hihi - haggis - håst gsehgn vurgestern in RTL, håmtze gizaagt "die ekelhaftesten gerichte der welt" und då wår des aa dabei. ekelhaft - sauarei, wo ma mia zwaa des jå so gern håbm tuamt. und gibråtane wierma und haischrecknen aus thailånd und schåfköpf gikochte miet de augn noch drien (de man aa essn muaß) aus schwedn....
lauta guate såchnen hålt. åba waaßt wås - i bleib liaba bei ritschert, kaasnudln, plentn und åndriege guate såchn,wia zum beispül schweinsbråtn miet kraut und kneedl, de's bei uns in kärntn gips.

31.05.2008 10:01:
@dei wietz: hihi, åba des wampierdl håt jå kaan raadla gitunkn, sundern lei sei bluat, wenn mans ginau niemmt.

fåhr lei ause nåch wean, nåachan fiendest unsern wuhte schon, kuhle.
jå fibile, wia gehtzdadenn ha? bist wohl wieda so hålbwex xund? wientsch da ållas guate und ålln åndern aa.
und a scheenes wochnend natierlich.

jå, adolf, freilich håb i mein hiendischn spuzirgång hienta meina. des måch i ållaweil glei in da fruah, weil sunsnt schaugt mi die sally bleed ån. und da bello und da tino wårtn aa, de wolln jå mietlaafn. ausademm ies in da fruah am scheenstn.
zua de flickr-büldln: gfreit mi, dass se da gfålln. gestern håb i lei a påår vom atrio in fiellah einegitån und heite noch går kaane. wår i noch z'faul, åba bies du aufstehst, werd schon werdn.
scheene griaß nåch kanadium!

hallo, irmi, i wientsch da an scheenen aufenthålt. falleicht könntest es fibile, den pao lee oda går unsern scheffe treffn?
im fernsehn ies heit nix, wås mi indarisirt, derwegn geh i schlåfn und i wer' noch a biessale im pett lesn.
guate nåcht.

auwehauweh --- molti bruplemi --- wurznpåssstråßn gsperrt, håmma miaßn ieber tafis nåch slowenien fåhrn, zwengs die tschick. und schmuggln håmma uns aa niet gitraut, seimma baade z'feig, es mietzale und i.
z'miettåg wårn mia in fiellah im atrio und håmma guat g'gessn: letschoschnietzl mit beilåg um 3,90 - gschmeckt håtz briehma und ginua wår so vül, dass ma fier die sally aa wås mietgebråcht håbm.

irrdumm. i vasteh ginau, wås die sally sågt: "fressi, fressi, hunga, hunga, gemma spazirn..."
und i fåhr hiatzt miet mein mietzale auf die wurzn. tuamma schmuggln. hihi.
pfiateich.

da saharastaab ies furt, hiemml ies wieda klår und i håb schon mei pfliechtrunde mit da sally hienta meina. ies des scheen, so a friesche lufft... a påår kuahglocknen, da bello schiempft mit die rössa, åba sunst - stille.

die sally suacht friesche kuahflådnen - sie taatet gern siech a biessale einparfümirn - åba es herrle låsst niet. dabei schmiert der siech aa nåchm rasirn ållaweil miet afterschweif ein.

wurscht, denkt siech es hiendle, sieng i hålt miet die kirchnglocknen miet, de wo ållaweil um siebene läutn tuamt. da bello hülft aa und da tino und da yukon. lei die kiki heart man niet, weil de ies im haus driennen.
hiatzt ies a murdz-mettn. mit da ruah ies vurbei, wenn die hund auf da eben und die glocknen um die wett' jauln tuamt.

eh guat, lebakaas.
und, jå, i wår bei der meer kuah, wo neikauf drauf stehn tuat. so a bleedsienn, maanen de eppa i wer' wås ålts kaafn odawia? då miaßat i jå zum åltkauf gehn. oda zum iebäi oda zua an antikwietättnhändla oda in an seckondhändschopp oda so. und ob de a måltinga brot håbm, glaab i eher niet. außademm: wer friesst denn schon so an uråltn pimms, ha?

29.05.2008 18:18:
so. fier mi ies zeit.
i kriag hiatzt aane murüllenknödeln, wo noch von z'miettåg iebrig sein tuamt.
guat, dass i niet in deitschlånd wohnen tua, sunstn miaßat i aprikosenklöße mit in butter gerösteten brotkrumen essn. klöße - na sowås, hearst.....
egal, i geh hiatzt. pfiateich und bleibtz praf.

he, kuhley, >>> "i muass wieda zua meina glübten hupfarei, und noacha geh ma uns des rauchn obgwehnen" <<< brauchst jå niet so stårk hupfn, dass es raucht.

i wår hiatzt in zlan pieschn giaßn, de wo i gestern eingsetzt håb am friedhof.
und nåachan wår i in schpittl-tschittie a broat kaafn, wås uns so guat schmeckt. es måltinga brot.
kriag i beim meer kuah und zwår in an gschefft, des haaßt "patisserie" åba se vakaafn derwegn broat und semmalan.
a wia maanst? schpittl-tschittie? jå i waaß, ies a biessale schwar zum åntreffn. wennst von zlan ieber ziebl åbefåhrst liegt schpittl-tschittie bei molzbichl. oda schpittl-tschittie bei zgurn. oda schpittl-tschittie bei krieselsdorf. oda schpittl-tschittie bei edling. oda schpittl-tschittie beim xxxlutz-sessl. oda von da åndern seitn åba liegt schpittl-tschittie bei lendorf, oda schpittl-tschittie bei sanktpetaimholz. oda so. auf ålle fälle liegtz hålt.

