ok, måch i glei.

jå wo seind denn die büldln eppa - in de ie-mähls, wo er uns gschickt håt. då seind se als ånhång dabei. åba falleicht håt er de gschieckt, wia du in tschamaika wårst, oda in brasilium.

hahaha, kuhle.... "du ruflo wos in da feifale fir ane(a) a mandl oda a weibl?"
i maan da adolf ies schon a manndl. wenn er kaa zipfl niet hättet, taatet er jå adolfine haaßn. håst niex de klaassn büldln ångschaugt, wo er uns schon gschieckt håt, vom fisch-räuchern und vom brot-båchn, ...

haha, pfeiferle, jå, des kånns schon gebm.
bei uns ies heit a påårmål so a grausliecha eisiga sturm ieber die eben gezogn, dass i gedenkt håb, hiatzt kummt der schnee. niex ies kummen, hiatztn låcht wieda die sunne.
åba vom rosennock und von die åndern berggipfl, de man von uns aus siehgt, låcht da weiße åba.

>>> "do gips jo noch ondare senda" <<< stiemmt, åba fier de brauch i ka gibühr zåhln, wenn's niet gråd premiere is.
und hiatzt geh i miet meina flohkiestn auf a runde. trotz regn und eiskåltm radlwind. pfiateich bies späta amål.

" ... i hob jo a kan braunen onzug, ..." siehgst, genau des ies es. i håb aa kaan und siengen kånn i nemma, weil i terrisch bien. åba trotzdem seimma mia "die kärntner", ålls in an hefn drien. und solchene pauschalurteile måchn mi taamisch.
und ob i a pleampl bien oda niet, solln åndare biurteiln. åba bittscheen niet da URF.
und von wegn hund... då gips settene mit und ohne fleeh. und warum soll a kåtznfreind kaa guata mäntsch niet sein?

hund, he, schon wieda a neicha tåg. und a so a varegneta aa noch dazua...
in da nåcht håtz åbagwaschlt, dass d' glaabst gips des. åba es soll beessa werdn, sågntze im URF*).

ampopo URF - es ies aanfåch a sauarei, wås siech de herrschåftn im URF erlaubn tuamt. wieda amål (ies niet es erste mål!) werdn mia kärntna als die trottln der natziohn hingestöllt, weil unsare kärntna-ånzüg braun sein, werdn mia als braune ewiggestriege deppn dårgstöllt, und unsare diandlen, de dirndlgwandln trågn, sein treappalan. des ies objektivitätt puhr.
jå, und ålle kärntna gröhln, wenn se zu mehr als zwa beinånda hockn und gründn an xånxvarein.
ob des so ähnlich ies wia bei de weana, wenn de beim heurign bsoffn senare schrammljodla singen, dass es dir bei de uhrwaschln de schmålzbrote ausatreibt?
i håb nix gegn wean, und aa niex gegn alle åndern bundeslända, und taatet mi nia untastehn zum behauptn, dass des ållas vakappte ehemålige nazis sein, weil se a braune fajawähruniform håbm tuamt, wo unsare blau ies.
na, niex gegn die åndern, jeda ies, wia er ies und die hauptsåch, - man ies einwendig a guata mäntsch. des äußare ies fassade.

Sovül i waaß, håt unsa "stååtsrundfunk" an büldungsauftråg und kassiert dafier von uns (aa von uns kärntnern!) såftige gibührn.
iebers "erstklassige" URF-programm wüll i mi går niet auslåssn, ieber de unsäglichn serien, de wertvolln japanischn zeichntrick-kinderbüldungsprogramme, ieber die stundnlången wetterpanoramas (de du im internet genau so sehgn kånnst) und de bisunders ån varegnete tåg wia heit - oda wenns neblig ies - stundnlång genießn kånnst, na, ka wurt såg i heit drieber, aa niet ieber die såmstägliche zwångsbeglückung mit jodl-todl-hopsassa-volksdümmlicher musik.
då såg i heite kaa wurt drieber... weil schließlich und endlich kånnst des glumpp aa in ålle åndern "privat"sender sehgn. de håbm aa niet vül wås gscheitares. durt brauchst ållerdings nix zåhln, weil des die werbung fünanziert. und an gschenktn barsch schaugt man niet ins maul.

