murrgähn. bin schon wieda då. morgenrunde mit sally und einkaafn in feistritz erledigt.
wetta: a biessele bineeblt, åba trockn. hålt so a biessele durchwåxn

23.02.2007 09:59:
falleicht kummt des daher, dass ma mia hiatztn niamma im sonnenlånd kärntn, sondarn im freistååt kärntn lebm. hiatzt waht a åndara wiend. oda a niet, wåswaaßi.

23.02.2007 10:03:
hiatztn håtz in chrischtele sei katale wåhrscheinliech aa iberschtåndn. kumment jå båld die ostarn då wernt ålle gåggalan gibraucht, wernt gikocht und gfierbtl. kuhley, wohin wern ma denn mia zwaa fliechtn, dass se uns niet dawieschn tuamt?

seas, håt heite a biessele gidauat. åba mia wårn untawäx. und hiatzt geh i aa wieda. bies murgn, pfiateich.
seas rennstana, scheen dass du aa wieda amål då wårst.

du, ernstl, des miet dem wo du auf die fottos åbzieschn tuast ies maan i ka zuschnucki, des ies siecha a fliega. falleicht a matursegla, so a årt super-dimona.

22.02.2007 09:27:
kuh, reiß di zsåmm, frieß niet z'vül, hearst!

kommisch - liacht ies aus und derwegn ies es so höll? a jå, falleicht derwegn, weil die sunne scheinen tuat.

seidz guat iebern åschamiettwoch kummen? kaana ån aana graatn daschtieckt? nåacha ies guat.

an scheenen tåg eich ålln ausm "freistååt kärntn" (den wo da - wia haaßt er? - im allaangång bischlossn håt.) ob ma eppa a neiche werrung aa kriagn werdn?

falleicht den tolar, de slowenen seind furtschriettlich, de brauchn den eh niamma, falleicht vakaafnt se ihn uns.

und wia werd des hiatztn nåacha werdn, wenn de leit, de hund, de klaanen zusåtztafelen da reihe nåch fladern tuamt, wo unsriega pooss auf de greaßaren urtztåfln aufeschraufm wüll?

könnet ma eigentliech aa mit an fülza händisch aufeschreibm, tatet bielliga kummen des gåntze tiata, als wia ållaweil neiche tafelen måln låssn.

könnet der, dem die zwaaspråchige bizeichnung niet passn tuat, anfåch wecklöschn und der, wo se håbm wüll schreibt wieda aufe.

brauchat ma lei zu jeda urtztåfl miet an schnierle an fülza dazuahängen. und a fetzale zan llöschn, schon passt.

und wås da vawåltungsgiriechtshoff sågn tuat, ies in aanige von uns kärntna eh wurscht. noch dazua, wo ma hiatztn a freistååt sein tuamt. mia seimma mia!

und aans von de gisetze im freistååt kärntn werd haaßn: "jeda terf tuan wås er wüll, und des, wås de in wean bischliaßn, geht uns an ajaschaaß ån."

es läbe da fåsching - es gåntze jåhr, aa in da fåstnzeit.
pasta. nudl.

åba derwegn: kuh, frieß niet z'vül, sunst kriagst an wåmpm und tuast da schwar bei dein hupfapalett.

22.02.2007 09:10:
seas ernstl, scheen, dass d' aa då biest, gfreit uns und kumm lei oft und båld wieda.

22.02.2007 09:15:
maa, hund, heee, håst du a klaasse hommpeitsch, hearst! und wås ies denn des wås bei dein büldl auf dein plutza sietzn tuat, ha? ies des a ächta rennwega tatschga?

griaßeich pfiateich i tua heite fåstn.

>>> "Und da Dudlsack in Bayern..." <<< na, der niet, der ies auf da gåntzn wölt vabreitet.
tuttlsäck gips ieberåll. fuchzg bruzent binåhe von da wöltbivölkarunk håt sowås und des sein bistiemmt anige tausnd leit.

a schnecki, du måxt schniettn? eh niet schlächt.

@kuh: i håb da schon gestern xågt, dass i nåacha fåstn tua, wenn da kühlschrånk binåhe laar ies. a maanst falleicht, i wer hiatztn bies ostan lei schpinat und so a glumpp fressn? då wer i jå krånk und grean und fåll vom fleisch.
sogår die muhammedana tuamt im rammatama odaawiaderhaaßt lei fåstn, bies die sunne schlåfn geht. und nåacha holntze ållas nåch, wås se vurher vasaamt håbm tuamt. odawiadesies.

20.02.2007 18:20:
von wegn floh im ohr --- de gåntzn fleh, de wo der uns schon in die uhrwatscheln gisätzt håt, de sollnt nåch klafurz hupfn und ihn sölba beißn. hihi, då taatet i åba gilåcht!

