|
|
|
| ruflo am 02.01.2012 10:00 (vua 5248 Tåg) |
dånkscheen frounz, samma aana meinung.
und niet lei sky - aa die åndern guatn programme, de's gottzeidånk gibt (gratis): arte, ZDF neo, ZDF Info, 3-Sat, ARD eins extra, ARD eins plus, Eins Festival, DMAX, Servus-TV, die drittn programme von da ARD, info-senda wia z.b. N24 und so weita, und natierlich die SKY-programme. fier de man wohl zåhln muaß, åba von de man wenigstns eppes håt.
åba gschmäcka und waatschn sein hålt vaschiedn.
|
| Frounz am 02.01.2012 09:03 (vua 5248 Tåg) |
An wundascheenen Guat`n morgn in olle.Körpa laft wieda normal.Gestan bis 2 Nomittog gepfiffn untan Gulta.Und folls is noch nit gsog hon in olle a guates neijes Joar,gsund und zfriedn bleibn.Und mir sollt ma echt a Plattform gründen für boykottier ma den ORF und zohl ma gor nix mehr.Donn sperrnt-se uns olle ein.Und donn homma Vollpension mit SKY-Fernsehn und nit a so an billign Schaß. |
| ruflo am 02.01.2012 07:54 (vua 5248 Tåg) |
jåjå schnecki, håst schon recht.
also: tschuligunk ORFerl. wer' i niamma tuan. wår går niet scheen von mir.- wo du doch die gleichn serien bringst wia die priwatn, die gleichn åbgståndenen fülme wia die priwatn, lei ohne åbspånn hålt (weil fier den bleibt kaa zeit, wenn man werbn miassn tuat) - åba ies eh bessa so, dawert da fülm wenigstns niet so lång,
- wo du uns eh soooo guat imfurmiern tuast vurållm im ORF 1 miet pieppiepgåggåg (haaßt "zibfläsch"),
- wo deine weetta-schous in ORF zwaa a ächte schou sein tuamt, bsunders mit der frau wo riechitgaweise "kummer" haaßt, undsoweita undsoweita.
du måchst eh ållas ginau so, wia die werbefünanziertn priwatsenda. und aan eigenen spurtsenda håst uns aa beschert. es wichtigste vom spurt is wohl noch ållaweil im ORF hauptprogramm. åba "ORF suppasport" - oda wia des haaßt, - bedient "die sportlichn råndgruppmen" und beriechtet hålt ieber sowås, wås kaum aan intarissiert: schlatzkugelescheibm, tischfuaßbåll-pfitschigågerln und tåschnbiellard und sowås. also ächte und wiechtige imfurmatziohn.
nochamål: tschulige ORF. wo du uns so suppa imfurmirn tuast miet der tolln werbunk bies weit in die nåcht eine. årmes zet-de-eff, årme a-er-de, de hearn mit so aana imfurmatziohn schon um åchte auf d' nåcht auf.
då hättet i lei fråge: warum miaßn mir fier di zåhln, wo du uns eh den gleichn schaaß vursetzn tuast wia die priwatn?
an recht an guatn und xundn morgen wientsch i eich und an nettn, ånginehmen tåg!
02.01.2012 08:16:beißerle - gfrei mi mit dir und tua di guat erholn!
irmile - jå, ålltåg ... i wientsch dir an bsunders scheenen! |
| eisnbeissa am 02.01.2012 07:20 (vua 5248 Tåg) |
gmorgen ollesomm
i bleib no a wochn daham .... ;)
es bleibt in schef nix iwa - hota xogt .... ;)
soviel entgegnkummen is schon vadächtig !
