|
|
|
| ruflo am 22.02.2014 11:26 (vua 3929 Tåg) |
Dås "Gemöhle" (100 x 80, Acryl auf Leinen) håb i sölba vabrochn und mein Mausalen zum Giburtztåg gschenkt. Åba gmålt ies es nit, lei gspåchtlt.Wås haaßt den BEA? Besunders Entartetes Ausstellungsstück? Oda wås? Oda håst ån unsa Beißerle gedåcht? Dem wientsch i ålles Guate und an Haufn Xundheit.
Es schneibt ållaweil noch und i wer' schon båld taamisch.
Pfiateich bis Montåg odaso.
|
| ruflo am 19.02.2014 08:50 (vua 3932 Tåg) |
Kuhle - Popschilen kånn man jå a sölchn, denk lei amål auf die Schweinggalan.
Strom håmma wieda, åba es giaßt wia aus Kiebln. Werd siehalieh wieda in Schneefåll iebergehn und nåachan håmma die Bescherung...
An scheenen Tåg wientsch i eich. |
| ruflo am 18.02.2014 16:09 (vua 3933 Tåg) |
Mir wårn hiatzt 30 Stundn ohne Strom. Ka Liacht, ka Haazung, ka wårmes Essn (Gottseidånk håmtze beim Ebnerwirt Katastrofndienst und suppa Fleischnudln mit Sawakraut ghåbt!), ka Stråßn (is ållaweil noch gsperrt, weil då henkn zåhlreiche Baama drieber, de se erst weckschneidn miassn), ka Zeitung, ka Post, ka TV usw.usw. und natierlieh aa ka Intanetz.
In meina Bude håts gråd noch 14° ghåbt. Und Neischnee håmma schon wieda 40 cm.
Vur kurzm håt wieda es Liacht aufgebleanggatzt. Hurra - wir leben noch ...
Es näxte Tief is aa schon wieda ånxågg - wern mir sehgn, wia lång da Strom uns noch die Ähre gibt.
Daweil amål liabe Griaß ån ålle. |
| ruflo am 17.02.2014 07:38 (vua 3934 Tåg) |
H Ü L F E !!! Es schneibt schon wieda. Ieber Nåcht seind miendestns 10 cm neicha Schnee dazuakummen. Und es schneibt und schneibt und schneibt weita. So an intensiefn Wienta håmma schon lång niamma ghåbt. Seimma wieda eingschniebm.
I wientsch eich an scheenen Wochnbeginn und an guatn Morgen.
Pfeiferle, i gfrei mi, dass es dir beessa gehn tuat. Hoffntliech håltets ån. Und von Reiki håb i schon gheart. Probiers lei. Hülfts nix, dånn schådets nix.
I druck dir die Daumen und schick liabe Griaß umme iebern großn Teich. |
| ruflo am 13.02.2014 10:54 (vua 3938 Tåg) |
Da Dreizehnte is nia niet a Unglickståg, im Gegentum - muaß man lei es Bossitiefe sehgn, nåachan gfreit man siech drauf. I wientsch eich jednfålls scheene Stundn.
Und die Sunne scheint aa - de is jå noch niet eggsblodirt.
Schauggs eich lei amål die Büldln von unserm Scheffe ån, nåachan wissts wia saubare Haxnen ausschaugn tuamt. |
| ruflo am 12.02.2014 17:20 (vua 3939 Tåg) |
Nix Neichs bei uns, drum kumm i aa erst hiatzt und wientsch eich an scheenen Åbnd.
Maa, taatet i hiatzt gern ån da Stell von unserm Scheffe sein: In Thailånd die Haxn am Strånd im Sånd ausstreckn ... An prächtign Rest vom Uhrlaup wientsch i eahm. Kuhle - die NSA maschirt schon iebern Wernberga Biechl aufe. Und Håndschölln håmtze aa dabei. Glei werst arretirt, werst sehgn.
Wåtabording is es Miendeste, wås dir passirn werd. Åba i denk auf di, wennst nåachan im Tschumpus hockest. In Guantanamo oda wås waaß i wo.
|
| ruflo am 11.02.2014 08:47 (vua 3940 Tåg) |
Griaßeich, Leitln. In da Nåcht håts schon wieda gschniebm. Mir wissn schon nit mehr, wohin mit da gånzn weißn "Pråcht" - is ka Plåtz mehr zum wegschiabm. Und es Ållaneieste: Es fångt schon wieda ån zum Schneibm.
Bin wohl a biessale auf da Gnaungge, åba mit die Huntalan wår i derwegn untawegs. Und a wenig Schnee gschauflt håb i aa, so guat i hålt noch kånn.
I wientsch eich an scheenen Tåg und hoff', dass endlich die ieberfliessige Schneibarei aufheart. Hiatzt håmma echt ginua Schnee.
www.flickr.com/photos/duellerfarm3.staticflickr.com/2849/12453929955_29849b1c9a_h.jpg |
| ruflo am 09.02.2014 10:00 (vua 3942 Tåg) |
Wohl, er lebt noch. Und drin stehn tuat aa wås.
Wia i heit zur Morgenrunde mit Hund aufgebrochn bin, håts noch gregnt. Naa - bessa xågg es håt gegossn. Åba seit neine schneibts volle Wäsch. Guat so - lei ålls åba, wås niet drobm bleibm wüll. Valleicht håmma nåachan a Ruah und es werd scheen långsåm da Auswårt kumman. Oda a niet - wer waaß des heitigntågs schon so ginau.
A guldene Medailje håt unsa Karntnabua aa gmåcht und dazua gratuliern mir ihm gånz herzlich.
Eich ålln an scheenen Sunntåg!
Aans von unsare Enkalen is mit Freind in New York, und aans is in Israel. So klaan is die Wölt. |
| ruflo am 06.02.2014 13:36 (vua 3945 Tåg) |
Seas, du Kruschpla. Mir wårn von gestern Åbnd bis heit um 13 Uhr ohne Strom. Ka Liacht, ka Haazung, ( lei mehr 12° in mein Ziemma!) ka wårms Essn und nietamål a Kuffee. Intanetz aa kaans - åba hiatzt laafts wieda. Hoffntlieh bleibts a soo. Liabe Griaß ån ålle. |
| ruflo am 05.02.2014 10:31 (vua 3946 Tåg) |
In da Fruah håts jå nit so schlecht ausgschaugt - åba um sexe is da Strom ausgfålln, um hålba neine håts wieda ångfången mit da Schneibarei (und a biessale tuats ållweil noch) und um zehne is da Såft in da Leitung wieda gflossn. Sunstn warats kålt (kaa Haazung), fiensta und mir waratn hungrig (können mir nix kochn) und i hättet kaa Intanetz.
Åba hiatzt passts schon wieda. Lei unsa Stråßn is ållaweil noch gsperrt aufs Lånd ause. Nåjå - werd schon wieda. Åndare håts noch vül schwaara getroffn.
I wientsch eich an guatn Tåg mit vül Såft in da Stromleitung und wenig Schnee aufm Dåch. |
|
|
|
|