20.02.2007 18:22:
ginug gitschentscht. i geh. fiatetzeich und bleibz scheen praf. sunstn holt eich da teixl.

wåhrscheinlich ies bei uns vül z'wiendig fier die schottn. treibtz senen ållaweil es kiettele in die höh. åba a påår håmma jå wohl und ausademm ies da kült jå eh in kärntn erfundn wurdn. sågntze.

a wohl, då isserjå.
i hån mi schon unterm gulta vaschteckn wolln und mi schåmen, dass i a kärntna bin.
waaßt du, wås då nåacha im freistååt kärntn passiern werd, wo's kaane zwaaschpråchign urtztåfln niet gebm werd, in settene gegend, wo zum beispül tschinowitsch oda gottschuchn oda atschalas oda soawia haaßn tuamt? wia wernt denn dee umgitaaft werdn? und wås passiert miet de hundertn kärntna urtståfln, wo de nåmen auf slawische wurtzln zruckgehn tuamt? wernt de germanisirt und gips nåacha ka feistritz, töplitsch, undsoweita mehr?
es läbe das vereinigte europa mit åll der språchn- und völkavielfålt, es läbe der einsprachige freistaat kärnten mit all seiner einfalt.

jå kuh...........ley, kaaf da lei aane ånständign rotzzöttlan.
i hån amål a so a glumpp ghåbt, då håst amål so riechtig einegepfnaust und schon håst die gånze bischärung in da hånd ghåbt.
des ies lei guat, wenn man gråd jausnen tuat, weil nåacha brauchst weniga streichkaas.

20.02.2007 16:30:
a håst schon gheart, kuh, murgn wernt unsriege obafåschingnårrn den "freistaat kärnten" ausruafn. a sowås, na i kriag mi niamma. dabei ies murgn åschamiettwoch und da fåsching vurbei. åba bei uns, vurållm då druntn, ies wåhrscheinlich eh es gånze jåhr fåsching.
wern ma mia a freistååt, sowia bajern. a maanst muaß i nåacha aa weißwierscht fressn oda wer i sunstn ausgibürgert? zwengsn bier wars jå niet, des taatet i schon dapåckn. åba des zuzzlglumpp, hearst, na, då bin i jå hiatztn schon ångfressn.

20.02.2007 16:35:
åba åndrignseitz gips nåacha falleicht jedes jåhr in klafurz a ocktobafäst, wo a jeda tschriesche miet seina tschåldara mit ana mååß dem erfienda von der degenen spiennarei zuaprostn können tuat. warat jå aa wieda a gaude.

20.02.2007 16:37:
wo biest denn hiatztn, kuh? hiatzt såxt niexodawia? najå, bei de degenen idäen, wo aanige "kärntna" håbm tuamt, bleibt mia aa oftamål die schpucke weck.

seas chrischtele. wår åba lei a kurza uhrlaup odawia? gehtzeichguat?
seas ålle åndriegn. ies a kfährlicha tåg heite. haufnweis nårrn untawex. åba i bleib dahaam. pfiateich bis nåchmittåg

des wert sein. tua bittscheen ålle scheen griaßn von mia und vom mietzale, weil i geh hiatztn jausnen. des ies des wo du brotzeit dazua sågn tuast. åba ies eh fåst es gleiche, lei dass ma mia kaane weißwierscht håbm tuamt, weil ma mia de gohndomme fier wås åndrieges brauchn.
seas schneck und seas die åndern, pfiateich und bleibz - werz - xund, des hund.

jå, so isses. des waaß a jeda aus eigina erfarrung.

19.02.2007 18:09:
kuh, wiaso biest denn hiatztn a so leisig? håt die die imflunentza untan gulta einegedruckt oda biest von sölba vaschlofn? (schliefen schloff geschlofen, wertabuach!!!)

fleischklose zeit ies bei mir lei nåacha, wenn mia ka fleisch niet dahaam håbm

19.02.2007 18:01:
im brintziep hülft schon, lei in da bracksis,.. - då håb i meine zweifl.

19.02.2007 18:03:
... weil bei uns ålte taggln ies ållas schon valurn, ausa hopfm und målts. des hülft und schmäckt.

19.02.2007 18:05:
des ies fier uns die richtige mädi ziehn

du kuh, nimm gegn dei gerippe am bestn a antiidiotikum - oda wia des haaßt

so, i geh hiatztn mein mietzale a biessl gisöllschåft leistn. de årme haute huckt gånz allaanig vurm tiwi. und fier die linie muaß i aa wås tuan. håmma noch a braatl von z'miettåg. des werd hiatztn gånz kålt vadruckt. mit sempf.

pfiateich, seas, bleibz sauba und xund - betzihungswaise wertz des, des hund.