Hallo, Irmi. Bei uns schaugts niet so wunderbår aus - åba ies eh guat, dass amål a biessale regnt. Gehtzdawohlguat?
@Kuhle: Jå, es Irmile håt den tutalen Durchblieck. Die Bieschn seind die Büsche, Bleamlen, Krautach, Pflånznen hålt; und da Tegl ies a Häfn, a Tschreappm, a Topf, a Tiegl oda a Tschachtele oda sunst eppa wås ähnlihes hålt. Also kånnst miet Siehaheit sågn, dass a Bieschntegl a Blumentopf ies. Oda a Pleampl kånn aa a Tegl sein. Weil man sågg jå aa gachamål zua an Kumpl in ålla Freindschåft "Du Tegl du!"
Marantana naa, bien i gliecklieh, dass i amål an Wöltmaasta wås eindaitschn terf.
Dabei redntse jå bei uns in da Viellaha Gegend aa noch a biessale Frantschöschitsch, werd wohl aus da Zeit ståmmen, wo Villach a Teil von da Bruwinz Illyrien gwesn ies und da Napolium in Wårmbåd sei Wiesn ångsaat håt. Dersebm seind se noch aufm Trottoahr brummenirt und håmt miet an Kruag es Wååssa ins Lawuhr einegschiettet, des wår sener Fliaßwååssa. Und Bischkottnen håmtze zum Kuffee ghabert und i kriag lei a Murmeladesemmale.
Und wenn aana vurnehm ies, geht er heite noch ins Bissoahr, wenn er miaßn muaß und lei die gewähnlihn Leit geahnt in Brunzwienkl biescheln und des håt wiedarum mit an Bieschentegl går nia niex zan tuanen.
Und weil i hiatzt aa gånz scheen schleinigst miaßn muaß, hear i auf und såg lei noch schnell: aan guatn Morgen und an scheenen Dienståg Eich ålln!
