seas chrischtele, jåjå paasst schon. i fint di schon, ka ångst!

an scheenen guatn morgen und an wunderscheenen tåg eich ålln.

da papa håtz schon griechtet... brawo.

i geh dem kuhle nåch - in die kuchl - happahappa - pfiateich

die sally fiehrt sich auf wia a varruckte, hupft uma wia a gaaßpock und liegt hiatzt (im bett natierlich) tottal erschöpft und schnårcht siech aans åba..

hiatzt måch kaan bleedsinn, schneckerle, waaßt ginau, dass du (und aa unsare bundeshauptstädta, sowia unsa diandle aus colonia und es friednspfeifale aus kanadium, - sowia ålle liabm und vanienftign leit, de wo falleicht die åbsiecht håbm,då wås zum einaschreibm) uns ållaweil herzlich wüllkommen sein tuamt. und von wegn beer-community: wenn i zwaa sauf, lieg i schon unterm tiesch. niet gånz, åba fåstbinåhe.

lei auf de bleedn hundling, de tepperten, de wo uns då mit sexlinks und ållahånd åndern schmårrn beglückn, können mia gern vaziechtn. göllt, @wuhte?

jå, den gånzn tåg schneibtz schon wia taamisch. und wenns so weita schneibt, håmma murgn noch ållweil niet vül schnee. der liegt hiatztn so eppa 10 - 15 cm hoch. åba die stråßn ies weiß, a påår autelen seind schon grutscht und die elkaweh miaßn kettn håbm, sunst håmtze iebern brånter-bichl aufa oda åbe in gråbm keine tschantze niet.
kuhle, gehtzdadennha? biest fest miad von da hupfarei?

seas kuhle.
wennst gestern des von da k&k-marine håst schaugn wolln, biest eindeitig z'fruah aufgståndn, weil der fülm kummt erst am
Donnerstag, 27.11.2008 um 21:05 in ORF 2

und i bin schon von fiellah z'ruck kummen, wår beim dr. streit und håb a biessale auf mein lucksuskerpa umaschniepsln låssn. die wierkung von de spritznen låsst nåch und derwegn geh i hiatzt in kella åbe, åba niet låchn sundern plearrn. a biessale wenigstns. åba hülft eh niex, då muaß man hålt durch.
pfiateich derweil.

>>> "What do you think?" <<<
ai sink, juh häf ä littl bördie. oda håmtze di als butzerle z'haaß gibådet.

an scheenen wochen-biginn wientsch i eich und an guatn morgen. i bien schon auf, weil i hiatzt glei zum dockta fåhr.
pfiateich derweil.

sodala. mia wurscht. iebrigns wurscht: heit gips kochwierschtln mit kren und sempf. und a semmale dazua.
derwegn geh i hiatzt und kumm erscht murgn wieda.
pfiateich, seas, bleibz xund.
i gfrei mi aufn freitåg. (und am donnerståg, 27.11. um 21.05 werd da fülm von da szaint istván in ORF 2 wiedaholt)

@schneck. a biessale mehr miete zåhl i gern, wenn i mia des ölschleppm daspår.

@schneck, i bin då in aana mietwohnung und weil i niet waaß, wia lång des noch gehn werd, wüll i då nix investiern. wenn natierlich da hausbesitza (oda da künftige eigntümer) den ånschluss åns fernwärmenetz installiert, werd uns des gfrein.

23.11.2008 17:27:
@homo...usw: auweh- håmtze di aa schon amål dabei dawiescht?

bei uns håmtze vur a påår tåg es fajawehrhaus und a nåchbårhaus (es gåsthaus staber ies schon länga dabei) ån a håckschnitzl-fernheizung ångschlossn. i hoff fest, dass a möglichkeit besteht, dass mia a dazua kummen. weil mei mietzale und i miet meine 73 jåhr, mia tuamt uns schon recht schwaar, es haazöl in kånndln so weit vom kella aufaschleppm.
wenns niamma geht, wern mia uns hålt gaxt miaßn in die gultern einwieckln. oda wo ånders hien iebersiedln. odawia.

jå, biessale kålt, (-6°) åba herrliches weetta...
griaßeich leitln. gehtzeichguat?
an scheenen sunntåg eich ålln.

seas red paw. håst wohl kaane årgn schmerzn?
i taatet da gern a påår sunnenstråhln nåch colonia ause schieckn, wenn des mei petzeh dapåckn taatet. åba denkn tuan mia fest auf di und hoffn, dass du båld wieda xund werst.

jå, pfeiferle, ellersdorfer kaasnudln und glundnen kaas findest eh iebaråll.

sodala, håb mi ausadarapplt unterm gulta. des wår heite niet mei tåg. åba geht schon wieda. werd schon wieda. lufft håb i aa wieda a biessale mehr, gråd sovül, wia man hålt umbidingt braucht. wer i amål beim zgonz oda beim baumax schaugn, ob se a gscheite pumpm håbm fier mie.
des warat a gschicht, wenn des da gånze wienta gwesn warat...

22.11.2008 17:06:
haha, an gånzn schwårzn raattich.... wårt kuhle, i schick da die sally åbe nåch kaltschach, nåachan könntz um die weet fårzn...
des warat a suppa-trio von eich zwaa. då taatetn die wänd wåckln.
a klaanares ertbäben.

an scheenen (går so scheen ies es bei uns niet) guatn morgen und an ångenehmen tåg wientsch i eich.
gehtzeichguat?

heit soll noch amål a biessale schnee kummen. går so stårk håt siech da wienta gestern jå niet gmöldet. auf den hålbn zehntimetta schnee hättetn mia aa vaziechtn können. åba eisig ies es a biessale und streuwågn von da stråßnvagewåltigung håb i heit noch kaan gsehgn. åba maanst eppa, i huck die gånze zeit beim fensta und schaug, ob då so a arantschenes aute daherkummt? jå schneckn.
hiatzt geh i ieberhauptz amål mein kuffe und es murmeladesemmale zum fruahstieck vadruckn. und die sally mufflt aa schon und wüll ihr morgenrunde.