bei uns ies traditziohn zua de fajatäg, dass ma mia uns von die kienda einlådn låssn. hihi. und am heilign åbnd gips wierschtln und krehn und aane semmln dazua. oda aane schienknstangalan oda schienknrolln oda sowås.

na, i låss beim sputzierngehn kaane patzlen fålln. nurmalaweis hålt niet. åba die rössa und de kiah. und auf gfurane rosskneedl fåhrt die sally åb. i maan, de maant, des seint triola schpeckchcknödl.

die fleischnudl wårnt suppa, so wia ållaweil hålt. und den vadauungsschnårcha håb i aa schon hienta mia.

>>> "ruflo! sehniele bettflucht, tua nit soooooooo schiach redn, mir sen rentna von beruf. kane senilen tattagreise ( noch nit)" <<< åntwurt: i wohl!

niex tuat regnen, sunne bleanggatzt.

mietzale und i gehn hiatztn zum nåchbår. heit gips friesche fleischnudl und sawagraut.
pfiateich bies nåchmiettåg.

06.12.2007 11:13:
dånkscheen fiern tipp miet abano, åba des ies leida niex fier mi. mei polyarthritis tritt schubweis auf und sowås taatet lei wieda ållaszsåmm so riechtig ånhaazn.

i wohl

sodala, wia des dådedå sehgtz, håt mi die sehniele pettflucht aus da kiestn ausagitriebn.
scheena tåg, a biessale kålt åba wolknlos und noch iemma kaa schnee in siecht. najå, mia brauchn jå kaan, und durt, wo se ihn brauchn, schiaßntze ihn eh mit kunohnen auf die leitnen aufe. und auf de berg drobm ies jå wohl ginua.

niggilaus und krampalen (scheene perchtnen!) håmma aa ieberståndn und da bartl håt mi niex in die buttn einegsteckt und mietgnummen. ies eh beessa so, hättet er tzimmliech zan schleppm ghåbt.

an wunderscheenen guatn morgen und an ånginehmen tåg wientsch i eich. i geh hiatztn kuffee trienkn und nåacha, wenn da mont und de sterndlen siech vazupfn und die sunne kummt, wer i miet da sally a runde drahn.

seas ållemietanånda.
seas kuh. gottzeidånk biest niet åbgsoffn in abano. wårs scheen?

fitt bien i aa niet. åba faul. z'erscht a vurståndsvasåmmlung beim seniornbund und hiatztn noch a bisuch bei unsara wiertin, de wo heit ihrn sechzga fajat und dånn noch a runde miet dem huntale - danke, ginug fier heit. i måg niet amål mehr wås jausnen - und des haaßt wås!

pfiateich und måchtzes guat. bies murgn. odawia.

@fibi: tua lei schlåfn, schlåfn ies xund. und wer schlåft, siendickt niet. so sågntze.

@pao lee: weetta ies recht scheen, sunne scheint, åba saukålt wårs in da fruah (najå, so schliemm wårs aa wieda niet, hålt um die -3°)
und des miet dem niggilaus ies bei uns a ålta brauch. vaånståltet da spurtvarein. die öltern, de die kienda ånmöldn, zåhln an klaanen betråg ein (5,-) und dafier kriagt jedes kiend vom niggilaus a sackle mit schoko-keks-nussn-undsoweita. und wennst bei da åbndvaånståltung a klaane freiwiellige spende fiern spurtvarein iebrig håst, kriagst tee oda glühmost und maroni, bies du ginua håst.

@larissa: jå, des stiemmt. und weil deine zweiglen siecha bliahn werdn, gratulier i da heite schon gånz hertzliech.... :-)))

an guatn morgen und an scheenen tåg wientsch i eich.

riachtz des niex? den dufft? so nåch lebkuchn und kekslen?
ajå - apfent ies då!
und heit miassn mia umbidinkt aane kerschbaamzweiglen einfrieschn. barbaratåg ies heit.

und murgn kummt fier unsare kreizna kienderlen da niggilaus im ponyschliettn. und der schliettn håt radlen, weil jå noch kaa schnee niet ies. derwegn ies da ponyschliettn jå aa a ponywaagale. und krampusslen und grauslieche perchtnen seind aa dabei. åba da niggilaus und die krampalen håmt kaane radlen.
am staber-parkplåtz gips a lågerfaja und haaße maroni und haaßn früchtetee fier die awåxenen und glühmost fier die kienderlen. oda umvakehrt. und a jeda poppa kriagt a sackhle miet klaane gischenke, wenn er (sie) a liadle siengen oda a gidichtle aufsågn kånn. und wenn er (sie) går niex kånn, måcht aa niex, kriagt er (sie) trutzdem wås.
lei i kriag niex, bien jå kaa poppa mehr, sundern schon an ålta kråcha.
völlig a ålta krampus.

so leitln, happahappa gips. z'miettåg seind a påår kneedl iebrig gibliebm, de wernt hiatztn aufgrestet. schmeckt ma, binåhe beessa als wia die frieschn kneedl miet sawagraut.

i wientsch eich noch an scheenen åbnd und måchtzes guat.
pfiateich und bleibz xund, des hund.

tolla bau. der rechts ies dei werk?

--- taatet i aa gern lesn ---

dånkscheen, chrischtele, suppa schmeckt des!

und von wegn schnee: ies schon wieda vurbai. håt nåch aana hålbn stund wieda aufgheart. z'miettåg ies es hella wurdn, die wolkn seind aufgriessn, die frau holle håt siech vazupft und hiatzt ies es wolknlos.. so a taamisches weetta, hearst. a ies eppa aprüll odawia?

hiatzt håb i die sally vom fenstabrettl åbagjågg, damiet dass i aa amål a biessale auseschaugn kånn. und wås siehg i?
es schneibt
die frau holle peitlt gånz scheen ihrige gultern aus, seind wölten groaße flocknen. lei weiß ies noch niex draußn, weil da bodn noch voll regnwåssa ies.

häppie biersdei tuu juu, häppie biersdei tuu juuuu, häppie biersdei, diar chrischtele, häppie biersdei tuuuujuuuuuuuuhuhuhu
und ållas guate, xund bleibm und ålle deine wientsch solln im näxtn jåhr in erfüllung gehn. åba ächt!!!

und ålln åndern: an guatn morgen, an scheenen wochnbiginn und måchtzes guat.

03.12.2007 07:48:
heite brauchn mia a biessale sunne im herzn, weil draußn regntz. kålt ies zwår niet gåraso, åba triab iesses. a vaspäteta nuvembatåg hålt.
die sally huckt am fenstabrett, schaugt ause und wüll niet so recht furt gehn, åba nutzt niex, unsa runde miaßn mia måchn. dabei måg jå i aa niet.