seas, pfeiferle. unsa sally werd am 24. aprül 3 jåhr ålt und sie låsst da sågn, sie gfreit sich schon auf die schweinsschwårtn.
naa, am st.veiter-wiesnmårkt wår i noch nia.
ehrlich xågg, i måg solche massn-vaånståltungen wia den villacher kirchtåg oda den wiesenmårkt niet so gern. mir reicht da kreizna kierchtåg, als ålta fajawehrmånn muaß i då wohl oda übl dabei sein, weil mia (die kreizna fajawehr) den jå vanståltn.
mia taugn mehr so gimiatliche klaane rundn, wo man siech a guat untahåltn kånn.
åba: unsa tochta håt am wiesenmårkt ihr manndle vur 21 jåhr kennen glernt und ies heite noch damit z'friedn.
då siehgt man wieda: am sanktveita wiesnmårkt gips nuuuuuur kwalitätsartickel, ån de håt man lång sei freid.
und die drei öltestn von unsre siebm enkalan håt der aa noch dazua broduzirt.
i måg sanktveit, ies a liabs stadtle mit aana wundascheenen umgebung - aa wenn i då niet so guate erinnerungen drån håb. (mi håmtze drei wochn lång durtn im krånknhaus vaårztet, åba då können die sanktveita jå niex dafier.)
scheene griaß nåch canadium und - mia gfrein uns drauf, dass ma unsa pfeiferle im septemba persönlich kennen lernen werdn.
ålln åndern wientsch i, trotz nieslregn und triabe wolkn an sunnign tåg und an guatn morgen. 01.04.2009 07:19:passtz auf, leitln, heit ies da erste aprül ---
und am erstn aprül schickt man des esale wohin man wüll.
01.04.2009 07:33:waaßt eh, pfeiferle, ob unsa wåldschneck wirklich a helix pomatia ies oda womöglich går so a schlutziga arion rufus (wegschneck) - des wiessn mia niet, weil er uns noch nia niet varråtn håt, ob er a gschnirkltes häusle miet siech umaschleift oda niet.
und es chrischtele, de wo ihn jå bersönlich kennen tuat, de sågt aa niex.
falleicht ies er åba aa a planorbarius corneus, nåachan warat er a posthornschneckn.
i, wenn i a schneck warat, warat sicha a crepidula fornicata (a pantofflschneck, weil unta dem bin i dauernd drunter). hihi
in olle!