häusl? haha, då gips aa noch die touristnschnecknen. de låssn senare häusln dahaam und fåhrn gånz nåckert durch die gegend. sozusågn effkaakaaschneckn.

seas irmi. wientsch da an scheenen tåg, und vom mietzale aa ållas liabe.

@ålle fiellahanettla: an scheenen sunntåg eich ålln. und bleibz scheen praf und stölltz niex ån. niet, dass i då iergendaane klågn hear... ;-D

griaßeich, åba hiatzt bin i då.
i wår heit schon fuxteiflswüld und hättet mein petzeh am liabstn ieber die acker ghaut. i wår nämlich gestern bei an treffn (photowalk haaßt des auf deitsch) von da fiellaha flickr-gruppm dabei und då seind a påår (eh lei so ån die 170, haha) büldlen entståndn, und de wollt i natierlich in an verzeichnis bei flickr untabriengen.
soweit so guat. weil åba de büldln von fiellah niet so sein tuamt, wia siech dås da herr biergamaasta - seas manze! - vurstelln tuat (bülda ausm hintahof, miestkiebel und ännliches) hat er ma es petzehteifale aufn håls gschickt und gstreikt håt er, da petzeh. "wennst niet schleinigst die büldln a biessale klaana beißn tuast, tua i des!" håt es teifale xågg. wås bleibt ma iebrig? håb i hålt meine zahndlen ausm glasle gholt und gebiessn. und hiatzt seind se drien auf www.flickr.com/photos/dueller und wårtn drauf, dass falleicht aana schaugn wüll. jeda sölba schuld, der des tuat.

@wuhte: auweh....

jåjå, tua lei die årme oma ånglustnen miet deina tolln figur. die oma werd hienterm vurhång stehn, dia zuaschaugn und a biessale plärrn und siech denken: "meinasööl, sooo vagehnt die jahrlen, meingott wo seind de hien? i wår jå dechta aa amål so schean. und hiatzt? wenn i mi ausziahg, gips lei mehr an kniafåll..."

11.07.2008 15:46:
außa, die oma kennt an guatn kührurgn, der wo niet z'taja ies. nåachan gips kaan kniafåll, sondern - schnippschnapp - neichige tuttelen. und es gsiechtle werd aa a biessale gspånnt, irgendwia so zsåmmgrattlt odawiasedestuamt. (kånn man - maan i - aa miet locknwieckla, wenn man fest eindraht).
aanige kennen zwår nåachan kaa miehne mehr vaziahgn, åba jung schaugn se aus. maanentze.
und wo noch a påår eurahsische fåltngibierge iebrig sein, werd a läbensmiettelvagifftung einegspritzt und schon gehtz a påår monatlen, weil vom botox biteupt ies.
des ies zwår niet ånginähm, åba scheen.
und dånn noch a biessale süllükohn in die lüppen und sunstnochwohien und fertik ies dås wunda der natuhr.
so leicht geht des.
i hättet jå fesst gspårt und mein mietzalen aa a genneralieberholung gizåhlt. wüll sie åba niet. sie sågt, sie steht zu ihrm lebn und zua ihre jåhre.
is mia aa rächt.
jeda ies wia er (sie) ies.
nudl. (pasta)

sodala, ginua dazählt. von mia heartz heit niex mehr, weil i fåhr hiatzt nåch fiellah. pfiateich.

11.07.2008 15:54:
hihi, hiatzt ies mia noch wås eingfålln: stölltz enk vur, de lötta taatetn siech a süllükohn in seeneren zäbädäus einespritzn låssn, damiet der so wåxt, wia da frau baiwåtsch ihr vurbau.... habedere, des warat wås, wenn des glumpp varrutscht....
und botox geht durt untn niet. weil toter als tot gips niet.
höxtens den åasch könnat man siech a biessale aufdoppln låssn...
na, i låss ma kaane staana niet nåchschmeißn - i hau schon von sölba åb...---
furt ies er. (flutsch und weg)

an scheenen guatn morgen und an erfreulichen tåg wientsch i eich. gehtzeichguat? und wenn niet, dånn hoffntliech båld wieda.
so, i geh hiatzt mietm huntale a runde, de wårtete schon auf mi.

schnecknkorn und gitrocknete weißwürscht? eigendümmlich.

i geh wås bessares habern: plentn und kuffee.
pfiateich und måchtzes guat.

jå, da flip. und die piene meier und da faule willi, ... hiatzt frågt man siech: wer ies die kragge, die deckla oda wia de haaßt? i kånns niet sein, weil i bien a manggale. und wenn i a kragge warat, könnet i niet deckla haaßn und dånn hättet mi mei weible wåhrscheinliech schon längst aufgfressn. weil de spiennenmanggalan lebm unhaamliech gifährliech. ii, wenn i a kragge warat, i taatet nianiet heuraten.
und åcht haxn hättet i aa.

hüüüü-üpf...
kennst die piene meier? då wo da göttlieche karell es tittelliad siengt? då gips an haihupfa, der wo aa ållaweil hupfm tuat. hihi.
åba der ies grean.

10.07.2008 10:19:
wohl, i tua mei wierschtle ållaweil zuadeckn. oda maanst eppa i bien a effkacka?
apopo bajern: de håltn hålt niet so vül aus. åba kärntna wierschtlen seind eggsträm bilåstungsfähig.

fümpf mienutten ies fier zwaa hårte aja a biessale wenig. muaßt sie schon 8 mienutten drien låssn. und nåachan niet vageessn, ånständig miet kåltm wååssa daschreckn. weil sunstn håst brupläme, wennst die schäla åbakletzln wüllst.
und de klaanen kotztailwierschtln, jå, de platzn leicht auf. bei de frankfurtara ies a biessale beessa. am bestn ies hålt miet aana braunschweiga oda miet aana stången schienknwurscht, de braucht man ieberhaupts niet kochn. åba a stången schienknwurscht ies hålt schon wieda seeehr unbracktisch. hihi.

