seas chrischtele. ies eh guat, dass du lei a påår taamische minutnen håst. oftawer håt då stundn oda tåg oda noch mehr, wo er taamisch ies.
und zwengs dem purztåg aamål im jåhr: suppa. hättest des zwaamål, warast niet 93 sundern 186 jahrlen ålt. und dass i legastinieda (legastheniker) bien, dafier kånn i niex.

seas andale. geh lei hupfn. und nimm niet lei es tütü, sundern a de schuachalan mit, wo du nåachan auf die zeachntspietzn tånzn kånnst. brauchst aa, wennst demnäxt den nussnkacker vom tscheiklofski tånzn werst. des werd suppa, so wia dersebm da otti schenk im tefau.

seas ålle åndern, inklusife kåtzn, hund und killakarnickel und schnecknhäuslen. seippes scheen praf, sunst kummt murgn niex der mickimaus zu eich.

bei uns in da kreizn kummt er wieder im ponnie-schliettn daher , håmma am ebner-parkplåtz a klaasses lågafaja,gips haaßemarohni und glühwein. werd wieda a murdzgaude. und i geh mie vasteckn, weil de krampalen kummen aa...
håt da URF bei da wärbunk xågt, es gips an weinnåchtshasen aa. åba des glaab i niet, weil håb i noch nia kaan gsehgn. oda, fibile, maanst, den gips ächt?

an guatn morgen und an scheenen tåg eich ålln.
heit werd wohl wieda die sunne a biessale ausakummen, schaugt gånz danach aus und i wer' hiatzt mei morgenrunde miet da sally måchn. de wårtet schon schwaar.

@chrischtele:

aufgepasst,der leerer spriecht -
linz, das ist in NÖ nicht,
sondern in oberösterreich,
åba ies eh lei wurscht, ies eh lei gleich!

und nochamål (fålls du des, wås i in da nåcht gschriebm håb, niet dersehgn håst) ållas guate zum giburtztåg!

und @kuhflattnig: in cortina d'ampezzo wårs da toni sailer, der wo ållas åbgraamt håt.
und hiatzt reichtzma, fier wås bien i in da rente, ha?
hihi.

bien gråd ausm beett ausa gfålln, håb i ma gedenkt, i muaß dem chrischtele gånz herzlich zum purztåg kratulirn, bivur i wieda eine steig.
ållas guate, an scheenen tåg und a wunderbåres neiches lebnsjåhr, indem ållas, wås du dir wientschn tuast, in erfüllung gehn soll. nåjå - ållas werd jå niet klåppm, åba hålt fåst ållas und vurållm es wiechtigste.
so, und hiatzt steig i wieda eine in die kiestn und vakriach mi unterm gulta. pfiateich.

i wår in fiellah beim dock. ållas in puta sågga.
chrischtele muaßt die plummentegl miet an tröpflen suppakleba aufs fenstabankle pieckn, werst sehgn, des håltet.

an guatn morgen und an scheenen tåg wientscht eich da ruflo.

jå tua i fleißig ållas såmmln, falleicht werd amål a musäum, haha. ingottzwülln, wenn i amål iebersiedeln muaß, nåachan pfiatdigott!
mia håmma aa amål so a petzale ghåbt, wås so gern miet dem wåssa aus da pippm umagipritschlt håt.
und gschlåfn håt der auf dem buckl oda am bauch von unsara uschi - des wår a gånz a liaba dacklmieschling. de zwaa viecherln wårn a schou.

und hiatzt såg i pfiateich und bleibz xund. i geh jausnen.

>>> "hobts eh olle des erste kastale auf gmocht?" <<< jååå, håb i brupirt und hiatzt håb i schädlweh. wås mia då ållas aufn plutzer gflogn ies - vagammlte turnschuach, ålte untagaattnen, a schwaara ålta tscherfl (modell luis trenker), mein mietzale sei nåchtpfaad, a ålta ausrantschierta nåchtscherbm, den niamd mehr braucht (weil des klo miet wåssaspühlung a bei uns in da kreizn einzug gfajat håt, braucht man niamma iebern hof zur plumpse rennen!) und wås waaß i wås noch ållas. håb i wåhrscheinlich es fålsche kastle aufgmåcht, odawia....
und dafier håb i terfn hiatzt ållas wieda einestopfn. håb i a hålbe stund gibraucht.
i måch kaa kastle mehr auf!