weil schpittl-tschittie ies wölten schwaar zum fiendn. ies a kiehlomettalånga schlauch wo lauta einkaafszentren seind und - "pfugg" - wennst niet aufpaast biest auf da åndern seitn schon wieda draußn. wennst frågst "a wo ies denn schpittl-tschittie, ha?" nachan sågntze "schon vurbei! des wår durt, wo du beim schloss burtschia vurbeigrauscht biest."

so, håppes guat aufgipasst beim giograpfie-untarriecht? nåachan miaßtz hiatztn aa wiessn wo schpittl-tschittie liegt.
und demnäxt wer' i eich sågn wo klafu ies. des ies in da nähe von gottschuchn. åba mehr varråt i heite noch niet.

seas mitzale, tua da dechta kaan stress ån, ies jå niex xund, hearst. lei iemma scheen gimietlich und ruhig. gehtzdaguat? i schmeiß da scheene griaß ieber die windische höh drieber ume iens gailtål.

29.05.2008 07:23:
haha, chrischtele, wenn i an bauch hättet, taatet i a in die iller hupfm. naaa - umvakehrt: wenn i a iller hättet, taatet i mia aa den bauch kühln. scheene griaß und a schmåtzale ause ins allgäu!

seas friedenspfeiferle. ies erst sexe in da fruah åba i kumm schon von meina morgenrunde mietm hund zruck. ies so scheen in da fruah, då siehgt man ållerhånd. zum beispül reachln. aans davon håb i eh im flickr auf meina fotoseitn.
reh håb i heit kaans gsehgn, åba a paarle krah, des seind niet gflogn sundern vur uns aufm weg dahinspaziert. a so a gaude. wia dånn da bello aa noch kummen ies und senen håt wolln in schwaaf beißn, håmtze xågg "kraaaah" und seind davongflogn.
dånkdascheen adolf, fier die klassn büldln. i bien zwår niet går so a fischfän, åba deine räuchalax taatet i aa mögn.
pfiatdi nåch kanadium! schlåf guat!
und ålln åndern, in köln, im allgäu, in wean, in sålzburg und bei uns in kärntn: an guatn morgen und an scheenen tåg! die luft ies noch ållaweil gölbgrau vom wüstnstaab, den da wind hergeblåsn håt. a maantz, des ies falleicht da samum gwesn?

so, pfiateich. i muaß hiatzt nåch zlan ume fåhrn, aufm friedhof aane pieschn setzn. die stiafmiattalan seind schon sooo grausliech. bies späta oda bies murgn. odawia.

hee, wöltmaasta, bistndufierawöltmaastaha? a tschufittl ies der miet de groaßn augnen und dem krumpm schnabale, der wo ien da nåcht schreit "kummmit, kummmit!" und mausn tuat er aa. hålt mäuslen fången oda so.
und den "dill tschufittlspiagl" werst wohl du aa glesn håbm dersebm, wia du noch niet sooo groaß wårst wia heit, åba soo klaan aa wieda niet, wos'd noch aane tuttlflaschlen gibraucht håst. und wientl. in da folgschual hålt. oda im gumminaseum.
der håt an haufn bleedsienn gmåcht der degene dill. ies er ieber an strieck gloffn wia a zierkussåff und håt auf die leit tscherfl åbegschmiessn und lauta so an bleedsinn.

sodala, mein hiendlichn nåchmiettågsspuzirgång miet schwaafwedln und schnuffln und so håb i aa hienta meina gibråcht. und die sally håt wieda a gånzes fuada grås gfressn. de waaß noch ållaweil niet ob se a rientviech ies oda a hundling. brauchat jå lei die tuttalan zähln. a kuah håt viere und a hundzviech vül mehra. åba wenn de niet zähln kånn, kånn i aa niex dafier. hoffntliech fångt se niet ån ieberkojen. und bei de darmwiendeggsblosiohnen reicht ma des, wås a hund z'såmmbringt. muaß går niet rientsmäßige ausmåße ånnehmen. naa.

28.05.2008 15:31:
guakn gappa = dill? åba i kenn jå kan dill. oda - wårt amål, wohl, den guakn-gappa tschufittl-spiagl. den håb i amål glesn, wia i noch taufriesch wår.
haha, und es tschufittl kennst du wåhrscheinlich niet.

jå, omalettn mit murmelade seind guat und palatschienkn seind aa niet schlächt.
mia håmma an fålschn hås und bramburi-büro ghåbt. waaßt eh wås des ies. a fålscha hås ies a faschirrta bråtn mit hårte aja drien und bramburi seind hålt tschompa odaso.

ies hålt niex recht. wenns regnt ies z'kålt und die wolkn vadeckn die sunne, wenn die sunne scheint ies z'haaß und da schwietz riennt, ies es windstüll und kaa lieftle waaht ies aa niet recht, wenn da blåse geht fliagt da staab durch die gegnd, wenns schneibt ärgern sich de autefåhra (åba de ärgern sich hiatzt im fruahsumma sowiaso, zwengs die treibstoffpreise), wånns eisig ies fliagt da kuhle aufn åasch (und niet lei der!) und so håt hålt a jeds weettale seine vur- und nåchteile.

iii, wenn i petrus warat, i maan, i taatet mi aufhenkn. oda daschiaßn oda sowås. oda wårtn, bies da andale aufakiemmt (wenn er niet falleicht gråd untn gibraucht werd zum fajale-haazn) und nåachan taatet i ihm mei amtle iebergebm. ginau, des taatet i.

weil i åba gottzeidånk niet da petrus bien, wientscht eich da ruflo an guatn morgen, an scheenen tåg und hofft, dass es weettale noch a biessale so bleibt wias ies.