|
|
|
| ruflo am 05.03.2013 07:37 (vua 4285 Tåg) |
pfeiferle, i håb eh probiert, a stieckle åbaschneidn, åba außa an kråtza am monitor ies niex passiert. so wia se ausschaugt, ies dei turtn siehalieh a wucht. schickest hålt aane per post her - håst eh zwaa.
liabe griaß nåch kanada, natierlieh aa ån erika und fiam.
sågnt aanige ewiggestriege, dass schon wieda a sunne vom hiemml gfålln ies bei uns in kärntn. naa, stiemmt auf kaan fåll, des wår lei a sternschnuppm. wenns hålt so riechtig fiensta ies, schaugg aa a klaans liachtle wia a groaßa scheinwerfa aus.
und die echte sunne siehg i schon hienterm åltnberg aufakraln. wolknlos ies es und noch a biessale friesch. åba lei giduld, es werd schon. da auswårt kummt, aa bei uns in kärntn.
i wientsch eich an wunderscheenen tåg und såg pfiateich bis murgn, weil heit fåhr i furt und bin derwegn nix dahaam. |
| ruflo am 04.03.2013 07:36 (vua 4286 Tåg) |
scheens weetta håmma, biessale kålt ies noch - åba des werd schon.
an guatn morgen wientsch i eich und an wunderbårn tåg, und a erfolgreiche neiche wochn aa noch dazua |
| ruflo am 03.03.2013 18:38 (vua 4287 Tåg) |
sodala - i hoff', nåch der wåhl werd "unser kärnten" wieda unsa kärntn. nudl.
heit' hättet unsa irmile geburtståg ghåbt. engale, mir håmma fest ån di gidenkt, und a liachtle brennt fier di im laterndle vur da haustier.
|
| ruflo am 02.03.2013 18:17 (vua 4288 Tåg) |
ins lånd da kirschblieten: ållas guate zum geburtståg!!!
03.03.2013 09:59:
suppaweetta, wolknlos, wohl noch a biessale friesch - åba des werd schon.
bei die kreizlschreiba wår i aa schon und håb mei "stååtsbiergapfliecht" erfüllt.
i wientsch eich an guatn morgen und an wundabårn tåg. |
| ruflo am 02.03.2013 07:59 (vua 4288 Tåg) |
an guatn morgen und a scheens wochnend wientsch i eich.
daweil amål is es bei uns nit går so scheen, es schleicht da nebl durch die gegend - åba werd schon werdn. håt uns jå da ORF vasprochn. und wås man vasspricht, muaß man aa håltn. |
| ruflo am 01.03.2013 15:54 (vua 4289 Tåg) |
i håb jå ka terasse und låss die kirchn im dorf (damit se da påpst glei findet, wenn er sie suacht) und såg eich: mir håbm 5,9° plus und des is jå aa gånz scheen, wenn draußn noch 50 cm schnee liegn. |
| ruflo am 01.03.2013 11:11 (vua 4289 Tåg) |
an guatn morgen, an scheenen freitåg (wochnend!!!) und an göldreichn monatsbeginn eich ålln.
bin heit' a biessale spåt, åba i håb schon ållahånd aledigt. jå. |
| ruflo am 28.02.2013 08:30 (vua 4290 Tåg) |
ållas guate, martin, zum schwiegamuattatåg und liabe griaß nåch fahrradelberg.
und ålln åndern aa ållas guate, an guatn morgen und an scheenen tåg.
es werd würmer. |
| ruflo am 27.02.2013 07:41 (vua 4291 Tåg) |
jå, pfeiferle, es is a gfrett, wia uns die großn und klaan firmen hintn und vurn betackln. ållas guat, wås an haufn göld bringt. und richtig gemein, wås sich då åbspült: kaaft a deitscha konzern unser firma pago, sperrt den betrieb in klafu zua, setzt die årmen årbeita auf die stråßn und produziert in südeuropa weita, weils durt billiga is. i waaß genau, i brauch kaa pago mehr.
wenn i in kanadium lebm taatet, taatet i lei deine bio-produkte kaafn, åba geht hålt niet so guat.
i wientsch dir und dein weiblen a guate nåcht.
endlich schaugts aus, dass mit da schneibarei a end håt, und würmer ies es aa a biessale wurdn. håt in da fruah +1° und is wohl noch bewölkt - åba bis z'mittåg soll die sunne kummen, sågntze.