01.12.2008 16:55:
>>> "do kennat i mi einelegn" <<<wenn siech da kuhle in a schnietzl einelegt, a scheibale kaas dazua und des gånze zsåmmgiklåppt und bahnirt - dånn haaßt des gurdohn blöööh

01.12.2008 16:57:
naa, schneckale, die untahosn håt er mia niet ångnaaht. des geht jå niet, weil de muaß i jå miendestns amål im monat wäxeln.

naa, niet die sockn, die untagaatte! sockn tuat man jå heitigntågs niamma nahn (stopfn), sundern miet an pieckgummi zsåmmpieckn es loch. oda miet an schnürlen zsåmmziahgn und zuabiendn. oda -gånz mudern - weckschmeißn und neiche kaafn.
i hån es aane mål a påår schuach beim hoffaliedl gikaaft um 10 teiro. nåachan seind die bandlen eingången - hån i wolln aane bandlen kaafn, håb i lei im "multipack" kriagt. um a binåhe 10 teiro. aa maanst, i håb falleicht kaan fogl niet, ha?
håb i kaane bandlen gikaaft, håb i neiche tscherfl gikaaft. so tuat man heit. ies xund fier die würtschåft.
åba ob des aa xund ies fier mei göldkåtz- des frågt mi jå kaana.

01.12.2008 11:52:
du ållaweil miet deina suunne.... i siehg kaane, dabei bien i då aufm berg herobm jå vül gleimer dabei. bien jå völlig auf wolke sieben.
i siehg lei nöbl, wolknen, regn, regn, regn, gacha amål a schneeaflöckle. und dånn wieda fåhrt a blutz åba und die frau holle låsst aan fåhrn, dass lei so hüldert und rumplt. åba nåachan denk i ma, des ies falleicht da petrus, weil a so a zårtes weible wia die frau holle kånn jå dechta niet so grauslich rumpln. des muaß eha a riechtiga lötta-pauaschaaß*) sein von aan gståndanen månnsbüld.
muffln tuat åba niex, weil de lautn seind eh niet so gimein wia de leisign, de wo so haamlich um die eckn schleichn tuamt. haha, des warat a gaude, wenns bei an giwietta lei leise zuagehn taatet. då taatet H2S kubickmettaweis in da lufft liegn. wia faulige oasta-aja.
dabei kummt båld weinnåchtn... und gestern wår da erste "lichtleinbrennt" (apfent)
__________________________________________________________
*) in inglitsch håmtze shower-bath [schaua-pass]
bei uns då donnern power-schaaß [paua-schaaß]

håb kaan ginauen termien beim dock, lei so an biläufigen. håt er gmaant i soll so umman 1. dizemba umma kummen nåchschaugn låssn und ungifähr umman 9. kummen die näht ausa tuan låssn. derwegn bleib i dahaam. wenns niet sein muaß, ies gscheita. mia seimma jå aufm berg då herobm. und wenns falleicht notwendig ies, bei dem sauweetta miet die kettn umawurschtln - naaaa danke!

01.12.2008 10:27:
wås, suunne.... blietz und donna, regn in strömen!!!

sodala, da ruflo ies wieda då.
scheen, wuhte, dass d' wieda als a xunder haam kummen biest. und jå - so grauslich kånn es weetta går niet sein, dass ma mia uns niet wieda amål treffn, und des båld.

gestern håt es inntanett niet in die kreizn eina gfundn. falleicht wår es grauslieche weetta schuld? i håb jednfålls a påårmål brupiert ins fiellahnett eina schaugn, åba mei petze, der hund, håt so gitån als wia wånn's sowås går niet gabat.
heit laaftz wieda. wern mia sehgn ob's dabei bleibt. schaugn mia amål, dånn sehgn mia schon.

