seas tscharlie. jå, ies flott gången. und sunst - gehtzdaguat?
i håb hiatzt amål miaßn aus da kiestn (niet aus der mit de schrägn wänd, wo falleicht aana maanen könntet) ausahupfm, tuat ma schon ållas weh vom liegn.
@schneck: nana, des ies ka influ jörgii, da dock håt mi biruhigt, des ies mei åltes leidn. und sobåld da akute teil vurbei ies, gips wåhrscheinlich wieda so ån die 97 spritzalan neuraltherapie in mein plutza eine und dånn ies da ruflo wieda nurmal. falleicht. fålls der ieberhauptz noch nurmal werdn kånn...
so, a biessale wågglet bin i schon auf meine åaschbåckn - i maan i geh wieda.
tscharlie, kumm lei öfta zu uns eina. håmma gaxtamål a gaude. und wenn niet, da kuhle serwirt da siecha an fåcknbråtn, wennst dafier ihm a neichs wörtle fier sei wertabuach varråtn tuast.
pfiateich bies murgn und schlåftz guat.
23.01.2009 10:31: habedere, seas ållezsåmm. an guatn morgen und an scheenen tåg! jå, mei doc håt recht ghåbt - bin fiabafrei, des ies kaa grieppe, "lei" des ålte krafl, wås wieda amål akut wurdn ies. die sunne ies ausa kummen und låcht wieda amål. recht håt sie!
… ies des niet a biessale viel: Haider-marterle, Haider-denkmål, Haider-aute als kunstwerk, Haider-park, Haider-bruckn, Haider-stråßn, …
åba eppes taatet mir taugn: vur kurzm håmtze unsare gelüpte låndeshauptstådt umbinånnt von klafu auf „klafu am wertasee“. Wia wars denn, wenn se des nochamål taatetn (ies eh lei wurscht!), umbinennen in haidertschitty am haidersee.
lei taatat hålt „maria wörth“ aa niamma paassn, wenns kaan wörthersee mehr gips. Egal. Des werd aa umbinånnt in maria haid.
a drama ies hålt lei miet de urtstafalen, weil de wollnt jå kaane neichn niet aufstelln tuamt. wia soll denn då a fremda nåachan wiessn, dass er nåch haidertschitty kummt? oda nåch velden am haidersee?
kruzitierknnochamål hiatzt kummtz ma erst – wås warat denn, wenn senen des bei da drau aa einfålln taatet! nåachan taatet durch fiellah es haiderbachl riennen. und beim kungresshaus warat die ånlegestöll fier die haiderbachlschieffåhrt.
an scheenen gruaß aufe nåch schpittltschitty am haiderbachl. und nåch feistritz im haiderbachltål
und vom toblacher föld bis zur låndesgrenz bei oberhaiderbachlburg (frieher amål oberdrauburg) miaßat es haiderbachle wallnöferbachl oda sowia haaßn. niet auszandenken, wås des fier a gaude warat, hihi.
und erst – wenn haidertschitty nåachan später amål auf dörflingerdorf oda sowia umbinåmst warat, då taatet i åba wohl glåcht, wenn i des dalebm taatet…
mei grippe håt xågg, i soll mi mit ihr ins bett legn. nåjå - wenns mietzale nix dagegn håt ... gemma hålt. und eich wientsch i an scheenen åbnd und bleibz xund.
an guatn morgen eich ålln. und an scheenen tåg. gehtzeichguat?
håbtz schon gsehgn www.villach.tv ?
21.01.2009 06:21: aha, seas schneck. noch aana mit "fugitus" gehtzdadennha?
21.01.2009 06:39: goottzwülln, hiatzt gehtz los. a håbbes des gwusst, dass ma mia schon wieda wähln tierfn? i hån z'erst gidåcht ies lei a schmäh. wo ma do eeh erst vur kurzm an neichn herrn låndeshauptmånn 'kriagt håbm tuamt. dabei ies ächt wåhr. ieberåll lahnen und hucken schon die zuakienftigen låndesbosse umanånd. unibersehbår griensen se aus ålle wienkl von de tausende plagiate åba und sågn "tuabbes lei mi wähln, weil i bien da beste" wenns wåhr ies. åba werd schon stiemmen, wenns aufm plagiat obm steht. terfnt uns jå niet ånliagn. odawohl? und biergermaaster kriagn mia aa an haufn neiche. wås tuamtze denn miet de åltn, wo noch går niet so ålt sein, ha? werdn de eppa riseikelt odawås?
hoch soll er leben, dreimal hoch! unsa scheffe håt geburtståg und dazua wünschn mir ålle ihm gånz herzlich ålles guate, viel erfolg, glück und gesundheit! dreimal hoch!
i bin nix neblgschniebn (???), bei uns regntz in strömen. knöchltiaf bien i im gaatsch vasunkn, wia i hiatzt mit da sally untawexs wår. a so a sauarei, hearst! wenns hiatzt ånfången taatet zum schneibm - nå måhlzeit, mechat i niet wissn, wiavül dächa des niet ausdahåltn taatetn. und hiatzt geh i wieda in die hurizontale. bin niet går so guat drauf. i maan, i håb ma wås eingfången. @schnecki: mei mietzale is human. de niemmt niet die bråtpfånn, sondern die süllikohn-båckfurm, de ies waacha. pfiateich, i geh. bis murgn odawia. måchtzes guat und bleibz xund.
seas feifale. jåg die cimex lectularius davon und schlåf guat.
aan guatn morgen und an scheenen tåg wientsch i eich. noch schneibtz niet, åba niesln tuatz. werd wohl a schnee kommen, weil es håt lei +1° wern mia wohl sehgn, wås kemmen werd.
