a wia, zwätschkenmurmelade ies aa drien im petzeh? des hätt i nianiet gidenkt. åba wås waaß man denn, wås uns die techniek noch ållas briengen werd. falleicht tuamt se amål saware gurknen in de fernsäher eine, weil oftamål håmtze beim URF eh sawaregurknenzeit.
und bei mein petzeh wer' i amål fest ummapeitln und schaugn, ob de festplåttn wohl noch fest ies, oda ob se schon tscheppert.

08.04.2008 10:32:
seas fibile. blau ies heit bei uns niamt. nietamål da hiemml. der ies mehr greulich. åba falleicht werd er noch.
gehtzdadenn, fibile? und da mami?

aha. motherboard. ies inglitsch, göll? haaßt glaab i auf deitsch muattabrett.
mei petzeh håt aa a muattabrett drien. glaab i. fier wås des eppa guat ies, des glumpp?
und tschipps seind aa drien im petzeh, falleicht kånn man de gegn pommfritz austauschn? de iess i liaba.
und gachamål an mäcklåpp, an låppatn ham-ham-burga. seind niet so
schlächt, fier gaxtamål. so ålle drei- bies fiempfmonat oda so.
lei ållaweil könnet i des niet essn.
sågnt se zum mäckdohnal "fressn miet händ und fiaß" hihi.

maa, de hunt tuamt wås fier die umwölt, hearst. då gips kaane zaschlågenen purzehlantella und åbwåschwåssa laarn de aa kaans in die sieckergruabm. wennst då zum salåt a gabele brauchst, kriagst aans aus blastig und wia bei de kuffeelöffl brauchntze de nianiet åbwåschn, seind ållaweil naje. seehr hügiänisch!

guate nåcht, adolf, nåch canadium, schlåf guat.
und ålln åndern an guatn morgen und an scheenen tåg.

"ha?" sågt man åba niet. wenn schon, nåachan "habiette?"

wår i wieda mietm hiendle spuzirn, bien i wieda waschlnåss gwesen (åbwåschzoottn numma zwaa).
schneibt wia da teixl.
auf unserm bierknbaamle huckn die gimpl, de gråanalan, de maaslen, de bergfienknen und de spåtzn aa. seind hungrieg und wollnt aane kerndlen håbm. nåjå, mia seimma jå niet so. füllma hålt es fuattahäusle nochamål auf fier de hungriegn zwietscherlinge.
und a kleiberle ies a dabei.

07.04.2008 16:21:
ginau fibile. ies hålt wia bei ålle guatn miattalan. bivur dass se niet umfålln vurlauta wuwa (wehweh), hearntze niet auf. und se maanen ohne senen geht niex.

ha? (ies noch kierza)

Fibi, des gfreit mi. tua dei mamele scheen griaßn!

fibi, sei froh, dass d' niet ins bieroh muaßt bei dem sauweetta.
bei uns regntzschneibtzgraupltz kreizundkwehrdurchanånd.
i wår hiatzt miet da sally untawex (neiche fotos in flickr) und bien trotz schierm waschlnåss wia a åbwåschzottn haamkummen. åba - wia xågt: "sunne im härzen..." und de bawern gfrein siech iber des weetta. ies keischlamiest, wås då von obm åbakummt.

haha, pfeiferle, antipasti niemmt lei da kuh fier seine zähnt. mia nehmen zåhnpasta (zahntipasti) oda tublettn (i zum beispül, weil i leb' miet mein gibeißach in tränung von goscherl und bett). und zwengs dein eintråg: måcht jå niex, gedopplt håltetz beessa.

an scheenen guatn morgen und an erfreuliechn tåg eich ålln. ies zwår niet so erfreuliech, wenn man beim fensta ause schaugt. triab ies, gschniebm håtz a påår müllimetta, graupln tuatz - åba mia håmma die sunne im härzen.

fressn um aans, fuatta um aans,... hålt des, wås mia renntnamanndlen am bestn können.

iesndes, a F1-lauf, ha? a maanst eppa furmel 1? håb i niex gschaugt, i wår auf da frieschn lufft und håb kaane auspuffgase gschluckt, aa niet beim URF.

06.04.2008 16:59:
a tüpp: schaug beim telleteckst nåch

>>> "hazung auf "sally biogas" umstölln" <<< naa, geht niet. kummt z'taja. frießt vül und ausbeute girieng.
gehtzdadenn, andale? ållas im greanen bireich?

so, ausgschlåfn, sunne scheint wolknlos, wås wüll man mehr? kuffee ies aa schon im bäuchle und a påår stiecklen reindling. werd a scheena sunntåg, und den wientsch i eich aa.
die sally bitreibt umweltschutz mit biogas - bleibt ma niex iebrig, muaß i a runde gehn mit ihrn. bis späta nåachan. und wia xåggt: an scheenen sunntåg!

tanzing stars ies vurbei. wås i in da fruah schon xågt håb, mecht i wiedaholn: fier wås braucht da sch...URF a schürie, wenns eh niet girecht zuageht? und a påår dorian-fäns (gegn den i ieberhauptsnix håb) mitm tellifon entscheidn? årme lisi, tuast ma so lad. åba fier mi und unzählige åndare wårst eindeitig du die kwien. und die prinzessin wår die elke, de schon gestern ausscheidn håt miaßn - und aa dås wår ållas åndare als girecht.
schåd, dass so a tolle idee, so a scheene sendung so total in die hosn gehn håt miassn und so total va-urflt werd. åba wiechtig ies hålt die kwohte und da publikumsgischmåck.
derwegn gips a jedn sunntåg am nåchmiettåg franz-antel-fülme,de ma ålle schon x-mål gsehgn håbm und auf d'nåcht die rossamunde piltscha, und jedn såmståg jodltodlhopsassa.
hålt ebn kuhltuhrauftråg des öffentlich-rechtlichen senders, und fier den schaaß zåhln mia zwångsgebührn.
i geh untern gulter und schlåf mein grant aus.
pfiateich und guate nåcht.

muaßt dein killakarnickl sågn, es soll die salbeiblätta niet fressn sundern gurgln damiet.

05.04.2008 12:15:
ies a so: wenns im wampale gurglt und rumplt und man druckt auf die riechtige stöll - zack, fåhrt aana ause und es ies wieda ållas in puta. oda zwaa.
wenns noch dem geht, nåchm ausefåhrn låssn, ies unsa sally fåstbinåhe wöltmaasta. pfuiteixl, hearst, wenn de unter mein schreibtieschsessl liegt und sie låsstz kråchn, wer' i fåstbinåhe biwusstlos, als wia narrkohtisirt, hearst.

wås maanst denn kuh, wås ies gimeina: hundz- oda kåtznfierzlen? bei de karnickl bien i iebafrågt, ob de des ieberhauptz können.
am bestn können maan i die rössa. bei jedm schriett gehtz pfrrt, pfrrrrt, pfrrrrrrrt....
håt mei mietzale aa schon xågg zu mia: "a biest du eppa a postgaul, ha?" åba i waaß niet, wia sie des gmaant håt.

und die kiah können aa. und wia! werd die EU gaxt vaurdnen, dass a jedes riendsfiech an kathalisator braucht zwengsn kliemaschutz. und wer kaan håt (kathalisator) werd zuagstopplt. und die mäntschen werdn vapfliechtet werdn dass a jeda a stampale au dü kuhlonge zum essn dazutrienkn muaß. zwengsn folgedufft.

meine gilenke kraatschn bei jeda biwegung, åba sunst gehtzmaguat. dånkscheen. dir aa an scheenen tåg. frieß niet z'vül maischalan.