orbatn wird komplett übabewertet!!! :-))
na wos glabst coollliii... i reis ma do eh an haxn aus vorlauta vüll haggln - und ende des monats kriag i donn dafir a beleidigung übawiesn... a drama is des!

des is ka geholt, des is schmerznsgöld!

morgen.... bah is des a schena tog! die sunne locht uns entgegen, da himmel is dunkelblau... fein! oba i muas do im biro umasitzen - des is weniga fein! ;-)

egal - wochenend steht on und i tua grod übalegen, wos i des wochenend ois mochen werd! nochamol auf die skipisten oder liaba a runde mitn radl ziagn ... mit de kinda im goatn spüln und mei frau (die katl) a bissl ärgern! ach... werd schon nit longweilig werdn!

wos wertsn eppa es tuan - ha?

lg P

oda tuama anfoch zan himmel aufe schaugn, ob bei uns a die isländische oschen daherkummt! ;.)

boaaahh... des redn do vom guaten essn - kriag i glei voll den hunga! owa bratl werd i ma kans kafen, weil don schlof i am nochmittog hintam schreibtisch ein! ... des war jo eigentlich nit so schlimm, lei die ondan regen sich imma auf, wenn ich donn schnorchn onfong! haha...

owa heite wer i do amol a neiches gostheisl ausprobiern - WISPELHOF -mol schaugen ob de durt wispeln!

mahlzeit!

jaaawoooollll - donkschen firs daumen druckn!! es hot gekloppt!

bist gscheid - wor i nervös - so allanig vor 4 prüfer sitzn und a holbe stund ausgequetscht werden  wia a zitrone! pffff... oba guat is gongen!!! a glasale sekt hon i ma jetzt mit meine katl gegönnt oba jetzt ob in die heia - de letztn nächte worn schon a bissl kurz!

gn8 und danke nochamol!

schenen guatn morgen beinond!
i zitter wia a kluppensackl - oba nit weil ma kolt is - heite bin i dron! tuats ma bittschen a bissl die daumen holten - ha? geht des?

sodala - noch a bissl in die untalogn eine schaugen, vielleicht bleibt jo noch wos hängen!

lg pao lee

wir singen dem ruflo ein lied, wir singen dem ruflo ein lied.....

ois guate zum geburtstog - bleib brav, bleib gsund und feier schean!!!

lg da geburtstogschinesa!!!

cooli - nix do - i hon supa gschlofn! is anzige - auf nocht kim i so schwar ins bett! gestern wor a wieda 1. oba  dafir hon i bis hobazehne gschlofn - tiaaaaf und fest. oba morgen is wieda tagwache um 6:30... vadammt... i schlof holt so gern in da fria!

wos mi priafn werdn?! na reli und singen nit - oba do tat i eh durchfolln. hihi..

wissn wollens baurecht, verwaltungsrecht, bwl und wettbewerbsordnung - daneben noch a bissl ziviltechnikerkammergesetz, standesregeln, und sunst noch a bissl an bledsinn....

wor oba eh brav heite - werd (hoffentlich) schon kloppn!

sodala - futta fassen - pfiateich daweil

grias eich beinond! maaahhh... wor des schen heite. erstens hon i ausgschlofn und aufgweckt hom mi die kinda mit an friastück, des ma zum bett gebrocht hobn! volle liab.

donkschen fir die aufmunatarung zwecks da prifung - am mittwoch um 13:30 bin i dron - fest die daumen holten. oba norcha nit vagessn wieda auslossn! :-p

sodala - auf zu de untalogn - an schenen tog eink olln!

ziviltechniker is nix ondares wia die berechtigung donn als architekt (wos i studiert hob) sölbständig orbeiten zu dürfen. mitn studium alanig geht des nit - is wie bei de ärzte, de miasn a noch a fochorztausbüldung mochn.

longe rede kurza sinn - hetz derf i norcha theoretisch des tuan wos i amol glernt hob!

;-)

sodale - guate nocht beinonda!

ruflo - guate bessarung! mir gehts ähnlich - is oba bei mir die allergie. kimmt a olle johr pinktlichst!  des luada kennt ma eigentlich gsolln bleiben!!!

woldschneck - zivültechnikerprüfung moch i! nexte wochn mittwoch - a bissl zittan ma schon jetzt die knia!

dem rest a guate nocht - i geh fernsegn - des kon i bessa wia lernen! ;-)

bahh is des zach heite!!! kimmt ma fur, wie beim lernen fir die matura - des hot mi domols a ongezipft!! i tat gern ausse - muas oba iba die untalogn sitzen und streban. nojo - nexte wochn is donn (hoffentlich) vürbei....

bled schaugn is supa - do tua i mir gornit schwer, des geht gonz von sölba! ;-)

vüll spass dabei jedenfolls!

no donn - ausse in gorten und eine in liegestuhl, a bissl weitaruasln! wos worden los in da nocht - is jo gor ka vollmond jetzt!

morgen coolllii - ausgschlofn? wos werstn tuan heite - ha?

na - i tua lei fir die kinda a poor bleamlan pflonzn!