@Woldschneck: Von was gschafft? Vom orbeitn aufn Porzelanexpress oda von wos ondan? *g*
@Calgoni: Wenn do ane Maiglecklen woxn tatn, norcha waretn schon anige gsturbm!!!
Und sunstan gehts ma guat. I schmeiß mie hetz wieda amol in de Vagongenheit und wer de oltn Woppm "studiern". Des von meina Muatta is a drinn, oba vielleicht a niet des richtige. Oba wurscht. Intaressant is es trotzdem. Bis späta.

Gutn Morgn! De suun scheint da Bärlauch woxt und I geh hetz mitn Hund an klaubm. Bis späta. juheeee in da suun is es scheeeeeee......

Habe die Ehre! @Phoebe: Echt, Fleischbeschau? Is dei Maser a Lusti oda wos? *g*
I hon heit a fest gebugglt. Hausholt, Eingekaaft, gekocht und und und. Und da Onkl von mein Oltn is heit a gsturbm mit 86 Johr. I denk ma, do konn ma schon sterbm! Hot sei Lebm glebt. So oba hetz geh I wos essn. I hon an Hunga. Bis murgn norcha. Mochts es guat.

In Goots wülln nah! Sooo viel ließ I hetz oba neama. Heit wor Oma Tog und Zwetschgnbaam obschneidn und guuuuaaaat Essn dronn. Wor ma heit beim Thailända Essn. Maaah, sooovühl guat, oba doch etwos teia. Wurscht, des wors wert. Neies "oltes" Auto, neie Orbeit, scheens wetta. Do konn ma schon amol a bissale a Göld ausgebm dafia. und hetz schaug I ma den NEMO im FS on. Bis murgn norcha.

Jo heit wor Putztog, wia schon de Phoebe gschriebm hot. Guate drei Stund lei es neie Biro von mein Oltn geputzt. Ma wor der Vuagänga von ihm a schwein!!! A so schworz ols zom und der wor niet amol a raucha. Hon I ols schruppm miasn. Tisch einglosn, der hot gepickt, wäääh. Hetz wenn ana niaßt, norcha fliagt ols weck von Tisch. Sunst wor bei uns a nix scheen. Mondfinstanis is heit, oba sicht ma jo nix, weil ols Wolknen send. I winsch eich wos. I geh hetz Kautsching. Sprich vuam te vau.

03.03.2007 19:15:
@Phoebe: Des wor bei mia ondast. Mei Muatta hot ollaweil gsogt, do kriag I leichtende Augn davon und bin so stork wia da Popay. Und schon is den griane Zeigs untn gwesn in mein bauch.

An guatn Morgn in Eich olle.
@Ruflo: Des Tuppagschirr soll ma jo a niet auf herd stölln, sondan in de Schränk oda spezielle Tschreapnen sogor ins Bockrohr!!
@Cooli: Wenn Du 1,33 Lita Bia saufst holtes eh viel aus, herst!!! I wenn üba an Lita sauf bin I "kronk".
Mah, meine Händ schaugn aus vom gestrign Baam schneidn. Des siecht ma erst heit, wia vakrotzt und blau de send. Mit Hantsch konn I nix tuan, weil meine Finganagelen ols hien mochn fua lauta long sein. Und zum obschneidn send se tschood. Bis späta norcha.

@Calgoni: Aus Tuppagschirr host Dei Lebm long Garantie, ausa du mochst es mit Gwollt hien, wa zum Beispühl aufn Herd stölln. Sowos tuta ma jo a niet...!!!
@Ruflo: Nah, Vogele hon I heit kans gfuntn. Dafia hon I hezt a Reibblotta aufn Finga. Weil I heit gonz allanig zwa Äpflbaam gstutzt hon. Äst noch klaan gschittn fia de Säck und a glei noch weckgfohrn zum Hexln. Hetz hon I lei mehr an Zwetschgnbaam zum schneidn. Oba den konn mei Olta mochn. Soll a wos tuan daham!!! I geh hetz kochn. Bis späta, mol schaugn.

Morgehn!
@Irmi: Sei froh dost ka Manndl bist! Da meinig hot de Stana a kopt und der hot gmant wia de weckgongen send, er kriagt a Kind durch sei "heiligstes"!!!
So I geh hetz mitn Hund bei Schnee-Regn und Wind. Vogele wer I hoffentlich kans mehr fintn und wenn doch, nocha was I hetz wo is hinbringen muaß!
Scheenen Tog Eich.

