|
|
|
| ruflo am 06.06.2013 11:08 (vua 4192 Tåg) |
De blauen Blumen seind seeehr scheen, und es Feißpuck aa - wenn mans riechtig vawendet. Man derf hålt niet an jedn Schaaß eineschreibm. Da Schnecki måcht des schon richtig. Schaug lei eine, Kuhle. Vur lauta Ångst in die Hosn gschiessn mufflt aa. Und wia.
Wientsch eichan scheenen Tåg. |
| ruflo am 05.06.2013 09:46 (vua 4193 Tåg) |
An scheenen Tåg wientsch i eich.
Weetta ies niet so berauschend, åba wenigstns truckn.
Werd schon werdn - da Summa kummt schon noch. Siehalieh.
Und wenn niet: Kånnst aa niex måchn. |
| ruflo am 04.06.2013 07:27 (vua 4194 Tåg) |
I wientsch eich an guatn Morgen und an scheenen Tåg A biessale triab ies, åba valleicht werds jå noch.
Kuhle tua biettscheen es Rosale scheen griaßn. I wientsch ihr ållas Guate.
Schneck - deine Bülda seind a Wucht. Bei dera Katastrophe kånn man im Facebook niet "liken", des warat a Hohn fier de årmen Leit, de hiatzt so vül mitmåchn miassn. Und man kånn nur hoffn, dass des varruckte Weetta sich endlich ändert, damit da Schådn nit noch ärger werd. Liabe Griaß ins Allgäu!
|
| ruflo am 03.06.2013 06:27 (vua 4195 Tåg) |
An guatn Morgen, an scheenen Tåg und Wochnbiginn! @Kuhlatti: >>>" do worn olle spinnatn denen es daham zworm is.
olls wahnsinnige oba spurt is spurtnoral sogt ma jo sport is mord do is oba nix passiert."<<< Is hålt so auf da Wölt: Da aane haazt mit an Moppale den Erzberg åbe, aana taucht ohne Luftflåschn auf 200 m tiaf, a åndra stierzt sich in Kitz ieba die Streif oda in Planica ieber die Schånzn, aana werd von an änadschie-drink gsponsert, dass er ausm wöltraum åbahupft und wieda a åndra schliaft wia a Grottnolm in die Höhlnen umanånd --- so ies der Läben. So ies da Mäntsch. Des Mäntschen Wielle ies sei Hiemmlreich. Und: Jedem Tierchen sein Bläh-sierchen. Nudl.Andale, schaug, da Bello maant, er ies a Fert.www.flickr.com/photos/duellerfarm4.staticflickr.com/3820/8933590432_2b73debaec_h.jpg |
| ruflo am 02.06.2013 10:09 (vua 4196 Tåg) |
Jåjå, passt schon. Muaß jeda fier siech sölba entscheidn, wås er als "positiv" empfindet. An scheenen Sunntåg! Fier mi werd der a biessale stressig, åba vageht jå wohl aa. Und des ies aa positiv. |
| ruflo am 02.06.2013 07:18 (vua 4196 Tåg) |
Kuhle, denk ån des, wås du sölba sågst: Man muaß POSITIV denkn. Wennst kaa Radl håst, kånnst damit kaan Unfåll baun, kånns da kaana fladern, brauchst kaane Reparaturn zåhln, brauchst da kaan Sturzhölm kaafn, kriagst kaane Spåtzn, ...
Gachamål im Rollstuhl sietzn ies nit scheen, åba es gips Schlimmares. Solångst noch kruschpln, Tschick schmuggln und jedn Montåg Balletttånzn kånnst, und a liabe Maus håst, de eh ållas tuat fier di, is noch nit ållas valurn.
I als ålta Opa mit fåst åchtzg bin froh, dass i ohne Kruckn und Radln mit unsra Sally noch jedn Tåg mei Runde måchn kånn.
Und des wer' i hiatzt aa wieda tuan. Die Sunne låcht, da Summa kummt.
Und wennst amål in da Fruah munta werst und du gspierst (in unserm Ålta) kaan Wuwa, nåachan bist a Engale. Oda a klaana Beelzebua, jenåchdem.
I wientsch eich an guatn Morgen und an scheenen Sunntåg und ållas Guate. |
| ruflo am 01.06.2013 08:24 (vua 4197 Tåg) |
Brawo, Fibile, scheen dass d' wieda z'recht kummst.
Und es Weetta werd aa wieda. Es gibt wohl a Bauernregl "Wia es Wetta im April und Mai wår, so werds dånn es gånze Jåhr." Åba es muaß jå niet iemma ållas stiemmen. Wås solls? I wientsch eich an scheenen Juni und die Sunn soll fier eich scheinen, möglichst vierezwanzg Stundn am Tåg. Wenn geht. Wenn niet - Sunne im Herzn tuats aa.
Und an guatn Morgen und a wundabåres Wochnend wientsch i eich.
Pasta. Nudl.
Kuhle friess niet z'vül du ålta Kruschpla! |
| ruflo am 31.05.2013 20:05 (vua 4198 Tåg) |
Dass du heit Schülatreffn in Radnthein håst, håst uns jå wohl gestern aa xågg. Im Bonsaimuseum wår i aa schon. Hoffntlieh håst du kaan Banzai-Ångriff auf de årmen vakrieppltn Baamlen gmåcht. Weil nåachan hättetn sie di bestimmt auf Sommeregg in die eiserne Jungfrau gsteckt.
Vom Regnen håtz aufgheart und i såg hiatztn "Guate Nåcht". |
| ruflo am 31.05.2013 10:00 (vua 4198 Tåg) |
Håt giklåppt, magische Andrea. Passt ålles.
Nebl, Regn, 6° - Halleluhjah - da Hierbest fångt ån Ende Mai. Und du, - Frau Hollunda - untasteh di und du fångst ån deine Gultern zum ausbeitln. Åba nåachan wåx i und kriag an Wüld. Und Petrus - du Klachl, ålta Kompostie - wånn werst denn du in die Rente gehn? Mir brauchatn als Nåchfolga a neiche Wettafee. Åba biettscheen niet die Kummakrista, den Weettasturch ausm ORF, de låss lei durtn wo sie ies. De kennt siech in da geograpfieschn Låndkårtn jå niet aus. De zaagt ins Schwårze Meer und redet vom Neisiedlasee. Mir brauchn då obm an Metololologn, der siech auskennt und waaß, wås fier uns es Beste ies.
I bin hålt riechtig ångfressn (Kuahlattisch xågg "ångikruschplt") und wer' gaxt mei Wientamantele ausm Kastl ausaholn. Und es Bådehosale kummt ins Laadl hinein eine. Ies des die vülgepriesene Glimmererwärmung, ha?
Und wenn da Kuhle an bessern Weettabiriecht håt - weil in Wernberg ies sowiaso ållas ånders als wia bei uns in da Kreizn - nåachan werd er siech schon möldn oda aa niet. Mir reichts und i geh wieda schlåfn. Pasta. Nudl.
_________________________________________________________________
31.05.2013 10:04:
Andreale, tua lei schreibm wia dir der Schnåbl gwåxn ies. Mir vastehn di schon. Mir können sugår kuhlattisch redn. Hihi.
Herr Kuhlattnik: håst des niet mitkriagt, dass unsa Martin mit sein Schåtzale siech die Sunn in Mallorka aufs Wampale brennen låsst? Valleicht platschert åba durt aa lei da Regn von obm åba odaso.
|
|
|
|
|