es weetta werd ållaweil grausliecha. es håt 1° und regnt in strömen.
i sollat heite zur kontrolle nåch fiellah zum dock - åba des wer' i scheen bleibm låssn. fåhr i hålt murgn, werd aa niex måchn.
kuhle, i, wenn i du warat, i taatet heit niet aufn wurzn fåhrn, gaxt passirt da wås, und nudelen essn kånnst jå dahaam aa, odawia. åba åndriegenseitz håst jå wohl an ållråd.

sei's wias ies - an guatn morgen und an scheenen tåg wientsch i eich.

so, den gestriegn fernsehåbnd håb i rellatif unbischådet ieberståndn. zerscht håmma dem florian kupfergold sein neichn frisuhr-hölm biwundert, und wias sogår dem mietzale z'årg wurdn ies, håmma auf premiere 3 umgschåltet, då wår a gånz a grausliecha horrarfülm. miet aan gånzn hogga zamatschgerte hienige leichn. åba der wår bei weitm niet so gruselig wia de apfentmusieksendung miet dem florian zinkblech - wia da horrorfülm aus wår, håmma wieda brupirt apfentmusiek schaugn, åba i håb mi derårtig gifierchtet, dass i ins peett gången bien. durt håb i noch a biessale giziettert und von de mülliohnen gitraamt, de wo da URF miet sein daitschn partna fier de degene schou miet dem alumessing auseghaut håt. und gaxt bien i gschlåft. amål ies mia noch im traam der papaschlumpf erschienen, åba nåachan wår a ruah.

und heit in da fruah - i sågs eich - des wår a tiata - bei meina morgenrunde miet dem huntzfiechale - knöchltiaf gaatsch - åba mia håbms gschåfft. ahmen.
hiatzt regnts und schneibts ållszgleich. die frau holle waaß niet, ob se z'erscht wieschln soll oda die peettn ausbeitln. ies hålt aa schon an ålte gnaungge.
i, wenn i frau holle warat, i taatet niet wieschln und aa niet den gulter ausbeitln, sundern mi zuadeckn und noch a runde schlåfn.

an scheenen sunntåg wientsch i eich.

30.11.2008 09:14:
maaa, inge, schteck ies suppa.
mia kriagn heit schlawinawitzl, mia håmma schpårfareinsauszåhlung beim ebnerwirt.
auweh und so a sauweetta ... falleicht bleibt fier mi a schnietzl mehr iebrig.

und noch aans zum temma "biellig": dafier dass i mei autele zwengs dem schneefåll gestern aufm parkplåtz håb stehn låssn miaßn, und dafier dass es heit mei schwiegasohn in da fruah håt ausschaufln dürfn, håb i lei 15 miade € gizåhlt. ies jå fåstbinåhe geschenkt. oda eppa niet?

29.11.2008 18:06:
und von wegn stölzn: i geh hiatzt sterz essn. pfiateich.

jå heeee, andalee, spiennst? rentenerhöhung? sunst noch wås. wo eh ållas ållaweil bielliga werd und mia eh niet wiessn wo hien mit unsare nötsch...
denk doch ån de årmen "big-bosse", de dafier, dass se in da låge seind, an jedn kårrn in dreck zan stajan, miet a påår läppische mülliohnen auskummen miaßn. wüllst eppa in de wås wecknehmen? schåm di!
denk amål auf de årmen bänker, de - nåchdem se a påår miade mülliohnen auf sena konto gibråcht håbm, - hiatzt auf a påår mülliardn vom stååt wårtn miaßn, damiet dass senare "institute" niet pleite gehn tuamt. de årmen!
und wer ies da stååt, ha? des seimma mia. also: wer håt es göld? MIA!
åba ållaweil jammern, jammern, jammern.
werd eppa wohl zum auskummen sein miet 800 teuro oda sugår noch mehr.
und des pro monat. sowås von unbischeidn.
außademm kummt eh a gånz a große stajariform, kånn man siech drei wurschtsemmalan pro monat mehr kaafn. werst sehgn, mia werdn noch ålle riechtige friessling werdn.

seas chrischtele. wås i måch? i håb gråd dei gschichtle im fiellahanett glesn.
von wegn grean zweig - ies schwaar, wenn ållas weiß ies draußn. åba sei niet z'vül traurig, werst sehgn, wert schon. iergendwia gehtz iemma weita. die hoffnung stierbt z'letzt.