also weri de aholung nutzn und des wadl wieda aufpumpm ... ;)
enk a an scheen zweitn zwatausndzwöf |
| Waldschneck am 01.01.2012 18:27 (vua 5249 Tåg) |
@ruflo, it sauer wern üban ORF. I erklär Da des mol: Des Dinner koscht a jeds Johr a Bissal meh. Und was se do alls auffahrn. A Suppn, an Fisch, a Hendl, Weißwein, Portwein....... - des ganze wird it billiga. Da isch des vom XXL - Lutz doch a feiner Zug daß er so a Völlerei subvenzioniert - oda? Dann wird durch so a Fress- und Sauforgie de Wirtschaft in Schwung brocht. Des heißt daß unsa Geld wida meh Wert wird. Und bevors untan Gulta geht sollt ma de Beißer au putzn. Und wia ma des macht werd in aufwändig produziertn Dokumentationen üba Zahnbürschtln und Mittale gezeigt. Durch des gibt`s wida a Einsparung bei de Kranknkassn, weil so Kassnbeißerle koschtn au an Haufn Geld. Also i find des a Sauerei daß Du so üba`n ORF schimpfsch wo se es doch so guat mit Eich meinen. Denk mol drüba noch. I bin sicha daß schpäta do herin a Entschuldigung schreibsch.  |
| coolati am 01.01.2012 10:46 (vua 5249 Tåg) |
gschmeggt hots sehr oba noacha gedruckt a sehr.
oba hiaza nix mehr. jui de sunn scheint schon volle.
konnn a schene johr wern? no hoffntlich. fir eich olle a!
01.01.2012 16:23:
i wor spoziern ungefähr so 200 meta mehr geht neama. wo sen de zeitn gebliebn wo i noch 10 stund am berg gongen bin? mt. canin wor, domols noch supa.
01.01.2012 17:35:
mir gehn noch heia wieda auf a bierle muss im neichn johr a sein.
ma terf da not kan schwung lossn. |
| ruflo am 01.01.2012 10:34 (vua 5249 Tåg) |
kuhle, wia man sågg ies wurscht, hauptsåch es schmeckt.
irmile - naa, brummschädl håb i kaan, åba a wuht im bauch, dass es ierger niamma geht. es neiche jåhr fångt also schon guat ån. i gifft mi sowås von iebern ORF, dass i des går niet sågn kånn. a sauarei, a bodnlose frechheit wås de siech alaubm tuamt. im aansaprogramm "wir sind kaiser" - nåch zehn minutn aus und schon wieda gips werbung. (nåch fuffzg oda mehr werbefülmlen seit viertlåchte)
werbung, werbung, werbung, ... und des am sülwesta-åbnd. sex- oda siebmmål des gleiche zåhnbierschtl- oda ixlutz-tiata. in an programm, fier des mir zåhln derfn - und går niet schmål. und wås dem fassl den bodn iens gsicht driescht: knåpp vur miettanåcht der fülm "dinner for one" und safurt drauf die "neiche" wersiohn von dem tolln fülm als werbunk fier ixixixlutz. wenn des lei iergendwia gehn taatet, sich von dem scheiß-(tschuligunk!)-ORF åbmöldn --- åba geht jå niet. de raubrietta wolln senare beute, sunst kriagst es miet da justizia zum tuan.
fier wås i mi aufreg waaß i niet, weil es werd eh niet beessa. im gegntum. die ORF-gebührn steign und die werbezeit werd aa noch a-u-s-g-e-d-e-h-n-t.
|
| coolati am 01.01.2012 10:08 (vua 5249 Tåg) |
in olle a guats neiches johr! und es soll so weitagehn wias olte aufghert hot. mit an glasl in da hond. maaaaa des wor wieda a knollarei fost nit zum ausholtn. da kota hot sich bei mir vasteckt. oba die sunn scheint schon weinxtens a bissale. 01.01.2012 10:11:wer sogt denn hackepeter, des is noch imma vaschmiertes! oda so.  |
| Irmi am 01.01.2012 09:02 (vua 5249 Tåg) |
Griaß enk, sodale jetz håbn ma schon wieda a neies Jåhr. Håbtz eppa an Brummschädl? I niet, håb guat gschlåfn. An scheenen Tåg wiensch i eich und ålls Guate im Jåhr 2012. |
| smokedinpeace am 01.01.2012 05:13 (vua 5249 Tåg) |
@ruflo serwas,wieda a jåhr is hinta uns,und die sehnsucht nåch karntn wert imma grosser (was soll das bedeuten)???? noch a stund bis 2012
@ COOLI hackepeter is kans mehr då mei dås håt ma bessa gschmeckt als mein lachs,zu de maroni brotn bin i nix dazuakuman, murgn bestimmt. glei hol i mein sekt und denk auf eich im scheenan karntnerlandl bis bold////
bonani. bon jorno, dobro jutro u.s.w. an scheenan neujåhrs tog eich miteinonda
es pfeiferle aus canada |
|
|
|
|
