Fröhliche Weinachten !

 Liebe fibi

ca. 5000 in Worten  fünftausend Einträge im Gästebuch,
210 Witze ,
415 Witze kommentiert !!!
Dos  is ka Dreck !
Leider bist nur mehr  selten da .
Trotzdem:
Alles Gute zum Geburtstag !



14.10.2019 10:45:
 Mahhhh .... geht nix mehr  wos is den do los da Hund heh !

 Oda wia ma in Kärntn sogt:  Da Summa is umma !

 Da Dokta sågt: I kånn nix find'n  bei ihnan , i was nit wås ihnan fehlt, åba i glab dås kimmt vom  saufn !

Måcht jå nix , sågt da Patient zan  Dokta ,
kimm i hålt Morgn wida , wånn du wieda nüchtern bist !

A is dås  jetzt schon  Delirium tremens oda  lei  Illusion ?

Im engeren Wortsinn ist eine Illusion eine falsche Wahrnehmung der Wirklichkeit.
In einem weiteren Wortsinn werden auch falsche Interpretationen und Urteile als Illusio  bezeichnet !

In diesem Sinne Prost !

 Griaß eich !

Also  då muaß i jå dem znix recht gebn.
Ausdrücklich  verboten is es nit,  åba  verpflichtend is  es a nit an alkokoholfreien Hopfentee zan trinkn !
Weil nämlich a Bier, -  ( i man so  a  richtiges  alkokolisiertes)  von dem  (spätestens nåch'm 3.) ålle Frauen schön wernd und von dem 
du so gscheit werst, dåß du anfåch  ålls besser waßt ! Also so Ans, dos mindestenst 50 Prommille håt !
So Ans von dem du lustig werst und singen tuast !
So Ans wo außn vom Glasl die Tautropfn  åberinnen,  und obn a schöner weisser Schaum is !
So Ans dås nåch Bier riacht ohne dås, man a Gulasch går nit essn kån !
- anfåch dås Beste is,  wo gibt !

Liebe Grüße in Ålle aus dem sonnigen Kärnten

s' wastale

 @ pfeiferle

A blöde Gschicht
dås, mit da Gicht !
Nåch meina Ånsicht brauchst sie nicht !
Jedoch mit Umsicht und Verzicht ,
auf månches köstliche Gericht ,
( dås Gaumenfreuden dir verspricht )
Verringert   sich erst dein Gewicht
Und dånn verschwindet a die Gicht !
Und aus is dås Gedicht .

In  Ålle an schean Gruaß und a scheane Summazeit !

s'  wastale

 Grüß Tag
Also i muaß sågn für mi send die hålb Lita Flåschn a groß genua !
Trink i hålt zwa dovon !
Hauptsåch Villacher steht drauf !

In Ålle an schean Gruaß

Besonders mein liabn Freind Pfeiferle  und der liabn fibi ! (Gute Besserung !!!)
Vom Martin hert ma går nix mehr ?
Wia's ihm öpa geht ?

 Griaß eich

Huch hiatz is oba wohl haß !
Und i waß går nit  ob i mei 30 Grad  Wäsche draußn aufhängan terf ?
Liebe Grüße in Ålle

 Griaß di z nix

Entweder håm mir Zwa wås fålsch gmåcht, oda  dås Vn is dem Zeitgeist zum Opfa gfålln.
Hoffentlich gfållt dir dei neie Wohnung?

An schean Gruaß in Ålle

 Griaß Eich !

Frohe Ostern wünsch i in Ålle !
Wår schon wer Ostafeuer holn ?
Damit ma den Schinkn a auf  an gwichnan Feia kochn kånn?

Hoffentlich is båld Fleischweih, weil vurher kriag i nix zan Essn 
Und i bin schon so humre ! 

Auf dåß Ihr Ålle xund seibs und dås schöne Osterwochenend genießen könnt's

Liebe Grüße

s wastale

 Hoch lebe dås Pfeiferle 

Åba heint is nit nur st. patrick day,   heit  håt  er a Geburtståg !
An gånz besonderen, vermut i !
 Also :
Ålles Guate zum Geburtståg lieber Adolf
Xundheit, Glick und Z'friedenheit  mögen dich immer begleit'n!!!

s wastale

Liebe Grüße in Ålle

 Wås hålt wohl schåd is !
Kana då ?
Åba dås is wohl da Lauf der Zeit ! ?
Nit amål der aus  Kanada is då !
Wårnd eh niamma viel, åba jetzt is går kana mehr do !!!

Liebe Grüsse Znix

s Wastale

 Grüß Gott

Vurfertn håt da schassaugate Tschinehane mit ana Tschompe an Woltschga darschlågn wolln !
Åba a Beinvogl  håt eahm ban Ohrwaschl darwischt !
Und zwögns dem send eahm dånn dö Gogolore aus'm Gfries gfålln !

Vor zwei Jahren hat der fehlsichtige, und mit eingeschränktem Zugang zur Intelligenz ausgestattete Mensch,
versucht einen Maulwurf zu neutralisieren.!
Aber in diesem Moment stach ihm eine Biene in's Ohr,
worauf ihm die Brille aus dem Gesicht fiel !

Liebe Grüsse in Ålle

 Griaß eich!

Weil i vor an Jåhr dås erste Mål wås gschriebn håb då herinn' !

A Åltes Kärntnaliadle geht so -

Dås Jåhr is lei a Wind
Da Kerschbam blüaht da Gugge schreit
Da Waz wed reif, is Hirbestzeit
Es Jåhr is lei a Wind

A Kindle reckt die Hånd
A Diarndle geht za Trauåltår
Vorm Haustor spielt die Kindaschår
In Schnee treibt's um dieWänd

Da Wind is um dei Haus
Es waht die Stund es fliagt die Zeit
Da Wind der blåst die aus........

I waß eh, a bisale schwermütig, wia hålt fost ålle Kärntnalieder.
Is lei,  weil die Zeit richte wår schnell vargeht......

Oba hiatz is  wieda Fåsching und a lustige Zeit !!!
Bei uns is heite Kaiserwetter und viel Schnee auf da Ålm.
Då muaß i aufi !!!

I hoff es geht eich Ållen guat ?
Und a schöne Zeit noch

s' Wastale

 @  Ålle

A  guat's neix  Jåhr ! 

Xund bleibn,  lång lebn,
nix  klunzn, nix klågn
mehr will i nit sågn !

s' wastale