Ka Kohln? HOLZKOHLE!!! In aanige Gebiete von da Kreizn ist da Bodn heit' noch kohlschwårz, wo die Köhler senare Meiler ghåbt håbm. Holzkohln håts bei uns noch gebm, wia es Eisn aus wår. Då håmtze es Erz aus Hüttenberg und aus da Krems zu uns gebråcht. Umgekehrt wars nit g'gången, då warat bei de dåmålign Stråßn lei mehr Pulva ånkummen und kaa Holzkohln bei dera Rumplarei.
Da letzte Floßofn is 1908 gsprengt wurdn und da Hausnåmen "Plachhauser" arinnert noch ån die Bläh-(Floß-)öfn.
Die venezianischn Glåsbläser, de bei uns in Tscherniheim a Glåsfabrik ghåbt håbm, de håbm aa de degene Holzkohln vawendet.
Und im Koflachgråbm liegt da Annastolln, der bis nåch Bleiberg ume geht. Heit is er zuagsperrt. Die Gleis von de Hunte gehn noch ause, Riechtung Marwiesn. (Blei, Zink, Molybdän, ...)
Des wår a Gratis-Heimatkundestund.
| 