20.01.2009 07:14: @pfeiferle: wåhrscheinlich ies es so wia du sågst. åba schon bei da zweitn mähl ies der, wo uns wås eineschreibt, ka fremda mehr, der gheart nåachan schon zu uns.
i wollt eigntlich gestern dem kuhli an bisuach åbståttn, åba ies niet gången. des håt niex mit fugitus z'tuan, åba iergendwer håt mi in da nåcht miet an fleischklopfa oda an nudlwålka biårbeitet. es mietzale wårs niet, weil de tuat sowås niet. falleicht kündigt siech a krippe ån oda a leppra oda a pesst. kulara könnetz aa sein oda tiefuß. i kenn mi då niet so aus, weil meine mädiziehnischn studien seind noch nit gånz åbgschlossn. lei ebola ies es niet. waaß wer, wias dem andale geht?
chrischtele - durchhåltn!!! werst sehgn: werd schon wieda. niet vazweifln, waaßt eh wia des ies: auf regn ... (usw)
frieher, wia i noch wås gsehgn håb (weils noch niet so finsta wår) håb i mi völlig daschrocknen: ieber die windische höh kummen so ane grauslichn wolkn daher - i maan, es werd båld schneibm.
und hiatzt geh i de uresn von z'miettåg vaputzn: schienkenfläckerln. seind jå åls aufgwarmta aa niet so schlecht. lei so frisch seind se hålt niamma. åba des ies eeh klår, sunstn brauchatma se jå niet aufwarmen. de schienkenfläckerln. dabei seind die fläckerln går kaane fläckerln sundern spierahln (hihi, schon wieda wås mädizinisches) und zu de sågt man aa spirochäten.
und nåachan geh i mi iebern URF iergern. wenn heit wieda da genser in kärntnheite mi brupirt niedaschmusn und wenn ma der sei "rollendes errrrr" um die uhrwatscheln haut, wer' i taamisch. und wenn i in da nåcht wieda den fugitus senilis kriag, såg i eich bischeid. pfiateich und bleibz xund, des hund.
seas paule bei uns scheint sie aa, åba niamma so wia in da fruah. und siecha niamma lång. fier murgn und iebermurgn håmtze bis zu 1 m neischnee brufezeiht.
19.01.2009 11:55: jåjå, frauen vertrauen - åba lötta aa. weil schnårchn tuamt de aa, wenn a niet so wia die weibaleit. de schnårchn vül beessa. die weibaleit.♠
hallo schneck – zu deina ånfråge, die senile bettflucht bitreffend, kånn i dir folgendes mitteiln:
es gips mehrere årten davon:
da ies amål der fugitus betti senilis parasitosus. des kummt, wenn du dein hund ins bett eine låsst und der dir dafier aus dånkbårkeit a påår fleach (flöhe) vaerbt. Der ctenocephalides canis aus da klasse insecta, urdnung siphonaptera, familije pulcide sauft sich miet dein bluat an rausch ån und du hupfst aus da kiestn.
dessölbe passiert aa, wenn di a cimex lectutarius (aus da urdnung schnabelkerfe [hemiptera], familije blattwanzen [cimicidae]) – auf daitsch xågg a bettwånzn ånzapft, oda iergendasoaluada aus da gruppe der culicidae (gelsn, muckn, schnackn…) (hihi - culicidae - arinnert mi aufn andale)
Dånn gips då den giwöhnlichen fugitus betti senilis senilis. Weil senile tåtterlinge, wia i zum beispül, eh den gånzn tåg miad sein tuamt und so vur siech hin nåpfetzn tuamt, seind se in da nåcht niex mehr miad und geistern umma in da gegend
Dånn gips då die soginånntn schlåfwåndla, de in da nåcht in da kuchl ummageistern tuamt und eppes im kühlschrånk suachn – åba de miassn niet senil sein.
und dånn gips då die soginånntn autoaufwecka (sölbsterwecker), de wo so derårtig mit senern gaumensegl (velum palatinum) umanåndawachtln tuamt, dass se von dem krach sölba munta werdn. Und de schnårchsäck seind wås ännliches als wia autoerrotten, de håmt auf siech sölba ginua. kfährliech ies lei, wenn de schnårcher niet von sölba (auto) munta werdn tuamt, sundern wenn se von seneren gelüpten eheweib volla murdlusst munta gmåcht werden.
Weitare furmen des fugitus betti senilis gips siehalieh aa noch, åba des håb i noch niet so gånz afurscht. mei dockta-årbeit zu dem temma ies noch niet gånz fertig.
19.01.2009 08:32: hallo scheffe, suppa håst des gmåcht! die untaschrift bei de zwa untern wettakamaras gheart aa noch ausgitauscht. åba a scheens platzle håmma hiatzt 'kriagt!
an guatn morgen und an scheenen tåg eich ålln. und wia sågn die piesner (schapper)? "friesch und xund, beißt die ka floh, ka hund!"
sunntåg is! an wunderscheenen guatn morgen und an erfreulichn tåg wientsch i eich.
ållas bahletti? bei uns is aa ållas in puta. sunne geht gråd auf, wollkn siehg i kaane, hoffentlich bleibtz a so. kuhle, tumml di mietm xundwerdn, mia wårtn schon ålle auf di. wennst niet båld haamkummst, kumm i di bisuachn - und des is a drohung!
@feiferle: hilton håmma jå kaans in fiellah, åba a gånz a tolles holiday inn. a maanst, is da kuhle då drin? und zum temma "haamweh": siecha gips ginua kärntna, de des håbm. de håmt uns lei noch niet gfundn. i maan, es gips sugår kärntna, de haamweh håbm, wenn se eh in kärntn sein.