Do kennat ma schon wos mochn mit dera butta. Nämlich ZUDECKN!!! So wia I des tua. De stöll I a ollaweil iba Nocht aufn Tisch ausa, bamit se murgn streichfähig is. Eine ins Tuppagschirr, Deckl drauf, Kotzn sicha.!! Jo des mit dem falkn wor schon a lessige Akzion heit. Der Voglmensch do hot sich glei gfreit, dos es noch Menschn gibt, de a Herz fia Tiere hom. Fotos hon I Eich gschickt !!!
I geh hetz a. Bis murgn norcha.

Siegst es, die Irmi hot Stana, I hon an Vogl (kopt), da ondare an Wompm, da nexte kane Zehnt....!
Also mia hom den Turmfalkn hetz in de Pflegestazion gebrocht. Erste Untasuchung hot ergebm: Noch zwa Tog und der orma wah vahungat. Vadocht auf Tubakulose oda irgend wölche Infekzionsdinga im Hols. Vogele wor schon guat schwoch. DONKSCHEN fia die spontane Rettund vom Vogl des Johres 2007 in Deitschlond (hetz kriag I an Ordn??!!! :-)) Bülda schick I Eich noch, mei Olta is schon wieda futsch um mia zum hölfn dabei. Bis norcha.

Habe die Ehre Leitln!
Mah, mia is heit gongen beim morgentlichn spaziergong. Hon I an Falkn gfuntn. Zerst hon I gmant der is ausgstopft, oba der wor echt! Glei haam, Kotznkorb kolt, Hantsch und den Vogl zum Tierorzt gfohrn. Hot oba nix feststölln kennen. Heit Obnds bring ma de Falkn-Dame (des was I hot da Tierorzt gsogt!) in a Wildtier-Stazion. Fotos schick I Eich a noch. Oba späta. Pfiat Eich daweil. Muaß kochn gehn. Oba kaan "Hittn-Schweinsbrotn", mah, do laaft ma es Saftl, wenn I lei on den denk mit dera Krustn...!!!

Griaß Eich!
Hon I heit glott de zeit ibasegn, vua lauta Puzzl Teile suachn und zombaun. Oba mit mein Oltn zom geht schon wos mit dem Puzzl mit 2000 Teile. Ob murgn bin I donn alan beim zombaun. Do beginnt sei ersta Orbeitstog in da neien Firma. So und hetz geh I zum Te Vau.
Bis murgn.

@Phoebe: mei beileid! Norcha wast eh wia mias dauand geht. Meina hot es Diplom a noch. Dopplt bleed. Wenn der nix zum "spüln" hot, norcha is a sterbnskronk. Ferngsteiate Autolen sölba gebaut. Fliega genauso. Und von de Pe Ces do hob ma i was niet via viel im Dochbodn obm stehn und kana geht gscheit. Wert a oba ols amol (!!!???) richtn.
So, I geh hetz a. I mog heit neama. Schlofts guat.

Auweh. Der Woosafleck kennt gresa werdn! Stöll fuasichtsholba amol an Kiebl drunta. :-)
@Calgoni: So von Fuateil is a Inschenör a wieda niet. Dauand lei de Technik im Schädl und en PeCe fuam Kopf.An Tog muaß I noch ausholtn, norcha geht a ENDLICH wieda orbeitn.
@Ruflo: Siegst de Kabl. De hobm mia a hintam Pe Ce, oba bade Kotzn intaressiern sich niet dafia. Ausa a Balli rollt hintn eine, norcha werts intaressant. Bis murgn norcha oda a heit noch

@Calgoni: Mein klaan Tigalen gehts suppa ohne seine Gloggelen! Hupft umanonda wia ollaweil.
@Phoebe: Donn waast wascheinlich expludiert...! :-) Host Du echt so scheene longe gwöllte hoor?? Solche longen hoor hon I a amol kopt. Hom se ma mit de Dauawölln hien gmocht. :-(
Mia hom uns heit an neien VHS mit DVD gekaaft. Klasse Ding. Konn ibaroll aufnehmen. A auf DVD vom FS oba. I geh hetz meine zwa Serien schaugn. Bis späta.