årma schneck, gehts da niex guat (i denk ma lei zwengs deina bimerkung iebern dockta)? i wientsch da ålles guate.

irmile, biest schon munta? wiagehtsdadennha? mia håltn dia noch ållaweil die daumen.

chrischtele, fibile, ingele - und ålle åndern weibalen då hariennen: an guatn morgen und an scheenen tåg!

da åame frounz tuat schon wieder haggln: sagln und hobln und schraufn und någln (naa, des letztare niet, då werd er wohl bies auf die nåcht damiet wårtn)
und unsa pfeiferle aus kanadium låsst aa niex von sich hearn. fahlt da wås, adolf? nåachan wientschn mia dia ållas guate. und kumm båld wieda.

naa, unsern kuh håb i niet vagessen, den wüll i lei schlåfn låssn, der werd noch miad sein von da hupfarei. åba wennsd' es erste äugle aufmåchst: an gutan morgen und an scheenen tåg und tua dei lenale scheen griaßn.

@inge: dånkdascheen fier die links. håb gråd deine bülda auf picasa und fotocommunity ångschaugt. maa, sein de scheen!!! då seind etliche tolle kunstwerke dabei. gratuliere herzlich!
die links seind schon in die lesezeichn bei mia drien. då schaug i öfta eine, vasprochn.

åbgsehgn von gynäck und kopf gehtzeichguat?

kuhle, niex bauchalewehweh nåchm keisaschmårrn? i måg den wohl aa, åba da sod, da sod... der brennt gaxtamål nåch dem zeigs. ies a fåll fier die fiellahafajawähr.
maanst, håt da keisa aa schnaggerle kriagt, wenn er den g'gessn håt?
ies leicht möglich, weil håmtze gsågg, der ies aa gaxtamål aufs häusl g'gången. und des sugår z'fuaß. haha. wia a nurmalla mäntsch hålt.

ies åba aa meeglich dass mei sod går niet vom schmårrn brennt, sundern vom komplott, wo i då dazua iss. weil von dem zeigs kånn i nia niet ginua kriagn. annnnnannnnnass (anna nass???), fiersisch, tuttifrutti (von da mutti de kenn i, åba von da frutti?) und so.
lei zfetschknen niet, von de kriag i die retzen. und breihselbär. oda bohwiedel.

jåjå, du aa, distunddingsbums.

an guatn morgen und an scheenen tåg wientsch i eich und låsstz es eich guat gehn. geht eh niamma lång.

meingottmeingott, wias bei uns in da bolüdük zuageht...
z'erst werd uns an haufn vasprochn, dånn fållt ma bei jedm vasprechn um, liegt auf da schnauzn und fållt im liegn aa noch um. und den entschluss, von aana EU-freindlichn linie um hundatåchtzg grad umzanschwenkn teilt man als lesabriaf aana zeitung miet.

brawo, suppa. warum schåffn mia denn niet glei die rebublick aa noch åb, måchn wieda a munarchie. den düchant måchn mia zum kaisa von gottes gnådn und der soll miet seina krohne es lånd rigirn und uns deppm sågn wo's lång geht.

und unsa rohte gahbie håt aa den huat drauf ghaut. hättet i aa falleicht gitån ån ihra stöll unta de umständ.

nåjå, wås solls. kummen eh neiwåhln.
vur de werd wieda ållas bessa und es blaue vom hiemml åbagholt fier de leichtgläubign ösitodln, und danåch leidn se wieda unta altzheima, de damen und herrn bolüdüka.
hauptsåch senare bischeidenen einkümpfte stiemmen und wer'n niet noch bischeidena.
seind jå aa lei årm.
åba fier de, wo siech entgülltig vatschüsseln miaßn, werd wohl iergendwo a freies aufsiechtszråtzplatzale frei sein. oda sunst tuamma hålt aans måchn. kånnma jåniet lei so im rägen umastehn låssn, de årmen heita.
und dass es aa bolüdüka gips, de wo aa fiers folk wås leistn, des ies jå scheen. åba håt söltnheitzwert.

09.07.2008 07:17:
seas inge. aa du-aa-schon-dådedå? i aa. hihi, sunstn könnet i jå niet schreibm då hariennen.
gehtzdaguat?
hiatzt wårt i lei, dass du aa noch deine pfotos då ins intanetz einalfickrst. warat a gaude.

griaßeich, des hund, seibs ålle xund?
bin heit niet so guat drauf, åba geht schon wieda.
scheen, dass es irmele und es fibile hiatzt aa unta die flickra gången sein. scheene büldlen håbbes drien.

@inge: i håb noch hunderte büldln aus kalifornien und thailånd (niet, wia du falleicht maanst aus pattaya, sondern aus bangkok und dem wunderscheenen nordn um chiang mai und ausm goldenen dreieck am mekong) - åba de kånn i niet in flickr einetuan, de seind von da kwalitätt her nichtgenügend. i håb sie nämmlich lei aus de videofülme ausakopiert, de i durtn gmåcht håb, håb lei gfülmt und kaane fotos gmåcht. so ännliech wie in südafrika. des tua i nia mehr wieda. wer schauft siech denn an fülm öffta ån als wia fuffzehn bies dreißgmål, hearst... ;o)))
i tua lei mehr fotigrafiern.

gratuliere irmi, werst sehgn, du påckst des schon. werd schon wieda.

åba wås ies miet unserm pfeiferle in canadium los? der håt schon lång niamma gefieffn. biest eppa niet krånk, adolf, måch kaane bleedsienn, hearst!