wientsch i eich jednfålls.