|
|
|
| ruflo am 07.01.2014 14:54 (vua 3974 Tåg) |
Seas Frounz. Jå so san se die Familjenpoliere. :-)
Und Andale - bist nix auf da Heeh: die Fekta ies ka Münistarin mehr, und schon går niet fier Fünanznen. Des ies hiatzt da Nåsnbär.
Heit bin i a biessale spåt drån, wal i wår heit in Villach beim Kirurgn. Håb mir wieda amål a Trumm Ohrwaschl weckschneidn låssn miassn. Jå, bin i zwår niet scheena wia die Dahmen, wenn se vom Kirurgn kummen, åba dafier xienda. Hoffntlieh. Des seind hålt die Folgn da Jugendsienden: Z'vül und z'lång in da Sunne glegn am Vassacha See.
Wientsch eich an scheenen Rest vom Tåg. |
| ruflo am 06.01.2014 10:04 (vua 3975 Tåg) |
Jå Schnecki, siehalieh gips. Hauptsåch, ma kånn ållas ån die Großkunzerne und ån die NSA delegiern. Und indeligente Kids, wo kaan Büschiata brauchn , können siech eh sölba aa erziahgn.
I wientsch eich an scheenen Fajatåg.
A biessale håts gschniebm bei uns, åba lei a biessale. Mir seimma gestern am Åbnd von Villach aufa ham gfåhrn. A hålbe Stund späta warn mir derwegn zwengs dem Gatsch niet iebern lången Biechl aufa kummen. Es maaste wårn gestern auf d' Nåcht Regn, Blitz und Donna.
www.flickr.com/photos/duellerfarm4.staticflickr.com/3748/11794834853_10336f6462_h.jpg |
| ruflo am 05.01.2014 23:03 (vua 3976 Tåg) |
@Kuhle: Von wegn Griaßn: Maanst nit, dass des schon im Elternhaus ånfången sollet, sowås den Gschråppm beizanbringen? Heitigntågs håbm scheints aanige Eltern niamma den Mut, ihre Kinda zu erziehn und schiabm die Vaåntwortung auf die Schual åb. Is jå aa bekwehma. Scheen warats aa, wenn man die Erziehungsårbeit dem Eifohn, oda dem Eipäd oda dem Eitiwieh iebergebm können taatet. Iergend an Ei hålt. Auf des hurchn die liabn Klaanen mahr als wia auf Tate und Mame und Leera.
Wenn schon ålls z'spåt ies, stehn die Leera maastns auf valurenem Postn.
Und wås ies in de drei oda vier oda noch mehr Monat Urlaubszeit wås de Bedagohgnen håbm tuamt (jå echt odawia) - wer tuat in dera Zeit die liabn Kinderlen erziahgn?Guate Nåcht und an scheenen Gruaß von da Sally www.flickr.com/photos/duellerfarm3.staticflickr.com/2890/11769985733_68a59a0dab_h.jpg |
| ruflo am 04.01.2014 17:40 (vua 3977 Tåg) |
Schnecki, i wientsch dir an gaudign und scheenen Åbnd.
Mir håbm heit an Reisauflauf g'gessn und då wår aa ka Fleisch drin. Höxtens im Himmbärsåft, wo es Mietzale driebagschiettet håt. Åba gekruschplt håts niet.
05.01.2014 09:31:
Schneeregn, Nebl, +1°, Gatsch auf da Stråßn - vül grauslieha könnets draußn nit sein (unsa Hunderunde håmma derwegn gmåcht) - åba i wientsch eich trotzdem an wunderbårn Sunntåg. Weil vom Weetta låssn mir uns unsa guate Laune nit vamiesn.
Pfeiferle - i druck dir die Daumen, dass es bei eich ån da Ostküste niet går z'wülde zuageht. |
| ruflo am 03.01.2014 07:50 (vua 3978 Tåg) |
Seas Fibile - jå, du sågst es. Is schwar eppes Passendes z'findn. I wientsch dir vül Trost in der schwaren Zeit und Hoffnung, dass dei Lebn jetzt leichter werd.
