seas, pao lee. naa, noch ållaweil "bitte warten". a befund aus klågnfurt und aana aus wien fahln noch ållaweil. und die neurologin håb i heut aufgsuacht, åba ies niex bsunderes (schmerzn im årm seit vergångenen september), håt lei miet meina polyarthrits z'tuan. åltes bandawerch hålt.

dir aa ålls guate, chrischtele. ies eh scheen, dass d' wieda haamkummst.

@feifale: jå, google-earth håb i. und a motorsegla ies sowås ähnliches wia a cessna, die trågflächn seind a biessale größer, so dass de maschin aa mit ausgschåltetem motor problemlos längare streckn mit da thermik segln kånn. die dimona ies a zwaasietza, man håt a tolle sicht, weil die gånze kånzl vollständig mit plexiglås vaglåst ies. siehgst jå auf die bülda. lei die trågflächn seind gaxtamål beim fotografiern a biessale im wege, åba de kånn man hålt niet åbaschraufn.
i håb ma viermål zu mein gepurztåg an rundflug schenkn låssn. hiatzt geht niamma. die nähare umgebung håb i gsehgn und fier weitare flüge reicht es klaangöld niet.
haja wer' i mia endlich wieda amål a ånständige kamara (olympus) zualegen, auf de i schon lång spietzn tua.
schåd, dass d' niex gwunnen håst, håt åba aa den vurteil, dass d' da kaane surgn ums göld måchn muaßt. und fladern kånns dir aa kaana. haha!

an guatn morgen und an scheenen tåg eich ålln!
______________________________________
Adolf, mei Position (google-earth) ies
46°40'39,76" N und 13°35'44,85" O
in Kreuzen "Auf der Eben" und in dem haus in Villach, dås a biessale weita von da stråßn weg ies mit da position
46°37'20,25" N und 13°51'13,12" O
wår i dahaam und dås gheart hiatzt in meine kinda und in die 7 enklkinda.

he feifale, klår hålt i da die daumen. bin jå schon eggsbärte. und wennst a mülliohn gwienst, schickst hålt mia aa an dohlaar

01.04.2008 18:20:
dånkda kuh. mi håts aufn bodn ghaut vur lauta låchn.
und hiatzt geh i printschlkråtzn und kuffee-trienknen.
pfiaiteich, bleibz scheen praf und stölltz niex ån.

andale, kennst es ferlacha faifale? muaßt hientn einsteign, weil vurne fåhrt schon. achtung, achtung, zug kummt, gleis feift schon!

seas f-pfeiferle, gern gschehgn. gehtzdaguat?

hi goomuloo, nice to meet you. do you think, this is the site for you? i don't think, that you will understand a lot of we are talking about. best wishes and greetings to canada from carinthia (austria - that's not where kangaroos are hopping around)

wåldmaasta håmma lei wenig, bärlauch aa; åba den, wo niet nåch knofl stienkt, gips vül. der kriagt im hierbest roate beerlen und aanige sågnt mei glöckle dazua. dabei heart ma ka glöckle mehr läutn, wenn man den friesst. und den riechtign bärlauch, wo stienkt, gips in ruablånd an haufn.
und rehrlsalåt kånn ma aa schon stechn, braucht ma lei de rosskneedl, kuahflaadelen und hundsdrutzl weckputzn. und haaße ertäpfl und kalifenöl dazua tuan. mmmhm, des ies guat.

01.04.2008 16:35:
a und die "guggehefalan" kennst aa niet?

hihi

jå, biest du wöltmaasta oda i? (frühlingssafran, huflattich, narzissen).

a maanst niet falleicht, andale, dass es fiellahanet am 2. aprül wieda weitageht?

hihi, fibi, wenn des niet heit gwesn warat, sundern in wierklichkeit - maa, des warat hertzig - in aan jåhr hättest 85 liabe schnuckelige hasalan. oda mehr.

01.04.2008 15:30:
wohl, hiatzt kummt er, der wo de inglitsch "freeling" dazua sågn. i håb zwår dem kuhle sei "satochltier" noch niex gsehgn, åba kaasalan, lungalen, zottlhosn, und sette pieschnzeigs.
und die erika aa. ziesselen wåxn aa schon im gårtn und aanige bliahn schon.
jåjå, hiatzt ies er då, da auswårt...
a biessale blåst da jauk iebern kowesnock her, åba lei a biessale, und raamt de letztn schneepatzlen weck, de wo vur aana wochn oda so als keischlamiest åbagfålln seind.
die sally gråbt ihre baana aus, de se im hierbest im bluamenbeet eingwientart håt. schaugnt ziemlich vawegn und vagammlt aus - åba dem huntzfiech schmeckn se. ållaweil noch.
da ruflo wert noch miadiga als wia er eh schon sunst aa ållaweil ies - friehlingsmiedigkeit - wert er eppa niet hiatztn in wientaschlåf vafålln odawia?
die zwietscherlen fegln - na, umvakehrt! - und juchetzn von de baam åba, dass lei so a freid ies: da friehling ies då.
wer i miaßn aane teiro ins hosnsackle steckn, damiet dass i damiet tscheppern kånn wenn da erste gugge schreit. falleicht nutzt's wås und i håb nåachan echt es gånze jåhr a göld im såck, so wia de leit sågn tuamt...
åba des gültet hålt wåhrscheinlich aa lei fier de mäntschen, wo eh sowiaso ginua nötsch habm tuamt und de wo kaan gugge niet brauchn. jå, zum gugge, so ies des!
åba derwegn: da friehling ies då!

@räucherfisch: auftråg ausgführt. büldlen von da kreizn und von da omya seind untawäx nåch canadium.

iesn heit los ha? ålls noch in de tierggnfedan odawia? aufpaassn und låstz eich heit niet pflanzn am 1. apriel.
i wår schon fleißig, wår im drautål bei mein dock, hundsspaziergång sowiaso und sunst noch ållahånd erledigt.

bies späta nåacha.

01.04.2008 10:25:
fibile, bei deina mama werd bestiemmt ållas guat gehn, werst sehgn. noch dazua, wenn ma mia ålle die daumen druckn - då seimma jå schon eggsbärtn.

wenn man niamma schlåfn kånn, måcht man hålt sunst iergendan bleedsinn: håb i de neie fotoserie mit beinåhe hundert büldln "Flug nach Portoroz" a biessale kummentiert, damiet dass des enk beessa auskennen tuatz.

und: an guatn morgen und an scheenen tåg eich ålln!

håt er lei mehr a klaane blååtta unsriega wöltmaastascheffe (? und wås ies miet unserm wuhte?) kuhleyoppa. åba wenigstns a diecke portemohne.
i geh wieda printschlkråtzn und an kuffee dazua.
pfiateich, måchtzesguat.
werdz - und de wo eh sein: bleibz - xund, des hund.

@kuhleoppa: >>> "ruflo wo sicht ma ane bülda?" <<< in mein postkastl hihi.