ies eh da mazda die gånze zeit då, drei seitn lång schon.

maaa, håb i an grant... in ålla fruah schon siehgt man sowås då hariennen... des ies jå ierga als wia es URF-brugramm, hearst.

@wuhte : hülfe, scheffe, schaug da amål de mazda-werbung ån... då werst jå lei mehr taamisch. falleicht könnat ma doch so a årt "kennwort-eingabe" oda sowås bei uns einfiehrn? des ies jå ka gaude mehr. de degenen depperten spammer wernd jå bei uns noch gach den wöltmaasta vom erstn plåtz vadrängen odawia. wenn des so weita geht, wer i mi a biessale zruckhåltn, weil sunstn seimma då bei uns båld auf da seitn 3967

griaßeich ållezsåmm. munta seidz eh noch niet. åba wenns so weit sein werd, wientsch i eich an guatn morgen und an scheenen såmståg.

27.10.2007 07:32:
es mietzale und i, und siecha a ålle åndern fiellaha-nett-fäns, mia denkn so vül ån unsa irmele. diandle, wia gehtzdadenn ha? unsa daumenhåltn muaß jå aanfåch wås nutzn. kumm wieda amål eina då zu uns und såg uns bischeid.
ålle unsare guatn wientsch seind bei dia.

nåchtråg: guat nåcht, guat nåcht sch... iens bett dass lei kråcht (o-ton motz art)

wöltmaasta, schreib eine "rauraggele". und sumpfdaggele gips aa.

warat schon beessa fier di, wenn da es lenale vurkojen taatet.
i låss ållaweil z'erscht es mietzale zabeißn und dånn håb i kaane brupläme beim weitakojen.
die sally taatet aa gern hölfnen, åba des ies ma dechta zvül.

26.10.2007 18:19:
gschälte sonnenblumenkern? nåjå, bei uns liegn hålt ieberåll die schäla umanånda, die sally trågt sie miet ihre pfotnen eina iens haus und wenn i mi untern gulter schleich, seind durtn garantirt aa noch a påår.
dabei håb i går kaane fegl im beett. lei de sally, de huckt drien wenn i niet aufpassn tua.
wer nie sein brot im betta aß, weiß nicht wie brösel pieken.

26.10.2007 18:28:
soudälä, mei teim ies ouwer änd ai gou änd häf mei lantsch oda dinna ohr wåswaaßi.
pfütetz eich bies murgn. falleicht. bleibz xund, des hund und måchtzes guat.
sretschnotschauaddiobyebye låffga notsch.

und gachamål håmt de groanalen wolpertingerische ausmåße, wennst senen z'vül girasole-kerndlen fuattast

wenn ich zwei fliiiiiegel hätt - flög ich zu diiiiiiir....

greanfinknen. okeh?

@kuh: wo se ies? jå, wenn se lara haaßet, taatet i sågn in sübürien. åba so... werd schon kummen, werst sehgn.

jå, frounz, ginau. i hån aa so an klafurza båhnhof aufghenkt. kummen a schon de groanalan, de gimpl undsoweita und de hund måchn an miest.... schaudabår! ålls volla sonnenbluamenkernhülsnen.

ingottzwülln, chrischtele, des gfreit mi, dass du gliecklich biest.

sodala, bin wieda då. jå maanst falleicht, i bin niet bleed odawia, dass i då bei dem sauweetta draußn umakraln wer'?
amål "hoch das bein die liebe winkt" und a frankfurtale (ohne sempf!) drauf und paasst. den rest kånn se im gårtn erledign, die sally. und zur not hån i jå mein' mietzale a schaufale gikaaft....

26.10.2007 16:41:
aa lackle ies z'wenig. wårt lei kuh, wenn du amål de degenen furodingsdå, de pienkltablettnen, einnehmen muaßt,... werst sehgn, då kånn da wåld går niet ginua baama håbm zum zuawestehn....

nåchtråg: mei mietzale maant, des "da herrgott håt gsungen, wia er's landle håt gmåcht" des steht in an kärntna liadlen drien

aua, sally, bleeds luada, i geh eeh schon.....

kommando zruck - nix sally - i låss z'erst a mähl ån unsa tochta los. aans von den enkalen kennt des siecha

26.10.2007 16:04:

Unser Landle.

Der Herrgott håt glocht,
wie er's Landle håt gmåcht,
håt si selber recht gwundert
über går so viel Pråcht.

Då seint Wiesn und Felder
und Wåld-weite Strich
Brave Leut, liabe Örtlan
guate ålbm, schöns Viech,

und mittn im Gårtn
zwa See, a feins påår
wie vom Herrgott die Augn
so blau und so klår.

und ringsum drei Hauptstädt
dö seint wia drei Stern
A neue, a ålte
und ane kunnt's wern.

Dö neue is Klågenfurt,
dö ålte St. Veit
dö dritte is Villach
wia dås wåchst, is a Freid.

Dö ane is größer
dö åndern mehr klan
dö Sege håt an Lindwurm
dö åndern håmt kan.

Kennst wohl unser Wåppn?
Drei Löwn seint drin
mit schreckliche Tåtzn
gehnt se dahin.

Weiß - Rot unsre Fårbn
wia gfreit si mei Herz
Weiß - Rot blüaht der Hadn
I riach schon den Sterz.

Und dås Karntnerische Liad
is bekånnt die Welt aus
und der is ka Karntner
der nit singt und nit jauzt.

Wir håltn föst zsåmm,
unsre Klåmmern seint Ståhl
D'r Karntnarischen Hamat
bleib mer treu ållemål. .....


26.10.2007 16:07:
i maan, des isses. unsa enkale, de isabella håtz fiern 10. oktoba auswendig lernen miaß´n.
åba hiatzt bien i furt, bivur ma die sally untern schreibtiesch einewieschlt.

maa, kuh, du ålta saupartl du, hiatzt bien i går schon a klunzige heenn, wårt lei wenn i di trieff, werst sehg, wia schnöll i noch davonlaafn kånn...

åba nutzt niex - i muaß miet da sally ause gehn, sunstn pieslt se ma då aufn hax aufe. åba werd niet so lång dauern, bei dem sauweetta (und die jaaga seind aa noch untawex...)

Primus Lessiak: Unsa Landle

Da Herrgott håt glåcht
wia er's Landle håt gmåcht
håt sich sölba recht gwundert
über går so vül Pråcht ...

wia xågt: werd schon....

jå frounz, da ålte spittala biergamasta hellmuth drewes - oda sei frau (gerlinde?) de kennen des gedichtle garantirt. åba i bien aa nåh drån und hoff, i wer's gaxt fiendn. lei a biessale giduld.
då steht a wås von de seen drien "wia die augn vom herrgott, so hell und so klår"
"und riengsum drei hauptstädt, de seind wia drei stern, a ålte, a neie und aane könnts werd'n, die neie ies klågnfurt, die ålte sankt veit und die driette ies villach, wia des wåchst ies a freid...."
so ännlich iergendawia håt siech bei mia då noch wås in aana grauen wiendung vasteckt. wånn i's lei ausadakletzln könnet.... åba i wer' suachn und falleicht fiend i's aa. ålsdånn: lei a biessalae giduld, bittscheen.........