An guatn Morgen und an scheenen Freutåg wientsch i eich ålln - is jå schon wieda Wochnend in Sicht. |
| ruflo am 02.01.2014 21:21 (vua 3979 Tåg) |
Fibile - tuat mir sooo laad. Åba meine bleedn Sprüch eignen sich nit fier den traurign Ånlåss. Bivur i an Topfn då einaschreib (obwohl es Maaste eh Topfn is, wås i då eina schreib) såg i liaba nix. Wenn mir wås einfållt, schick i's dir per Mehl.
Liabe Griaß und guate Nåcht. |
| ruflo am 02.01.2014 07:31 (vua 3979 Tåg) |
Seas Pfeiferle. Ållas Guate ume nåch Kanadium! Schlåf guat, traam wås Zünftiges und griaß dei Erika scheen von uns.
Mir håbm fåst kaan Schnee, lei auf die Berg obn is ginua fier die Schifåhrer. Auf meina Flickr-Seitn seind die neichn Büldln von da Windischn Höh.
Da Bello is heit aa wieda aufgetaucht um sechse in da Fruah. Die gånzn Aufregungen da Sülwesta-Nåcht seind vagessn. Geht recht schnell bei die Hundelen.
I wer' hiatzt in meine Zoggl eineschliafn und unsern täglichn Morgenspaziergång hinter meiner bringen. Nåjå - in aana hålbn Stund hålt oda so - hiatzt ies es noch z'finsta.
Bei uns håts hiatzt -2,7° (Is daweil amål a recht mülda Winta. åba wer waaß, wås noch ållas kummt.)
Also, Lotta, schlåf guat und möld di wieda - mir gfrein uns drauf.
An guatn Morgen und an scheenen Pfingsti eich ålln vom Allgäu ieber Koblach bis nåch Niigata. Und natierlieh aa nåch Wean und Schpittltschittie, nåch Krumpmdorf und Wernberg und sugår nåch Klafu und Gottschuchen åbe, weil de Neblkinda seind jå aa zum Großteil greimte Leit. |
| ruflo am 01.01.2014 17:59 (vua 3980 Tåg) |
Seas Schnecki, seas Pfeiferle.
Weil man stått fitt fett aa sågn kånn (håb i gheart) - bin i des eh ållaweil.
Und a biessale håltet mi die Sally aa fett. Ääääh fit wollt i sågn.
Den Bello håmma heit' den gånzn Tåg nianiet gsehgn. Der håt sich siehalieh gestern auf d' Nåcht iergerndwo vakrochn zwengs da Ballarei. Der årme håt jå so a Ångst wenns klescht.
Auf da Windischn håmma es Mitzale und i jeda a Kotlett gspeist. De wårn sowås von riesig - fåstbeinåhe Ami-Ausmåße håbn de ghåbt. Åba auf da Windischn kriagst eh metaweis Alufolie gratis dazua, zum Einpåckn. Weil mir håm jå nix zum Vaschenkn, wia da Nikolauda sågg.
Unsa Kuhle is heit mitsåmt seine Nåchbårm bei dem bleedn Spül vasumpft - oda er ies in da Kuchl beim Kruschpln vamisst. Valleicht håt er aa dem Schnecki sein Råt befolgt und mit 80%igm H2O2 gegurglt.
I wientsch eich an scheenen Åbnd (dem Pfeiferle an scheenen Tåg) und såg Pfiateich - valleicht bis murgn. |
| ruflo am 01.01.2014 07:33 (vua 3980 Tåg) |
Xundes Neiches!
Wolknlos fångt es neie Jåhr ån und Böller und Raketn håts bei uns lei a påår gebm. Da Bello, die Sally und ålle åndern Viechalan håmt nit går z'vül zittern miassn.
Wås es neie Jåhr bringen werd? Wern mir schon sehgn und draufkummen. Nur Giduld!
I wientsch eich an guatn Morgen und an scheenen 1. Jänna. |
| ruflo am 31.12.2013 07:48 (vua 3981 Tåg) |
An scheenen Sülwesta wientsch i eich. Wenn geht ohne Bölla (de årmen Viecha!) und ohne Neijåhrskåta. An xundn Rutsch ins neiche Jåhr 2014, Glick, Afolg und vur ållm Xundheit. |
|
|
|
|
