|
|
|
| ruflo am 13.05.2013 09:57 (vua 4215 Tåg) |
hupf lei scheen und vagiess dei ballettröckle niet, es tütü. und bleib scheen im takt, damit dass dir nåachan dei lenale eppes gscheits kruschplt. |
| ruflo am 13.05.2013 09:14 (vua 4215 Tåg) |
wientsch eich an scheenen tåg bei enkerem ausflug. die rheinfälle seind a wucht, mir wårn vur a påår jåhr durt und i hear's heit noch rauschn.  |
| ruflo am 12.05.2013 09:05 (vua 4216 Tåg) |
måhlzeit! na hearst, des werd "kruschpln" (taatet da kuhle sågn). 8 nudln ... uiii!
und hiatzt traut siech die sunne ausa. valleicht werds scheen.
i såg pfiateich fier heit', weil mir seind in villach bei unsre kinda und enkalan einglådn. |
| ruflo am 10.05.2013 20:07 (vua 4218 Tåg) |
und, herr brufesa, wia kånn i meine fårbfotos mit an schwarz-weiß-läsadrucka fårbig ausdruckn, wenn i nit mit photoshop zeichnungen måchn wüll? gips då aufm drucka a eigenes knopfale dafier fier ausnåhmefälle? oda soll i sie mit an pemsl ånmåln die fotos? und brauch i då nåachan öl- oda akrül- oda guasch- oda akwarellfårbmen dazua? pastell taugt mir niet so. und wås måch i, wenn i wås zum kopiern oda einskännen håb? i maan i bleib bei mein åltn drucka, noch dazua wo i hiatzt eh wieda fårbpatrohnen driennen håb.
jå und då is noch wås: mir fajern muattatåg erst am sunntåg und niet schon murgn. und dabei bleibm mir. aa wenn du a taagknetundschneeschlågundajaschaumigriehrmaschin dahaam håst.
nudl.
wientsch eich a guats nachtle. |
| ruflo am 10.05.2013 16:30 (vua 4218 Tåg) |
mir håbm heit' in villach "gekruschplt". gregnt håts nix, scheen wårs aa nit gåraso. so durchwåxn hålt.
_______________________________________________________
i sågs eich, då is wås faul im staate estarreich: håb heit fier mein drucka an såtz neiche fårbpatronen gekaaft und wås soll i sågn: i bin fåst aufn åasch gfålln. i hätt aanige eiro weniga gezåhlt, wenn i mein "åltn" (1 jåhr ålt!!!) fårbspritza weckgschmiessn und mir an "neichn" kumplettn drucka von da bielligsurtn gekaaft hättet. laaft so die wirtschåft heitigntågs? då laaft doch wås vakehrt odawia?
und nåchbaupatronen kaafn oda auffülln låssn, des funzt nit, weil mei drucka zu mia sågg "Farbpatrone nicht erkannt".
und kuhle - bivur i an guatn råtschlåg kriag: mei printa ies ka ångibissena åpfl (fålls es de ieberhaupts gips) und aa ka billigs glumpp sundern a "all-in-one" von epson. seit i mit pecehs årbeit - und des is jåhrzehnte da fåll, (i håb als erstn drucka noch an nådla ghåbt, der so laut gsaglt håt, dass d' dei eigenes wurt nit vaståndn håst wenn der am werkln wår) - also seit i mit kommbutter årbeit, håb i immer drucker von der firma ghåbt. und z'friedn wår i aa ållaweil. bei de tintnpreise kånnst dir es druckn fåst niamma leistn.
i wer' in hinkunft lei mehr mei mitzale druckn und sunst nix. und råtschläge brauch i kaane, weil då bin i sölba eggsbärte.
nudl. |
| ruflo am 10.05.2013 07:00 (vua 4218 Tåg) |
jå, genau, martin, die eismannkalan und die sophie mitm kåltn åasch seind wåhrscheinlieh a biessale frieher då. es håt lei 11°, åba bewölkt ies es niet gåraso. vielleicht werds jå heit scheen und mir kriagn temparatuhrn wia se da kuhle gestern schon ghåbt håt. die hoffnung stirbt zum schluss.
i muaß heit mit mein mitzale nåch villach zum vaschönarungsvarein (friseer)und des werd dauern. derwegn haaßt des aa dauerwellen.
an guatn morgen und an scheenen freitåg wientsch i eich. |
| ruflo am 08.05.2013 16:10 (vua 4220 Tåg) |
naa, schwul ies es bei uns nit. es is a richtig scheena frühlingståg wurdn. in da nåcht håts fest gregnt, und in da fruah noch a biessale. åba hiatzt scheint die sunn. |
| ruflo am 08.05.2013 14:15 (vua 4220 Tåg) |
goottzwülln, kuhle, ies dei brülln aa vom ångebiessenen äpfl odawia? kaaf da a neiche, weil lesn muaß man schon können. es fibile fåhrt auf urlaub nåch L U X E M B U R G und håt kaa blåsnentzindung. tststs.
und i wår heit' in villach, derwegn kumm i erst hiatzt dazua, dass i eich an scheenen tåg wientsch.
dem fibile wientsch i an nettn aufenthålt in luxemburg und de am faakersee solln tuan wia se maanen. und ånschliaßend in reifnitz - werd aa wieda vagehn. nudl. |
| ruflo am 07.05.2013 07:39 (vua 4221 Tåg) |
es grås schiaßt, die baama schlågn aus - is a gfährliche zeit. lei ans stiemmt heit nit: die sunne sticht heit nit. de håt sich hinta dicke wolknen vasteckt und: ES REGNET!
i wintsch eich trotzdem an sunnign tåg. |
| ruflo am 06.05.2013 07:53 (vua 4222 Tåg) |
@schneck: komischa maibaama, jå, åba leicht zum aufekraxln. der aufm büld håt jå völlig stapfln wia a laata...
scheene büldln håst wieda im fatschepuck.
"mairegen bringt segen" sågn die åltn leitln und hoffntliech håmtze recht. weil heit in da nåcht håtz gregnt wia da teixl und hiatzt in da fruah taudlts aa noch a biessale åba. werd valleicht derwegn a scheena tåg - wer waaß. i wientsch eich des jednfålls und an guatn morgen aa noch dazua.
i wer' mit da hunderunde noch a biessale zuawårtn, valleicht hearts jå auf miet'm hiemmlsgeplärr. wer' i z'erst aufs lånd ause fåhrn und a biessale von meina rente vaplempern, damit dass mir nit vahungern tuamt, es mitzale, die sally (und da bello) und i...
schåd, dass i kaa bulüdika bien, då könnetn mir lebm wia "gott in frankreich" odaso. åba muaß jå niet sein, i hån eh kaa freid mit froschhaxn, schnecknen und lebabasthete von gstopfe gansln.
und da gohlt-milloh und da paul bocuse seind mir extrawurscht. nudl. |
|
|
|
|