a jå - jetzt kummts ma erst: und wås fünanziert die werbung beim URF??? wåhrscheinlich de guatn und wertvolln URF-programme, de garåntiert erst nåch mitternåcht gsendet werdn fier a påår intelecktuelle, de's in kärntn eh niet gibt.
ålso, håltz mäu, du hientawäldla, du kärntnapleampl und geh schlåfn.

jå, riechtig, i bien ångfressn. und man frågt sich als kärntna, fier wås man ån so a untanehmen noch såftige gebührn zåhln tuat.
wåhrscheinlich, weil mia kärntna echt ållas deppn sein.
___________________________
*) URF - Unmöglicha (unerträglicha) RundFunk

30.10.2008 07:35:
vurlauta giftnen hätt i beinåhe vagessn:
an guatn morgen und an scheenen tåg eich ålln!

und i hån gidenkt, wenn i mi amål wåsch, bien i a saubär

seas inge - schreib wia du redest. haha. wenns aana niet lesn kånnn - måcht niex, der sågt derwegn fümpfmål dånkscheen, wia der diggo (dogga?) då untn.

seas kuhle: wohl geht so hålbwexig. i wår heit im strömendn regn miet da sally untawex. håt gånz scheen åbagiplatschert - håb i derwegn büldln gmåcht und a påår kummen glei in flickr eine.

seas ålle åndriegn. scheene griaß aus da tutal bitropfetztn kreizn (o nass is)

åba geh, pfeiferle, kaa mäntsch muaß siech ånmöldn, wer kummt - ies då. und wer niet kummen kånn, kummt falleicht es näxte mål.
gehtzeichguat? ållas bahletti?
naa, schnee håmma noch kaan, åba regnen tuatz. måcht jå niex, gheart hålt zum hierbest dazua.

an scheenen Tåg wientsch i eich.

jå, i kriag lei plentn. bin i åba sölba schuld. es beste fier an sterzgams ies hålt ebn a plentn.

jå, ies der beste scheffe wo mia håbm tuamt.
friess niet z'vül nudalan, gaxt werst nudldick.

"spånnenlånga hansl - nudldicke diern..."

jå, fiellahanett wårwieder amål putt. i håb unserm scheffe glei a mähl gschickt - åba der wår aa niet erreichbår. und hiatzt håtz doch giklåppt.

gehtzeichguat? tropfatzn tuatz, åba håt eh schon lång niamma.
an guatn morgen und an scheenen tåg!

28.10.2008 09:45:
schnecki håst recht. wennst schon amål nåch kärntn kummst, sollst a wås sehgn von unsriega scheenen gegend. kärntn laaft dir jå niet davon. und wennst niet gråd a wientafän biest, ies es im fruahjåhr und im summa siecha fier di scheena (nockålmstråßn, maltatål, usw. usw.) als wia im nuvemba.

28.10.2008 09:47:
frounze, håst du schon amål in schpittltschitti unsa chrischtele gitroffn?

niex ies gmault. hiemml ies noch ållaweil blau, lei die sunne ies hienterm kloatznberg vaschwundn. (summazeit ies vurbei - heit ies um hålba fümpfe schon so spåt wia sunst um hålba sexe).
wennst niet glabst, kummst hålt schaugn. lei bis du auftauchst, ies da blaue hiemml aa schon schwårz mit guldene und sülberne sterndlan. då siehgst nåachan den groaßn und den klaanen zågga, die wega, den orinoko (den hiemmlsjaga) und noch vüle müllioohnen hiemmlsliachtalan. und die schlågobersstråßn.

so, seimma wieda dahaam. mia wårn in fiellah bei die kinda. grausliches triabes weetta, riechtiga schaaß. und dahaam am berg?
WOLKNLOS, BLAUA HIEMML, SUNNE LÅCHT!!!
taatet i eich aa wientschn, åba der folgt mia jå niet, da petrus.