|
|
|
| ruflo am 03.03.2015 16:05 (vua 3552 Tåg) |
Heit', am 3.3. muaß i schon wieda amål då eina schaugn und gånz fest ån unsa Irmile denkn. Heit' hättet sie ihrn Geburtståg. Irmile - du treue Seele - du fahlst uns!
Bei jedm V-Net-Treffn wårst dabei und håst die weite Ånreise von Köln her zu uns nit gscheut. Du wårst uns a guata Kumpl. |
| ruflo am 26.02.2015 18:16 (vua 3557 Tåg) |
Kuhle, i håb nit lei die Hunde, sundern a mei Mitzale, zwaa Kinda, zwaa Schwiegakinda, siebm Enkalan und zwa Schwiega-Enkalan und a sunst noch ållahånd. I schaug schon öfta ins V-Net eina, åba du waaßt jå sölba, wås sich då hariennen tuat.
Valleicht ieberlegst es dir echt und vasuachst es amål mit dem feißpuck - då is vül mehr los.
I såg daweil amål Pfiatdi und bis båld. |
| ruflo am 19.02.2015 15:48 (vua 3564 Tåg) |
Jå Inge. Gehts guat? Mir nit går so, åba i bin jå aa schon ålt. Muaß man lei z'friedn sein. Wenn die Zeit ållaweil schnella vafliagt, kummen hålt ållahånd Wuwalan (Wehweh-chen) daher und hurchn aa niet aufn Dok, wenn der sågt "Vaschwiendets!". Und aa wenn der seine mudernstn Kämikalien einsetzt - nutzt nix.
Valleicht solltets i mietm Kuhle sein Giheimrizept prubiern: dreipruzentiges Bärocksied.
Wohl - Kuhle - i måch noch meine tägliehn Rundn mit die Huntalan, mit da Sally und dem Bello. Åba es fållt mir hålt niamma so leicht wia frieher amål. Waaßt eh, wia se sågn tuamt: "Lei die Hårtn kummen durch und von de lei a påår".
Hiatzt wientsch i eich noch an scheenen Rest von dera Wochn und såg "Pfiateich". I schaug schon ållaweil då eine zu eich und bin in Gedånkn ållaweil noch in unserm Viellaha-nett. Bis båld und ålles Guate!
Kuhle, tua nit z'vül "kruschpln" - Fåstnzeit is! |
| ruflo am 06.02.2015 18:28 (vua 3577 Tåg) |
Hallihallo, bin wieda amål då!
Kuhle - friess nit z'vül Magnesium, kriagst die Scheißarei.
Und is bei deine Fremdspråchnkenntnisse Küneschisch aa dabei?
Siehgst Kuhle, wia guat des ies, dass dei ångibiessana Åpfl gachamål spiennen tuat - kånn dei Bua glei zaagen, wås er drauf håt.
Schneibm tuats und des is guat so. Haaßt jå, wenns um Liachtmess schneit ies es Fruahjåhr niamma weit.
Sodala, i bin bereit - es Wochnend kånn kummen. Dabei is des uns Renntnamandln eigentlich eh lei mehr wurscht.
Is a Tåg wia da åndare. Merkt man lei am "Gekruschplwerch" ob a Sunntåg oda a Werktåg is.
I wientsch eich a scheens Wochnend und såg "Pfiateich" bis båld wieda amål. Oda so. |
| ruflo am 31.01.2015 11:56 (vua 3583 Tåg) |
Bin aa wieda amål dådedå. Nåch dem gestrigen Schneetåg bleanggatzt die Sunne heit vom Hiemml, dass lei so hüldert. Åba a biessale kålt wårs in da Fruah schon. Gschniebm håts bei uns so ån die 10 cm, nit mehr.
An Hogga neiche Büldln håb i auf www.flickr.com/photos/dueller und i hoff, sie gfålln eich.
Fibile - gratulier zu deina neichn Behausung und i wientsch Dir ållas Guate und vül Spaß, aa beim Einrichtn.
Kuhle, Dir wientsch i vül Spaß beim Schweinsbråtn-Kruschpln (mir essn heit aa sowås Guats, mit Erdäpflkneedl!).
Eich ålln a scheens und erholsåmes Wochnend und i såg Pfiateich bis zum näxtn mål. |
| ruflo am 19.01.2015 15:54 (vua 3595 Tåg) |
Wieda a neiche Wochn und i muaß aa wieda amål unsern "lonesome wolf" besuachn. Tåpfa håltet er die Stellung.
