Obgstierzt. Scheiß do! Der schreibt ollaweil wos von exe. und debuggen. Wos was i wos des fia a Viech is do....

He, he he. Jo, wenns ums essn kochn geht, norcha bin I wieda gfrogt. Oba wenns um de vableedete Kistn do geht norcha kiem I mitn Homma. Geht ollaweil noch niet richtig des kraffl. I hoff, dos mei Olta heit amol wos tuat. Hot jo Zeit von 21 Uhr weck bis näxtn Tog. Vuaher is a bei da Oma. Hüülfe, kiemt des bleede Fensta schon wieda. RUNDLL und noch wos englisches. I geh wieda. Noch amol schreibm is bleed.

I kriag noch an Vogl mit dera kistn. Stirzt ollaweil ob. Und mei Olta nix do. FÜNF mol schreib I des hetz schon. hetz reichts ma. Bis I waas es niet. Homma her, draufkaut auf des Technische Glump do.

Jo, bin I a do. Wor heit en mehran Vuamittog in da Stodt beim Bummln. Hon scheene Soochn gsegn und a anige gekaaft. Hetz hon I gekocht, gibts Kraut-Schinkn-Nudl heit. Und Obnds möld I mie wieda. Bin I jo wia jedn Freitog allan. Mei Olta geht wieda zum schiaßn. Olso, bis späta.

Griaß die Irmi! vastrohlt? Des kennat wohl sein. Mei Pe Ce spinnt a. Oba Vollmond is noch loong niet. Wert da zuanehmende sein...!!! I fatschüß mia a. Bis murgn. Der Schaas do schreibt ollaweil wos englisches und de Faijawoll kiemt. Soll mei Olta amol schaugn, wos de kistn do hot. Da Pe ce hot an Konfekt??? Hä?? I sog jo, nix vastehn. Bis murgn.

Griaß Eich! Jo, wert ma nix ondas ibrig bleibm, wenn mei Freindin kan PeCe hot. Oba so schreibm is a wos scheens. I wor heit a schon untawegs und geh glei noch amol. Gschniebm hots heit a schon, oba hetz kiemt de Suun ausa, oda a niet. Wos was I. Da Wind geht a. Olso, bis späta.

22.03.2007 16:46:
Höööö, seits olle eingschniebm oda is schon wieda ka Strom....???

Griaß Eich! Jo, do konn ma amol segn wos da Strom ols mocht in da heitign Zeit. Domols hot ma holt a Feiale gmocht, in Himml gschaut und Rauchzeichn gebm. Heit is ohne Strom nix mehr los, FINSTA. @Ruflo: Scheen, dos es da Sally wieda guat geht. I wer hetz an briaf schreibm gehn on mei Freindin in Spittl Tschitti. Kiem heit nix mehr. Der Briaf wert looong werdn. Bis murgn.

Morgääähn! Des is jo longweilig, herst! Friehlingsbeginn mit SCHNEE. Weihnachtn im Klee. Wos werts denn hobm, guate 30 cm. Mia heit wurscht, I muaß kochn in da Kirchn. Schneegschauflt hon I gestan. Heit is da Rest von Haus dron mit schaufln. Und wenn ses niet tuan, norcha kemen se holt niet aus da Garasch ausa. Hä,hä,hä. Olso donn bis Nochmittog amol.

Griaß Eich! Mein klaan Tiga gehts wieda guat. Der hot sogor freiwillig an Fenchltee gsoffn. Wäh, niet amol I mog den. I was a niet wos a kopt hot. Wor a bissale tschauget und hot gspiebm oba heit is wieda olls klor. Jo, da Schnee. Sogor bei uns in de Nochrichtn hobm se gmöldet, dos in Kärntn dermosn viel Schnee gfolln is. hausholte ohne Strom u.s.w. Bei uns is niet so viel. I schätz guate 20cm. Oba schmülzt schon und de Suun blinzlt a grod a bissale. I möld mie späta wieda.

Jo pfiatigott, halleluja, herst. 1400 Einträg und I grotsch do ollaweil noch im 13ntn jahrhundat umanonda. Den drittn Plotz wer i so wohl niamehr einholn. Oba eh wurscht. Wichtig is, I bin do, oda??!! Heit wor a onstrengenda Tog fia mie. ollaweil wos zum tuan. Oba hetz is gnua und Pause ongsogt. Schneeibm tuats ollaweil noch bei uns. Und mei klaana Kota is kronk. Der hot irgendwos. Wer I eam an Tee kochn und a bissale streichln. Wert schon wieda werdn. Bis norcha.

Griaß Eich! Ols guat ibastontn von gestan (heite). Bis um holba zwa hob ma gfressn. Ols weck. Guat wors. @Coolati: Mein klaasn "Zwetgschgnkrampus" von Kotz gehts guat. Der hot gestan de greßte gaude kopt mit in Zachnt von ondare einebeißn. I wer da amol wieda ane Fotos schickn von meine zwa "Kindalen". @Ruflo: I tat am Montog gor niet ausn haus gehn. Des ATRIO werd in de nextn drei Tog gstiermt werdn. Is bei uns do in Bayan a nix ondas, wenn wos erefnt. @Irmi: los lei obm dei "scheens" Wetta. Hon schon gsegn wia scheen des im "Nordn" Deitschlond is. Wäääh! Scheenen Sunntog noch in Eich olle. Mia mochn hetz Oma-Tog. Und danoch SAUNA, jipppiiiii.

A Tunke is a Sauze, jo. Des brauch ma, damit des Fleisch bessa oberutscht ins Bauchale. Und saufn tua I niet viel lei des Bock Bia dos es zua Zeit bei uns gibt ollaweil in da Fostnzeit. Hot guate 7,9 Umdrehungen. I glab, do reicht ma schon ans. Hiks, rülps.

Griaß Eich! mah, mia hom heit wos gmocht im Gortn drausn. A Looch um en Baam des glei zwa Meta tiaf wor. Der hundling hot Wurzln kopt I waas niet wia viel. Oba hetz is a herausn der Scheiß. Norcha hon I via Tunkn gmocht. Mia hom heit Obnds besuch. Gibts raclett. Meine Fölltiga schnuppan schon de guatn Sochn wos I hergrichtet hon. Olso, Leitln mochts es guat. I glab niet, dos I heit noch amol vabei schaug. Wert spät werdn.

Wenn I fua lauta KOCHN noch dazua kiem, mia des Betonrohrtunnl Dings noch on zum schaugn, norcha konnst es mia gern zagn!

@Woldschneck: Froschtunnl ?? Wo, wie, was! HÄ??!!! Wos isn des. Hob I noch nia niet gsegn. I kenn lei de Freschzaun, de grianen. und des Tafele Vorsicht Froschwondarung. Oba Freschtunnl, nah.