Scheen långsåm tuat sich wås beim Weetta. Und leida nit gråd zum Bessern: Es kummen Wölklen daher. Und es werdn ållaweil mehr. Am Mittwoch soll a Kältewelle "einbrechn", sågg da ORF. Und i måg kaane Einbrecha niet. Schon går kaa Költn. Håt schon vur Jåhrzehntn im Radio aana "Åch die Költn!" gjammert und dazua gezittert. Mit da Zitha. I maan Theissl håt der ghaaßn odaso. Und Hermann.
Nåjå - wer kånns ändern? Neamd. Und des is guat so, sunst taatetn siech die Leit zwengs dem Weetta wohl aa noch zerstreitn und zerraafn. A jeda wüll wås ånders und vagunnt dem Nåchbårn nix.
Werdn mir hålt a Röckle ånziahgn und a Haubale aufsetzn, dånn werdn mir's schon ieberstehn. Oda a niet. Es kummt eh, so wias kummt.
Und i wientsch eich an scheenen Rest vom Wochnånfång und von dem, wia's weita geht.
Pfiateich bis båld wiieda amål. Und werds sehgn - so wia jede Wochn werd da Kuhle sei "Hupfarei" aa heit' ieberstehn und siech dahaam aans einekruschpln. Jå.
Und damit i's niet vagiess: I wientsch dem Lenale ållas Guate und druck ihrn die Daumen, åba werd schon wieda, werst sehgn. A so a Endoskopie ies jå niet es Schliemmste. I håb - von obm und von untn - bestimmt schon mehr als fuffzehne oda zwanzg ghåbt und leb ållaweil noch. Ungraut vageht hålt niet so schnell. Jå. | 
