todl (niet du, der jonsf)

.... und du werst di jå wohl aa niet lumpm låssn odawia.
pass lei auf, dass d' niet haamkummst wia a durchsiechtiga grottnolm. haha.

@irmi: i waaß niet, ob niet am end die e(ä)ltern gstråft ghearatn, åba so wias in de maastn familjen ausschaugt - ies eh schon ållas z'spåt.

@kuh: bierle zwieckn --- warat schon scheen, åba i waaß aa niex ginaueres.
haja håmtze de hailända-gems in klafurz bei da schleppe, då fåhr i niet åbe. ies ma z'weit. und danåch womöglich miet an tegl haamfåhrn, na danke. dafier håb i mei papierle går z'gern....

genau, dees ies es: aanige von uns hättn's wåhrscheinlich aa gitån, wenns uns so guat gången war und mia es göld dazua ghåbt hättn. und ålle von "die jungen" tuans jå aa niet, seind jå lei a påår, de "die jugend von heite" schlecht måchn.
pars pro toto oda so iergendwia håmt die åltn költn schon xågt. oda wårn's de kriechn? eh wurscht.
und vül ånders wår's zu dera zeit, wo ma mia noch tinätscha wårn, jå aa niet. siehg i noch die åltn weiblan umahuckn und jaammern "jåjå, die jugend von heite, wås soll aus de noch werdn..."

hahaha, irmi, lei miet da ruhe.... denk drån: "ein pischen schpaaaßmusssein..."
åba der kånn jå a zweites liad aa noch, ies iergendwås von an kaschpaletiata. aa na, von an puppmschpüler maan i.

24.06.2007 09:26:
a jå, håb i zum temma christabel vageessn sågn: dersebm wår die kreizn fier a wochn oda so niet in kärntn, sondern im schwårzwåld, durt hin ies nämmlich da christabel ihr månn ausm kazett gfliechtet und håt sich im wåld vasteckt.
hihi, wås die bibisie ållas kånn...
und da påhnhof in sanktstefangail wår die eisnpåhnstatzijohn von kreizn im schwårzwåld.
dass se in budapest die berlina szenen gidraht håbm, ies eh klår, weil so vül untaschied ies (fier de engerling) zwieschn de zwaa städt eeh niet.

guatn morgen, seas, gehtzeichguat?
so, "wettendass" håmma aa ieberståndn. wår åba eh niet so schlecht.

håbtz des gwusst, dass aane von de gestriegn stargäst, die liz hurley, in da kreizn an fülm gidraht håt? des wår a dreiteilige BBC- Serie iebers missglückte hitler-attentat vom juni 1944.
då håt sie die hauptrolln als "Christabel" (so håt aa die serie ghaaßn) gspült, a engländarin, de aan am attentat biteiligtn deitschn offizier gheiratet håt.
då ies es rund gången bei uns. ies ålles fier den fülm "umgibaut" wurdn, die asphaltstråßn håmtze miet schotta zuagedeckt, de leitschienen mit holz vaplånkt und im gråbm, beim ehemålign gåsthaus bräu (koschier) håmtze als kulissn a gåntzes haus aufgibaut (dås ma mia von da kreizna fajawehr nåacha niedaglåssn håbm, haha).
lauta ålte armeefåhrzeig seind bei uns uma gfåhrn, sogår a pånza und a ohriginal-spitfire håmtze a påårmål durchn koflachgråbm ausagjågt.
und die "echte" christabel und ihr månn wårnt bei de drehårbeitn aa dabei, damiet de niet z'vül bleedsinn dazähln tuamt.
i håb a bandl von da BBC mit de drei ohriginalfülme kriagt, åba im orf oda im deitschn fernsehen ies de serie, sov ül i waaß, leida noch nia glooffn.

so, i wer' mi hiatzt vatschüssln. bleibtz scheen praf und ånständik und måchtzes guat.
pfiateich bies murgn odawia.

da schneck håt a karirtes.

(häusle)

aaa, kuh, du håst schon a lumpalepuncktzion ghåbt?

@irmi: wenn de ma den hansee in kopfheara einefülln tuamt, nåacha jaul i soooo laut miet, dass da dockta maant, da kreitzstiech nutzt niex und mia tuat wås weh.

23.06.2007 17:41:
apopo kreitzstiech: de åltn weiblen håmt des guat gekönnt. håmtze gåntz scheene tieschdecknen und bettwäsch und sette zeigs gistickt. måchntze maan i im heimatwerk aa noch.

naaa, haiwei tuu häll auf kaan fåll. gåxt fåhr i då ächt åbe.

des miet dem hearn ies mia wurscht, i bien eeh terrisch. hauptsåch es haut nåacha hien.

waaßt, wo ma so klaasse botoxgsiechta sehgn kånn, de wo kaa minne vaziehgn tuamt: im kaschpaletiata. gåntz iegal, wås da petzi oda die gretl oda da schiendarm sågn tuamt - de schaugnt ållaweil gleich in de gegnd. und es grukodiel kånn aa lei es maul aufreißn und sunstn niex.
i waaß niet, mia taugt des niet. siecha bien i schon z'ålt dafier fier des kaschpaletiata. i bien mehr fier nattuhr und wenn siech a gsiecht seine fåltnen ährlich im lauf der jåhrzähnte vadeant håt, nåacha soll sichs de a bihåltn und stoltz drauf sein. odawia.

23.06.2007 16:34:
heee, kuh, maa du biest aana - sülükonlumpale - auf wås du ålles kummst. hihi.

und - jå, tüttanknia wer i falleicht aa gaxt brauchn. åba des ies jå niex zwengs da scheenheit, des ies lei zwengs da haatscharei.

jå, håb i hiatztn a påår gåntz ålte fotigrapfien von mia ångschaugt. då schaug i niet lei jienga, sondern aa noch vül bleedara aus.
ies jå a grausliecha kråmpf auf dera wölt. jienga werdn mia niet (mia lötta, die weiberlen schon, de låssnt siech sugår unnötige teile weckschniepsln oda fählende teile ergentzn beim gierurgn, zum beispül tuttelen und lüppelen und so, oda da dockta spritzt an botox oda biton odawiadeshaaßt in gsiechtle, damiet starre werd wia fåschingslårvn undsoweita und nåacha seind se jung).

bei uns geht des niet. stöll da vur, du taatest da aane sülükon-tuttelen oda sülükon-lüppelen zuawepfåggern låssn ---- hihi ---- maanst eppa des warat scheen?

naa. bei uns lötta geht des niet. mia werma autemattisch ållaweil öltara, åba dafier aa autemattisch ålleweil scheenara ohne gierurgie. und reifara. und månchmål sugår ieberreif.

jååå, die åltn zeitnen..... ies da schon aufgfålln, kuh, dass ma ausgrechnet auf ålte bülda vül jiengara ausschaugt? sowås kommisches, naaa....

23.06.2007 15:25:
bien gråd miet da sally von unsrigem zweitn sputzirgång hientakummen. håt niex gregnt.

sunne kummt wieda a biessale ausa.
bin schon aufm sprung - mietzale kocht heit tåflspietz-riennfleisch und krennsoß mit gröstete ertäpfl. - muaß laafn, essen ies schon aufm tiesch. pfiatdi. måhlzeit.