I schaug wohl öfta amål då eina, ob sich wås tuat.
Nit bees sein, Kuhle, åba mir werd des scheen långsåm z'vül: es Gfriesabiachl und mei Fotoseitn de håltn mi auf Trab. Und es www.flickr.com/photos/dueller wüll i nit aufgebn, då steckt schon soo vül Årbeit drin und seind so vül von meine Büldln åbgspeichert. Des wüll i nit valiern.
I schaug schon gachamål då zu dir eina und i vagiess es Villacher.net niet.
Wiensch Dir und ålln, de sich doch valleicht noch då eina vairrn a scheene Wochn. Pfiatdi, bis båld wieda amål.
|
| ruflo am 07.01.2015 08:42 (vua 3607 Tåg) |
Sodala - vurbei die "stillste" Zeit im Jåhr. Hiatzt werd wieda a Ruah einkehrn. Hoffentlieh. Gestern wår bei uns noch die Jåhres-Hauptvasåmmlung von da Fajawehr (mit an Suppa-Essn beim Ebnerwirt) und hiatzt geht da nurmahle Ålltågstrott weita.
I wientsch eich an scheenen Rest von da Wochn und såg "Pfiateich!" |
| ruflo am 03.01.2015 15:19 (vua 3611 Tåg) |
Fibile - i wientsch Dir ålles Guate, dass es klåppt mitm Xundwerdn und so weita. Mir denkn auf Di!
Suppa-Weetta!!! I hoff es ies bei die Neblkinda aa so scheen, weil in aana Stund gehts los mitm Eishucke-Mätsch KAC gegn VSV unta freiem Hiemml im Wertasee-Stadium. (Leif im Servus-TV)
Dass des dem Kuhlattnik Wurscht ies, waaß i wohl, håt er jå schon xågg. Hauptsåch sei Bauchale ies vollgekruschplt.
I hoff auf a flottes und fähres Spül. Und gwiennen soll die bessare Månnschåft. Am bestn unsre Villacha Stars.
Oda sunst hålt auf ålle Fälle a Kärntna Månnschåft.
I wientsch eich a scheens Wochnend! |
| ruflo am 31.12.2014 07:49 (vua 3614 Tåg) |
Ållas Guate zum Geburtståg
und a wundascheens
xundes und erfolgreiches
neiches Lebnsjåhr!
_____________________________
Und ålln FreindINNen im
Villacher-Net an guatn Rutsch
und a xundes, erfolgreiches und glickliches
Jåhr 2015!
|
| ruflo am 29.12.2014 07:13 (vua 3616 Tåg) |
Die letztn Tåg im åltn Jåhr. Wås es neie bringen werd? Åbwårtn (und Jagatee trienkn, nåachan werdn mir schon sehgn).
Und ob ohne oda mit Fajawerk - die Zeit låsst sich niet aufhåltn. Sie rennt dahin und kummt nit wieda.
Fajawerk - aanign gfållts jå, mir hålt nit. Wås då sinnlos ån Göld in die Luft gschossn werd ... und die årmen Viechalan im Wåld und in Haus und Hof, wås de då mitmåchn! Wenns ånfångt mit'm Kråchn, zittert unsa Sally wia a Lamplschwaaf. Und sogår da groaße, stårke Bernhardina, da Bello, vasteckt sich.
Åba nutzn tuat des nix, es klescht derwegn.
Wientsch eich ållas Guate in die Runde! |
| ruflo am 27.12.2014 09:56 (vua 3618 Tåg) |
Kålt ies es (-5°), vur 10 Minutnen håts ångfången schneibm und schon is ålls weiß.
Hiatzt ies er då, der - auf den so vül Leit gwårtet håbm.
I wientsch eich a scheens Wochnend. Vagessts niet schnöll einkaafn gehn. Murgn ies Sunntåg. Und weil zua de Weihnåchtn ålls weckgfressn wurdn ies, wås so im Eiskastl Guats driennen wår, drohn murgen die Hungasnöte. Jå!
Pfiateich, bies gach wieda amål.
Kruschpl-Kuhle, friess niet so vül, kriagst aa so an Wåmpm wia i. Jå! |
|
|
|
|
