|
|
|
| ruflo am 06.09.2013 06:15 (vua 4098 Tåg) |
 ... scheen långsåm kummt er, da Hierbest. Es ies niamma so haaß, aa wenns wolknlos ies. Åba fier mi paassnt die Tempraratuhrn schon, de årge Hietzn måcht aan eh lei Prublehme. Außa man huckt iergendawo bei an See oda am Mare, in Tschesolo oda Ka Ohrle oda sunst in aana Kariehbick umanånd. Durt ies es nåss ginua zum Åbkuahln. Nehmen muaß man's eh so wias kummt, kånnst niex drån ändern. Und iebermurgen ies Mariä Geburt (då fliagn die Schwålbn furt)
I wientsch eich jednfålls an guatn Morgen und an wundascheenen Tåg.
Jå, es hierbstlt.www.flickr.com/photos/duellerfarm4.staticflickr.com/3816/9640747395_03f086e104_h.jpg |
| ruflo am 04.09.2013 22:53 (vua 4100 Tåg) |
FB - Facebook
05.09.2013 07:00:
An guatn Morgen und an scheenen Tåg wientsch i eich.
@wuhte: es Pfeiferle probiert dauernd ins v-net wås eine schreibm und kummt niet eine. Wås kånn då schuld sein?
L.G nåch Wean. |
| ruflo am 04.09.2013 11:49 (vua 4100 Tåg) |
An scheenen Tåg wientsch i eich.
Und es Pfeiferle håt siech per FB aa bei mir gmöldet. Es geht ihm guat und er låsst eich ålle scheen griaßn. Er håt schon vasuacht, ins V-Net eine z'kummen, åba es funzt niet. Werd wohl Canadium schuld drån sein. Vielleicht vasuacht er's unta an åndern Nåmen.
I schick ihm, sein Weiblen und dem Fiam daweil amål liabe Griaß aus Carinthia und hoff, dass es båld wieda mitm Villacher-net klåppen werd. |
| ruflo am 03.09.2013 07:06 (vua 4101 Tåg) |
An guatn Morgen, an scheenen Irtig eich ålln!
Frounze, tua lei weita robotn - aana muaß jå fier unsre Rentnen a Göld vadeanen... :-)
Andale, tua di niet ieba die Baika giftn, seind eh zu neineneinzg Bruzent liabe und greimte Leitln. Dauert nix, seind se wieda furt. Und bease Tüppen gips bei de åndern aa. (Wåhrscheinliech mehr).
Die ricksiechtslosn Autefåhra, de mit ieberhöhta Gischwiendigkeit durch unsern Urt brausn, und de niet denkn, dass es då klaane Kienda gips, de wo ieber die Stråßn laafn können, de gehnt mir vül mehr aufn Geist.
|
| ruflo am 02.09.2013 10:59 (vua 4102 Tåg) |
Nå Gottseidånk hupft unsa Sally niet auf da Petzeh-Tastatur ummanånd - des taat mir noch åbgehn. Noch dazua, wo eh da Bello oft nebn mir steht und maant, er muaß die Tastn miet sein Lecka sauba måchn.
An guatn Morgen, an scheenen Montåg und a prächtige neiche Wochn eich ålln!
Kuhle vagiess es Tütü niet dahaam. |
| ruflo am 01.09.2013 22:31 (vua 4103 Tåg) |
Siehgst Kuhle, wia gut dass es ies, wenn man niet lei an Åpfl (ångibiessn) håt, sundern aa an gscheitn Buam, der damiet umgehn kånn! Und auf drei Enkls auf amål muaßt lei stolz sein.
I wientsch eich a guate Nåcht und traamts von so scheene Såchn, von de man nurmalaweis niet amål traamen kånn. |
| ruflo am 01.09.2013 09:24 (vua 4103 Tåg) |
Hallo Martin! Die Sunne ies schon då. Werd a prächtiga Tåg. Scheen, dass d' nåch Kärntn kummst. Vielleicht treffn mir uns, wennst Zeit håst, auf a Villacher oda an Kuffee? Liabe Griaß nåch K.i.V. |
| ruflo am 29.08.2013 08:00 (vua 4106 Tåg) |
8° und stårk bewölkt, so schaugts heite in da Fruah aus. Åba es soll jå wohl ... und da Summa werd jå wohl ... Okeh, soll er, wenn er maant, und werd er, wenn er kånn. Mir können eh niex dazua tuan, miassn ållas nehmen wias kummt.Die Schwalbalen träniern schon fest ihre Fliegelen fier die groaße, långe Reise, de se vur siech håbm. Kriagn se feste Muschkelen und valleicht sugår an Sixpäck. "Mariä Geburt fliagn die Schwålbn furt" haaßts då. Und wenn då noch a Summa kummt, nåachan höxtens fier die åltn Weiwa. Derwegn haaßt er aa Åltweiwasumma. Fliagn die Spiennwebfadn durch die Gegend und die klaanen Kraggnen suachn siech noch schnell a Platzle, wo se den Wienta ieberdauern können.
Wohl wernd die Wiesnen nåch dem årgn Regn wieda grean wia im Fruahjåhr - åba des ies lei a opti(mist)ische Täuschung. Hiatzt kummt a gånz a åndare Jåhreszeit. Aanige Leitln tuamt schon die Bullowalan und die Röcklen und die Mantalen vur die Haustier henkn und lüftn, damiet dass se niet so nåch Naftaliehn stienkn tuamt, wenn se de nåachan båld ånziahgn werdn. Jå.
Meine åltn Baana ziettern und vippern schon, wenn se lei ån die Kältn denkn, de hiatzt båld kummen werd. Åba so oft denkn meine Baana jå niet und drum ies eh ållas bahletti.
Wientsch eich an guatn Morgen und an scheenen Tåg.
Und i geh hiatzt mit die Huntalan a Runde. Die Sally stupft mi schon die gånze Zeit mit ihrm Schnäuzle beim Wadl ån und schaugt mi ån mit Hundeblieck. Des haaßt "Werst niet båld aufstehn du ålta Pflästara und mit mir a Stieckle wåndern gehn?" Und da Bello, ihr Habara, liegt jå aa schon bei uns in da Labm und wårtet. Ålsdånn: Gemma!
www.flickr.com/photos/dueller
farm8.staticflickr.com/7319/9590328197_4db2c132eb_h.jpg
|
|
|
|
|
