Griaß Eich! Nah, Cooli, de Zwetschgnknedl hobm ma nix gmocht und ausadem, wos bleibt ma denn ondas ibrig, wennst nix ondas kriagst zum essn ausa a zaaches Fleisch....!! I iß eh lei mehr Nudln, und so weita, ka Fleisch mehr. Do kau i jo zu Weihnachtn noch dronn uma. I wer hetz ins longweilige Dorf ume gehn bei dem scheenen Wettalen. Murgn solls jo schneibm. Olso bis bold norcha

Griaß Eich ! I bin a wieda amol do. Dosnfuatta gibts noch ollaweil und da PeCe is ollaweil besetzt. I geh hetz zua Berotung vom Diät essn. Is do eh niet möglich bei dem Dosn zeigs gsund lebm. Olso bis bold norcha

Guatn Morgn im neichn Johr!!!! Scheen wors. Raketn schieasn zuagschaut iba Graz send se gflogn und tusch peng knoll. Kindapunsch gsoffn und Lax mit Kavia Brote gessn, de amol nix aus da Dosn sondan ausn GLASLN !!! Oh wie schön! Und sunstan wors recht Lustig. Und hetz geh ma zu vieat Essn weil ma ka Käfabohnengröstl niet megn am Fajatog. Juhuuu. Es lebe des Gsindare Essn Auswerts !!!!

So, Dosnsalot gessn. Nah!!! Heite hots sogor an Wurschtsalot gebm und den amol nix aus da Dosn. Oba gequöllt hobm se mie heite dafia. Kreiz-Orsch und Hüftschwünge hob i mochn miasn. Pfuiteifl herst mia tuat hetz noch mehr olls weh ols wia fuaher. Und a neiche Zimmakollegin hon i heite a krieagt. Oba de kenn i schon aus unsara Gruppe. A Burgnländarin, gonz a lieabe und a Billa geschädigt so wia I a. So und hetz noch a bissale zum TeVau und murgn wieda auf um holba siebene zua MORGNGYMNASTIK. mah he so a Schaas und ibahaupt wenn da eh olls weh tuat.

Guatn Morgn in olle do ! Semmele und Kuffee gessn und getrunkn. Und amol nix aus da Dosn. Gestan wor i in Weiz beim Mittogessn einglodn von meina Gruppmkollegin da Heidi. Des wor a Genuss. OLLS frische Zutotn und an Brotn vom Hirsch hon i gschlappat. Heite geht da Blasius wia niet gscheit do auf da Heh wo i bin. Und sunstan is olls ausgstorbm do. Viele send haam gfohrn. Und i geh hetz strickn und TV schaugn. Bis bold norcha

Griaß Eich ! OLLN a scheene Weihnachtn.
I bin heija jo "Auswerts". Geh um zwa Weihnachtsbaam aufputzn hölfn. Und es gibts schon grianen Salot oba Karottn, Erdäpfl, Kraut, Gemise, Karfiol und so Zeigs is olls aus da Dosn. A so monche Soßn olls Backlen und Pulva. Oba mocht nix. Mia hob ma beschlossn a mol in da Wochn zum Essn zum gehn, sunst werts do jo "kronk"!

Mah, bin i fertig!! Wookn hob ma grod kopt. Mit de Steckn ohne Schnee spaziern laafn. Mah, bin i aus da Form. Und Zmittog hots wieda Dosn Salot gebm. Oba heite auft Nocht gibts PIZZA !!! Geh ma olle essn. Des Fuatta do is auf daua nix fia uns (12 Leit). Und Hupfbaale bin i a kanns gwordn eha a Nühlpferd. Tablettn hölfnt nix. Mol schaugn wos noch olls kiemt. I geh hetz duschn.

Mah, bin i fertig!! Wookn hob ma grod kopt. Mit de Steckn ohne Schnee spaziern laafn. Mah, bin i aus da Form. Und Zmittog hots wieda Dosn Salot gebm. Oba heite auft Nocht gibts PIZZA !!! Geh ma olle essn. Des Fuatta do is auf daua nix fia uns (12 Leit). Und Hupfbaale bin i a kanns gwordn eha a Nühlpferd. Tablettn hölfnt nix. Mol schaugn wos noch olls kiemt. I geh hetz duschn.

Brot, Brot, Brot hots gebm und Salot aus da Dosn mit frischn Zwiefl. Gigantisch wor des heite. Und Luftballon hon i heite a schon schieasn tierfn und Balli spüln. Scheen und hetz geh ma olle Endsponnen bei Klimpamusik und sanften Stimmen. Donn hob ma noch a konzentrierte Bewegungstherapie, wos a imma des wieda wert werdn??!! Nah, heite is es echt intaressant. Suune scheint a. Passt. Und meine Tablettn hobm se a aufedosiert, hetz wer i bestimmt wia a Hupfboll werdn und de gonze Wölt umormen. Lallllll.

Mah, i sogs eich. Des Dosnfuatta des geht ma scheen longson aufn Keks do. Am Mittwoch geh ma Pizza essn. Entweda is es Brot aus do, oda es is holbat gfrohrn oda Staanhiert. Olso vasamen tuabts do echt nix. Und es Dorf besteht aus an Schlecka, drei Gostheisa, ana Kirchn und an "Nah und frisch" der zua hot kopt fia a Wochn. Fux guate Nocht konnst do lei sogn. Hetz geh i noch a bissale ratschn befuas Morgn richtig los geht mit da Therapie.