frounz - i wientsch dir a schnelle und guate bessarung. und im fåll dass du niamma einaschaugn kånnst, bivur es christkindle kummt, wientsch i dir heit schon a scheens, gsundes und frohes fest.
_____________________________________________________
21.12.2012 05:59:so, hiatzt ies die wölt von frau meier untergången. und wås kummt hiatztn? die wölt vom herrn huaba? vielleicht werd des a bessare? ohne kriag, neid, missgunst, ohne hunga, not und elend? wer waaß des schon.
gips jå an haufn wöltuntagänge fier de årmen leitln, de's bitrifft: erdbebn, tsunamis, wirblstürme und murenåbgänge, hochwåssa und albinen und, und, und ...
meistns triffts die årmen, de niex dafier können tuamt fier dås gånze übl, wås auf da wölt herrschn tuat. i håb mi schon gfrågt, wer beim "jüngstn gericht" ieber den ållmächtign a urteil sprechn werd ...
die åndern, de siech ålls leistn können, und de fier jedn schaaß, der senen entfleucht, müllionen kassiern, de håmt eh senare schäfchen schon längst iens trockene gebråcht und denen ies aa da wöltuntagång wurscht.
und sugår die justitzia, de jå blind ies, steht mit ihra wååg auf senara seitn. muaßt lei a großa gauna sein, nåachan kummst mit ållm durch. dawieschn tuamtze lei die klaanen. bei de brumminentn gips die riesign (echtn!!!) bärsateppich, unta de man den gånzn dreck drunta eine kehrn kånn, und wo man nåachan von da gånzn kuhruptziohn, von betrug undsoweita niex mehr siehgt. wår eh ållas sauba. jå. åba håmma eh schon gwusst, zwengs da unschuldigkeitzvamuhtung.
auwehauweh - heit draht er wieda amål auf - åba hiatzt ies schluss miet dem getschentsche. i wüll eich jå den scheenen wöltuntagång niet vaderbm. und ausadem kummt båld - klingelingeling - es christkindle. da herr klaus santer soll lei driebm bleibm bei die liabn amis.
i wientsch eich an guatn morgen und an wunderscheenen freitag - es letzte apfentwochnend ies in sicht!
.
schnee gibs noch kan.
