also - iii taatet mein kålbskopf nia niet panniern låssn. naa, nia!
hån i mia glei gidenkt, dass des beim manni stadler essn werds.

so, wieda a neicha tåg... und a påår leit gips ångebliech iemma noch, de miet an nurmaln kopf stått miet aana fuaßbållwuchtl aufm håls umanånda steign. åba niamma lång. nåachan gips wieda långe gsiechta.

wieda a neicha tåg? jå ginau. und a såmståg ies des aa noch dazua.
weetta soll a beessa werdn, håmtze xågg. wås wüll man mehr?

und am näxtn såmståg ies gottzeidånk der monat aa vurbei, kriagn mia båld wieda viehnatzinellen nåchschub, damiet mia wieda unsriege aute volltankn können. und so...
a so a schaaß, hearst, wo werd denn des noch hienfiehrn? wer kånn siechs denn noch leistn, zur årbeit zan fåhrn?

"jå, fåhrtz hålt miet die öffis, des sudhefn, des ies bielliga."

leicht xågg. wenn ma aane hättetn, aane öffis. mia von da kreizn terfn zerst 8 kiehlometta nåch feistritz åbehaatschn zur pushåltetstell, oda går zehne zum båhnhof. und haamwärtz nåachan auf 1000 metta höhe aufe aufn berg schnaufn

"jå und? wia wårs denn frieher, des jammara, ha? håtz då falleicht aane aute gebm odawia?"
frieha håmma an greißla ghåbt, wo ma von de strumpfbandln bies zua de nåchtpfaadlen, vom griaßzucka bies zua de tuttlflaschlen ållas kriagt håt, wås da mäntsch braucht zum lebm. håmtze hien gmåcht, die greißla, dafier gips "einkaufszentren" iergendwo draußn am stådtrånd.

frieher håts dorfschuln gebm. freilich wårn då oft amål 45 und mehr kienda in aana aanklassign schual. åba går so bleed und ungibüldet seind de aa niet ins lebm ause entlåssn wurdn, und des ohne schulpüschelogn und kriehseninterwentzionszentren..
frieher håt die kirchn niet lei an turm, sundern aa noch an pfårra ghåbt.
frieher håmt niet lei leit in an dörflen gwohnt, sundern freind und nåchbårn - wo aana aufn åndern gschaugt und ihn gekennt håt.
frieher håt a jeds dörfle sei postamtle ghåbt, heit wernt gaxt wieda - wenn da penziehn noch tajara werd - de postreita und de postkutschnen auftauchn - oda es werd ållas wegratzionirt und mia können uns gaxt unsriege briaflen im postvateilazentrum in fiellah-sangtmagdalehn sölba åbholn.
frieha- ....
i hear eh schon auf. i waaß, i bien sölba a sudhefn, åba iergendwia tuatz ma schon a biessale laad um de ålte zeit, wo noch die leit aana miet dem åndern gredt håbm und niet ieba a ölecktrohnisches kastl mit an haufn knöpflen, de wo fier uns ålte taggln vül z'klaan sein (so dass man ållaweil aufn fålschn druckt). åba dafier seimma ieberåll und jedazeit miet da gåntzn wölt vabundn und erreichbår.
schöne neue welt (a. huxley)

vur lauta tschentschn und plärrn hättet i båld vagessn eich ålln an guatn morgen und an scheenen tåg zan wientschn. jåjå, da alzi....

jåjå, fibile, siehgst, frieher amål håmtze gsågg "vom hudln kummen die kienda"
solltet man niet, kånn kfährliech werdn. und weintraubm als miettågessn ies ächt a piessale wenig. biest jå kaa reblaus nietodawohl?

hallo, märry, von wegn ålte schåchtl... wås solls: wenns herzle jung ies, ies ålls in puta. a lustiga mäntsch kånn går niet so ålt sein, dass er a tschåchtl werd.
und wenn i lei wiessat, wo "Fellini's Bar ies" taatet i di falleicht bisuachn. lei wenn a roats lampale vurm eingång brennen tuat, nåachan låsst mi mei mietzale siecha niet.
und wenn då kaa roats lampale niet brennen tuat und i di bisuachn taatet - påa maliaba, då dalebst åba den schock deines lebens. hihi. weil da jiengste bien i siecha niet... schon eha ... wia haaßt denn es männlieche behndant zua de weiblichen tschåchteln? auf jedn fåll bien i siecha da ölteste der wo då hariennen im fiellahanet rägelmäßig schreibm tuat.