an guatn morgen und an scheenen tåg eich ålln! |
| ruflo am 25.02.2013 07:58 (vua 4293 Tåg) |
sooo vül håts gschniebm, dass auf unsra stråßn kettnpfliecht wår. håmma niex in da kreizn fajern können, åba unsa bua håt uns åbgholt und håmma a scheene geburtztågsparty in villach ghåbt.
heit' scheint endlich wieda amål die sunne und es ies aa niet gåraso kålt: -3° seind zum ausdahåltn.
an guatn morgen und an scheenen montåg, sowia a guate wochn wientsch i eich. |
| ruflo am 24.02.2013 06:23 (vua 4294 Tåg) |
griaßeich ålle mietanånda. die senile bettflucht håt mi ausm bett ausa ghaut, derwegn bin i schon auf. und da bello ies aa schon iebern zaun einaghupft und wårtet hiatzt aufn morgenspaziergång. åba då muaß er schon noch a biessale giduld håbm - ies jå noch fiensta draußn. und 20 cm oda mehr oda weniga (wås waaß i) neicha schnee, der in da nåcht daherkummen ies, måcht mir es ummahaatschn schwar genua.
hiatzt wer' i mir z'erst an guatn kuffee vom mietzale mit da de-longhi måchn låssn und nåachan schaugn mir weita.
ålle unsre kinda, schwiegakinda, enkl und schwiegaenkl kummen heit auf besuch, weil mei mausale jå in da vagångenen wochn geburtståg ghåbt håt und heit' håbm ålle zeit zum fajern. ies jå sunntåg.
dånkscheen pfeiferle fier dei suppa-dinklbrot (aufm foto in da mehl mit'm pieschnstrauß) - schåd, dass i då niet åbabeißn kånn und beißerle dånkscheen fier die tolln fotos auf fatschepuck. gehts da wohl so hålbwex guat? liabe griaß nåch wien zu eich zwaa diandlen.
hiatzt wientsch i ålln freindn, von kanada ieber allgäu und fahrradelberg und wien bis japan an wundascheenen sunntåg und såg zur frau hollunder: hear auf du bleede gurkn, mit dein gulta ummabeitln. mir håmma ginua schnee. es reicht.www.flickr.com/photos/duellerfarm9.staticflickr.com/8506/8502858950_04103b9d4a_b.jpg |
| ruflo am 23.02.2013 18:06 (vua 4295 Tåg) |
kuhle @planica: wenn kaana hinfåhrt, ies eh neamd durt.
schnee håmma ginua und in da nåcht solls wieda schneibm. nåjå - åbwårtn und tee trienkn. oda sowås hålt. kånn aa jagatee sein.
an nettn åbnd wientsch i eich und a guate nåcht. |
| ruflo am 23.02.2013 07:22 (vua 4295 Tåg) |
seas pfeiferle. wia i vur aanige jåhr mei USA-reise gmåcht håb, wår i in las vegas in etliche kasinos. mgm-grand, monte carlo, new york - new york, excalibur, caesars palace, ballys, mirage ... åba ieberåll håb i lei gschaugt wia's då zuageht. und ob du's glaabst oda niet, i håb kaan aanzign dollar gwunnen (weil i kaan aanzign eingsetzt håb). i waaß von vurnherein, dass i niex gwienn, drum låss i's bleibm. im kasino velden wår i noch nia und in bled wårn die påår eiro, wås man als "gåstgischenk" kriagt, in an augnblick furt. i bin, wås des ånbilångt, hålt a valieratüpp.
dafier håb i auf da åndern seitn sooo vül glick: a liabs weibale, brave und tiechtige kinder und schwiegakinder, enkl und schwiegaenkl.
aa miet meina xundheit bin i zfriedn. man muaß hålt in dera weise a biessale bescheidn sein. wenn aan mit 77 jåhr in da fruah beim aufstehn niex weh tuat, waaß man, dass man a engale ies und fliegelen håt.
dir wientsch i vül glick und an riesengewinn im kasino, damiet dass mir uns im hierbest wieda sehgn können, wenn mir's dalebm tuamt. schlåf guat und liabe griaß ån die deinen.
jå schnecki, wia recht du håst. i håb mei mitgliedschåft bei dem varein schon längst gekündigt. åba des muaß wohl jeda fier siech sölba entscheidn, wås er tuat. mei kierchnstaja kriagt jednfålls per dauaauftråg es kiendadorf.
i wientsch eich an guatn morgen und an wunderbårn såmståg. es weetta ies bei uns jå niet går so wundabår: es schneibt bei -5° und mir håbm schon wieda 10 cm nei.
|
|
|
|
|
