jåjå, aana gwiennt ållaweil. maastns da petzeh.

i wår hiatzt miet die huntalan untawex. maa, ies des herrlich, so a scheene klåre friesche lufft. schneibm tuatz noch ållaweil und bei uns herobm auf da eben tuamtze fest kettnen muntirn.
då håt hiatztn aana miet an fettn audi (horch!) a stund gibraucht, bis se obm wårnt auf de radlen. die kettnen. kaa wunda, der håt jå z'erscht miassn die gibrauchsånleitung schtudirn. hihi.
da bello håt siech köstlich untahåltn und gaxtamål an bellara losglåssn. wåhrscheinbår håt er sågn wolln "tua schnella, du wappla!" då håt da deitsche so a wut kriagt, dass er aane von de kettnen dawuschn håt und håt se wolln dem bello aufedreschn. "niexgitroffnbiervasoffn!" håt da bello gibellt und dafier håt da wutige tüpp die kettn wieda urdnen miassn und des håt noch a viertlstund länga gibraucht. haha. sölbaschuld.