so, fier mi ies wieda zeit, dass i geh. biessale wås gegn die bauchfåltn tuan. und nåachan mit mein mietzale a biessale fernsehn.
--- wås sågst? ORF? naa, dås wohl niet. ausa i wüll nåpfetzn.

pfiateich und måchtzes guat und bleibtz xund, des hund.

bleed ies lei, wenn die tastatuhr schon ååååååålt ies und die zeichn schon vawiescht.
åba i håb eh a neiche.

18.02.2009 18:24:
hallo scheffe, i maan hiatzt gehtz.
odawia

ach naa, i bin kaa eggsbärte, des ies unsa scheffe, da wuhte. ålladings håb i mi schon lång ginua miet de blechtrottln umag'ärgert...

hiatzt ies flott g'gången

und hiatzt håtz 3 minutn gebraucht, nåachan ies de seitn http://www.spamhaus.org/
kummen

i håb miaßn gånz ausmn v-net aussteign, und mit strg+v nochamål mein kaas då einfügn.
18.02.2009 17:33:
des passiert ma hiatzt öfta, dass es endlos dauert, bis a möldung ins v-net einekummt. i tua hålt nåacha mit strg+c des in die zwischnåblåg, steig ausm v-net aus, start die seitn nei und tua mit strg+v einfügn, nåachana gehtz komischaweis

håb i hiatzt schon wieda måchn miaßn

auf a spämma-seitn kumm i niet, åba oft muaß i gånz scheen lång wårtn, bis meine gschriebenen weißheitnen ins fiellahanet einerutschn.

bravo wuhte, recht håst.

siehgst, des ies a redn. kaasnudln, lebakaas, schnitzl, bråtn & Co. - des taugt ma.
schneckn solln de kinäsitschn laufantnen fressn wenn se wolln. und de fresch ghearn dem meister adebar, wenn er se wüll.
und de ausgikochte suppmhenne - nåjå, ieber de können mia jå dischkarirn, åba wenns niet sein muaß, ies mia a zårtes grüllhenndl liaba.

bei uns scheint volle wäsch die sunne, åba es blåst a so a grausiga eiswind, dass man maant, man ies am antarktischn siedpohl. i wår hiatzt mit da sally untawex, de ies vur lauta kålt åbwexlnd auf drei haxn glofn. des kånn i niet.
i bin lei dahingwatschlt wia a pinguin.

bravo KAC, auweh VSV*)

*)åba brauchtz jå niet plärrn, werd schon gaxt!

an guatn morgen und an scheenen tåg!

i maan, es werd ieberhauptz ålls gfressn wås in da gegend umalaaft, kriacht, schwiemmt, fliegt und wåswaaßi. so aane kunnibahlen. und hiatzt wollntze schon mei hiendle aa in die pfånne steckn...  wenn i da moltara warat, taatet i sågn "es reicht!"
so åba bin i lei da ruflo und såg "i geh schlåfn! n8!"

wääääääääh!
des ies jå fåsstbinåhe wia bei die åltn rehmer, hearst. ka wunda, dass de untagången sein tuamt.
då bleib i schon liaba bei kaas-, kloatzn- und fleischnudl, kneedl und sawagraut, bråtn und schnitzl undsoweita. de gånze frantschöschitsche nuwell kuasiehn kånn ma gstohln bleibm. des ies jå lei a gspeibrach.
waaßt eh: wås da bawa niet kennt....


17.02.2009 18:20:
so, des kenntz enkare eigenen froschschenkalan vaspeisn wenn des wolltz - i kriag a kärntna bawernsalahmi, an gailtåla schpäck, an ålmkaas und a friesches bawernbroat. måhlzeit.
pfiateich bies murgn (falleicht) und bleibz xund.

a gikochte heenn... wiavül flugstundn?

schneckn mit knoblauchputa - jå pfuiteixlhearst und dånn wumöglich noch an schnecknkawiahr drieber... nana, die wölt steht niamma lång.
und i - mit meine froschschenkalan - i muaß aa noch fliechtn, weil sunst fresstz ma de aa noch weck.

waaßt wås, martin, i håb a idää: niemm da mame ihrn fön und tua den schnee weckschmölzen

martin genau. des ieberkandidlte zeigs wia hummer, austern, kaviar, schneckn, froschschenkln undsoweita låss i gern fier die guhrmähs iebrieg. i bin mehr a guhrmååh: beessa vül und guat, als wia so a patzle von an haubmkoch auf an riesntella aufegspuckt und miet aana undefinierbårn sautze deckurirtt. und nåachan zåhlst di dafier teppert, dass es wampale laar ies.

17.02.2009 11:34:
so, da nåchbår (ebnerwirt) denkt sich schon, wås eppa mietm ruflo los ies. werd er eppa niet krånk sein oda hienig? derdawegn muaß i schnöll wieda amål åbe auf a hefale fiellaha.
måhlzeit, pfiateich.

pfeiferle wår frieher inschtallatär und ies hiatz in behnsiohn. åba so ginau waaß i des aa niet, muaßt ihn sölba frågn.
 
haha, schnee in fahrradelberg.... åba solång dass des niet bies zum nappele in da bescherung steckn tuatz, ies eh niet so schliemm.
scheene griaß ins scheene ländle.
ich håb schon a påår nächt mit mein mietzale im hotel bischof in dornbirn iebernåchtet. wårn herrliche tåg am bodensee. und in feldkirch bin i aa schon umagstiegn.

jå, ginau, sunne scheint. und is aa niet går so kålt.

@fahrradelberg: jå, unsa pfeiferle wohnt in da hauptstådt von kanadium, in ottawa. dahaam wår er frieher in sanktfeitanderglan. und er vasurgt uns (leida lei schriftlich und per foto) mit seine klaassn gräuchertn fiesch, mit friesche semmalan und original kärntna kaasnudln und hauswierschtlen made in canada.
17.02.2009 11:12:
hee kuhle, wås håst denn du då mit "koi" undsoweita fier an neichn kärntna släng drauf? ist des atschalasaritsch oda tschinowitscheritsch oda går låndeshauptstädteritsch? gottschuchn könnet aa sein.
auf jedn fåll kummtz mia a biessale auswärtitsch vur.
åba japanitsch könntet aa sein. de sågn so zu de schuppetn viecher, wo im wåssa umaruadern und so bleed in die gegend schaugn tuamt.
und es mietzale sågt zu mia, wenn gaxtamål beim essn eppes zaach ies "koi hålt ånständig!"