23.05.2008 16:26:
so vül, wia da kuhlattnig heite wenig då wår, des ies schon wölten sölten. åba wenn der in radnthein miet seine åltn kumpl a klassntreffn måchn tuat, nåachan ies eh klåa, dass er heite lei wenig zeit håt zum vül schreibm.
åba, andale, dafier muaßt uns murgn gånz ginau dazähln, wås du ållas zum essn kriagt håst beim metzgawiert odawodeshåltheitesogwesnseibs.

praf, fibile. tua lei scheen schepfm, siehgst, des gfållt ma.
wenigstns aa mäntsch, der niet dem schnöden fajatågswahn vafålln ies.

regn, regn, regn, ...
sunne hienta wolkn. unsichtbår.
bies sunntåg, sågt da URF.
wer's glaabt...
i wientsch eich trotzdem an scheenen tåg voll sunnenschein.

und tuabz niet plärrn, wenn des bei aane tankstöll stehn bleibm miaßtz. gips so vül leit, de sich ieber die ölpreise frein tuamt: die tankstellnbisitza, die OMV, da scheich hadschihalefomar, der in dubai undsoweita niet waaß, wås fier varrucktheitn er noch mit seine milliardn ånfången soll, und vur ållm: unsa vülgelüpta fienahnzmienista moltara. undsoweita. also: freitz eich, eicha göld ies eh guat ånglegt. und de ewige jaammarei bringt eh niex. odawohl?
kaaftz eich a oxngspånn, wenn eich da bentziehn z'taja ies. oda gehtz z'fuaß, des hund. denktz aanfåch ån de zeitn, wo's noch kaane aute g'gebm håt. håt då falleicht aana iebern bentziehnpreis glästert, ha? dabei håmtze då in bentziehn noch als fleckputzmiettl in da aputeckn vakaaft.

lei - de greanen wernt hålt ieber de oxngspånn aa tschentschn. von zwengs de auspuffgase, de wo es wöltkliehma vaändern tuamt.
jåjå, de oxnen. und mia als fuhrleit noch dazua uind unsriege auspüffe... åba bei bei de mäntschen werd eh de EU båld vurschreibm, dass ma mia nåch jeda måhlzeit a stampale audekuhlonge drauftrienkn miaßn, damiet die ieberbleibsl von de fettårmen biomüsli wo hientn ausedåpfm, a biessale beessa dufftnen tuamt.
und schon ies wieda ållas nudl (pasta)...

auweh, des wår guat. mei bauch platzt binåhe. åba hiatzt geht schon wieda a biessale. und des wer i aa måchn: nåchschub fier die muckseln*) holn, damiet dass der ruflo niet vom fleisch fållt. und murgn kumm i wieda. falleicht oda aa niet.
pfiateich, bleibz xund und måchtzes guat.
______________________________________________________
*) a biessale gailtåla schpäck und bawernbroat ies fier die muckseln aa niex schlächta als wia a fettnessdrähning in an muckselschtudio. und bei weitm niet so ånschtrengend. vurållm die pauchmuckseln wåxn.
nudl. (pasta)
______________________________________________________
@kuh: wås werd se denn sunstn schon tuan bei uns, kånn jå niex åndriges als wia scheinen. oda hienta de wolknen schlåfn. die suunne.

