Griaßeich. Bin z'ruck von unserm Murgenspaziergång. Ieber die Graslitzn, von da Windischn Höh und ieber die Nockberg ziahgn dunkle Wolkn auf. Es werd ållaweil fienstara. Kummt a Regn? Werdn mir sehgn. I wientsch eich trotzdem an scheenen sunnign Tåg.
Kuhle - des haaßt nit "ausgrostet" sundern "verrostet". Wennst den Link obn niet ånklickn kånnst - tua ihn aanfåch kopiern und im Brauser einfügen. Åba bring vurher bessa dein Petzi in Siehaheit!
Seas Pfeiferle. I ziahg kaane kurzn Hosnen ån. Könnet valleicht wer sågn "Uii, der håt mit aana Krah Wadln getauscht und die Krah håt gschrian 'Betrug, Betrug'."
Prächtiges Weetta håmma bei uns. Heit' is wieda a Summatåg zum Erwårtn. Åba åbwårtn und Tee trinkn! Pfeiferle pass lei auf auf di, damit dass mir uns im Hierbest wieda amål iergendwo treffn können. Liabe Griaß nåch Kanadium.
An wundascheenen guatn Morgen eich ålln und an erfreiliehn Tåg!
Hallo Fibi. Frei mi, dass du und unser Beale so guat zsåmmpassn tuabbes. Wennst sie wieda amål triffst - griaß sie gånz liab vom Mitzale und von mir. Mir druckn ihr ålle Daumen, de mir håbn tuamt und dir natierlieh aa.
Es Glasl is ållaweil hålb voll. Es is noch nia wås passiert. Drum, Miester: A biassale "Ob-die-Miss-muss" bittascheen. Es kummt ållaweil wieda a Kruschpltåg.
Mit Vorliebe krabbeln und kruschpeln sie auf dem Käfigboden herum, zwischen Auslegepapier und Heu, manchmal sieht man sie garnicht."<<<
Ållas klår? Da Andale tuat in seina Kuchl Wultschka (Wühlmäus) oda Heanda (Hühner) züchten. Und mei Mietzale "kruschplt" nit, då taatet i mi scheen bidånkn.Då warat i niet schon 52 Jåhr mit ihrn vaheiratet. Oda mant da Kuhle valleicht sowås: (aa bei Guhgl gfundn)
02.04.2006 - Gillis höhrte ein leises Kruschpeln hinter sich und Viola "Viola, geh hinter mich!" Gillis erkannte schnell, dass es ein Darmonk war "<<< Den Rechtschreibfehla in "höhrte" schenk i eich gratis, weil den håb i aa lei vom Guhgl kriagt. Guate Nåcht!
Fiers FB braucht man ka Ånleitung, lei fiers "Kruschpln", und mit dem kånn i nix ånfången. I kenn des Wurt niet - steht in kaan Wertabuach. An scheenen Rest vom Sunntåg und pfiateich!
An guatn Morgen und an scheenen Tåg. Kålt is es! Murgn noch die "Sophie mit'm kåltn Åasch" - nåachan håmma die Eismannkalan aa ieberståndn und es werd hoffentlich würmer. Oda aa niet. Wer waaß des schon. Pfeifale - i bin eh dådedå. Håb lei mummentan wenig Geist fiern Kommbutter. Liabe Griaß nåch Kanadium!
Jå eh klår: die Kontschita is dir Wurscht. Derwegn haaßt sie aa so. Warat gånz wås åndreas, wenn sie Kontschita Kruschpl haaßn taatet. Sie (Er) werd schon wiessn, wås sie (er) ies und des ies die Hauptsåch.