griaßeich und an scheenen fajatåg. schåd, dass so a valängates wochnend fier a renntnamanndle kaa bideitung mehr håt.
hiatzt gehtz nåch fiellah, unsa bua gibt a giburtztgs-grüllfest. gfrei mi schon.
pfiateich bies auf die nåcht.

wem sågst denn dås, fibi, >>> "i sog eich, olt sollt ma nit werdn" <<<
i bien so ångspeist, i geh in da näxtn zeit siecha zu kaan dockta mehr.

i wientsch eich kaan guatn morgen mehr, weil dazua ies schon z'spåt, åba an scheenen rest vom tåg.

maa, fibile, åba hiatzt bien i glåcht, hihi, so liabe muhwies håst uns gschickt, dånkdascheen!

seas kuh. tua lei praf hupfn. falleicht werst gaxt a kennguhruh. a soginånntes peitltier. dabei wohnen de jå gårniet in austria, sundern in australia. åba derwegn brauchst niet iebersiedeln, gips jå wohl a påår peitltiere bei uns aa.

an scheenen tåg wientsch i eich. weetta passt. werd schon wieda.

hihi, fibi, wenns hintn grummlt, muaß des niet unbidingt a giwietta sein....
bei mia grummlts aa gaxtamål und beim kuhlattnig wundert mi des ieberhauptz niet. wås der hundling ållas zsåmmfriesst.... dabei sollat er auf die kohlen stehriene aufpassn.
åba i scher' mi då aa nix, fier wås brauch i aane kohlen, wenn ma mia mit haazöhl haazn tuamt. und stehriene seind sowiaso es letzte wo gips.

i geh hiatzt jausnen. a stieckle bawernbroat und falleicht a wurscht drauf. oda aa niet.
und murgn kumm i falleicht wieda. wernmia sehgn wås mei dockta sågt.
pfiateich und måchtzes guat. bleibz xund, des hund.

18.05.2008 18:23:
kuhlatti wöltmasta - i maan i schpienn. wer ies denn des schon wieda?

siehgst, chrischtele, so ies der läben: du als spittalarin huckst in kranjska gora im kahsieno umanånda, und i bien derweil in schpittl-tschitti bei molzbichl. då håmma a treffn ghåbt miet die vawåndtn von mein mietzalen (30 leit) im gåsthof gösser. håmma a biessale gikwatscht und ariennarungen ausgitauscht, guat g'gessn håmma aa.
und nåachan, wia i noch schnell beim meerkuh ane gitrocknetn fåcknuhrwaschln gikaaft håb und aane gitrocknetn oxnlimpalan, damiet dass unsa huntale heite niet vahungern tuat und i wås zum knappern håb beim leifball-schaugn im tefau, håb i unsern frounz gitroffn. und wenn du niet in kranjska gora deine gånzn nötsch dem krupijööh in' råchn ghaut hättest, hättetn ma mia zwaa uns falleicht aa gitroffn. oda biest eppa går du de, wo euro-milljonährien wurdn ies? wientschn taatet i's da schon

18.05.2008 07:19:
jå, und ålln åndern, de wo heite då noch einaschaugn tuamt, wientsch i an scheenen sunntåg. gehtzeichwohlguatha?
stölltz niex ån und bleibz sauba.

18.05.2008 07:51:
kuhlie, wennst noch kaan wirren skänner installiert håst, tumml di!
i håb den AVG drauf und der taugt mia.

an guatn morgen und an scheenen såmståg wientsch i eich.
weetta ies durchwåxn, in da nåcht håtz gregnt. åba schierm brauch i hiatzt kaan, wenn i miet mein schwaafwedla glei nåch'm kuffetrienkn a runde ziahgn wer'.

seas irmele, geht gånz guat. lei da spargl wåxt bei mia niamma so gern

16.05.2008 18:13:
i geh essn. kneedl von z'miettåg, auf des gfrei i mi.
wenn de fårzkåchln, de grausliechn wieda kummen, schmeiß se ause, kuh!
niet dass i murgn in ålla fruah schon es fensta aufreißn muaß....