lei gidult, lei gidult...
werd schon, werst sehgn.
då draußn hinta da grents seind nit lei de schneggerlen långsåm.

jå, ginau, kriagnt se. lei wia de des tuamt...
du kuhflattnitsch - i hån wohl a tochta aa.

18.11.2005 17:31:51:
heee, togga, hån mi jå efta ångschtrengt...

18.11.2005 17:34:27:
wohl, chrischtele, schneggnen können aa zwittern. lei bei de geht des sooooo långsåm, das man fåst beinåhe nix merkn tuat davon.

wånn mia kålt is, kånn i sooo guat zwittern. und dånn wer' i gånz blau. lei arantsch werdn kånn i nit.
scheißbolüdük - ållaweil muaß i ....

he, kuhlatschnig, damit ma so vawåhrtagglt redn kånn wia i, dazua braucht man jåhre und E R F A H R U N G.

nana, chrischtele. ångst brauchst kaane håbm. weil, bei mia is es zumbeischpül gaxt so, dass i falauta deppert oftamål sölba niamma waaß, ob i a manndle oda a weible bin. hihi.
und wånn i gråd mei fämmininne seitn håb, nåacha hülf i dir.

aa maanst eppa, frånz, dass ma mia kearntnarisch können tuamt? nit amål denkn. in an jedn kaaff redn se ånders. und mia fiellaha håmma jå schon brupleme, dass ma mia ållweil vaschtehn, wås de klågnfurza maanen, wenn se wås sågn tuamt.
då is zum beischpiel aana ausm bärntål, der redt und redt und redt. und i vaschteh lei ållweil båhnhof. åba den vaschtehn de lindwierma jå a nit. und ....
nix mehr. schluss mit da bolüdük.

mannder, s'ischt zeit, dass endlich a tyrola a bei uns einaschaugt.
seas frånz, griaßdi!
i kchånn aa türollarisch: schpeckchchckchneedl. guat, göll?

18.11.2005 17:00:49:
håt da j. f. kenn i di dersebm xågt: "üsch bün ain türoller!"

18.11.2005 17:03:45:
und da kuhflattnisch werd båld nix mehr mit sein' tutu umaflåttern, der werd båld tangomäßig an samba åbaråschpln. olè.

na, chrischtele, ka schnee. lei blaua hiemml... sunst nix.
seas, und tua di ånständig vasåmmln.

ja heee - andyle - lebst aa noch, ålte hittn?
nix schnee, schneggerle. da blaueste hiemml wo gips.

waaßt eh, dass i a so a schaaßmodem håb, da kånn i nit går so lång im nett sein. sunst ekxbludiern meine delephonrechnungen.
unsriga jörgi håt zwår vaschprochn - (breitband für jeden kärntner. hihi!) åba wås der schon ållas vaschprochn håt, sogår sein ricktritt a påår mål. und - ??? is er ??? nit amål denkn.

hearst, andale, des warat scheen gfährlich, wånn de igalan fliagn tatetn. und noch irga war, wånn de schtåchlschweindln durch die lüfte segln tatetn.
schtell da amål vur, du liegst im liegeschtuhl, in da suunne, und kummt a igl dahergflogn. auweh. oda går a schtåchlfåckh.
und dånn seind de luadan jå ålle biwohnt. a so a igl is jå a gånzes biodop. des hupft und krapplt, dass lei so a freid is ...
is jå a klår - wia soll sich denn a so a schtupfaviech ånschtändig kråtzn?
schtell da vur, du tatest di a påår tåg nit rasiern und hättest a påår fülzleis mittn im gfrieß. werst de luadan lei mehr mit diklordifeniltriklorätan wieda los. und wo sollet a igele sowås hernehmen? ha?

16.11.2005 18:25:58:
åba bevur dass du mi mit DDT einstaabst - hau i fier heite åb. "mannder, 's ischt zeit!" håt da andale xågt. nit du - da hofarische.
pfiateich bis murgn falleicht oda wia.

jå, gimiese is soooo vül guat. schpinnat, kurohtn, kuhlrabe und a glasle kuhlatte drauf.
auweh.

ållweil guat, wånns so scheen aufagrusalen tuat. håt ma länga wås.
i wår beim enzian auf da windischn höh und håb herrrlich gschpeist.
vül und guat und billig. wås, dås såg i da nit, sunstn håst mit dein' sibirischn häggis ka freid mehr.

... und die igl aa. lei fliagn kennentse nit.

16.11.2005 17:19:02:
... und fåst ålle insecktn seind lästig. und de werrdln seind schiach und de marienkäfalan seind liab und de ...
aa wås, red ma liaba vom fressen. kuhflattnitsch, håst den heite ghabertha?

… i sågs eich, i sågs eich – i kånn nit amål mehr schlåfn valauta surgn.
åba da gristallerbinfreier håt eeh es richtige xågt:
„NEIN!“ håt er xågt. „so eine reichensteuer wie in deitschlånd wirts bei uns in eestareich nia nit gebm!“
schtell da lei amål vur, de årman müllionäre tatetn staja zåhln miassn. maa, hund, hee, de tatetn jå miassn senere müllionen nehmen und nåch mondekarlo oda auf de pahammas oda auf sunstn an grauslichn urt auswåndarn.
und wås tatet dånn bei uns in eestareich hintn bleibm? ha? wås? fråg i di? lei da ruaß, lei mia bleedn stajazåhla.
tatet da warzenbein die lisl beim årm nehmen und sich vertschüsseln, und de åndern årmen müllionäre tatetn senare schbåabiachln nehmen und sich nåch tschamaika vaprölln miassn wia rauch. grasser gehz åba niamma.
lei da khol nit, weil der is jå eh nix dådedå. der suacht ållweil noch es nulldefitzit in da wieste gobi.
und unsriga gelüpter jörgi aa nit. der lebt mit sein’ bärntål eeh lei vom draufzåhln.
und da schtrohsåck aa nit, weil der håt in klafurz haufnweis grundschtick zum weitavakaafn. und am wertasee. odawia.
nix hättetn mia mehr då in unsriga ålmrebuplick, kaane mitglieda von da hai-soßaietie, lei mehr des stajazåhlagesockse. schtöll da amål des långweilige URF-brogramm vur ohne seitnblicke und ohne schillermausalen….
und wenn da kuhlattling amål an lottosexa måchn tatet? wås tatet der, ha? seine nötsch derwieschn und sich in pewalihills a willa kaafn.
ginau.
und ii? i nit, i bin jå nit bleed, dass i åbhau. wås tatet denn i mit ana stajafreien benzion, hearst?

16.11.2005 07:23:30:
zwengsn åbhauen: lei nit nåch mallortscha, weil durt seind z'viel germanen!

klo-schtaan? seind des die viereckerten wierfelzuckerlen, wo ållweil im bisoar im rinndl liegn? maa, de seind guat. åba wånn i aus kumm aufs heisl, håt maastns schon an åndra drauf umagschleckt und de måg i nåacha nit. a maanst, i bin a fåckh und graus mir vur går nix odawia?

15.11.2005 18:34:27:
du, kuhflattnitsch, unsriga bua håt ållweil, wia er noch dahaam wår, die "tefau-sockn-probe" gmåcht.
håt er die sockn auf den büldschirm vom fernseha aufe gwamst. seind se åba gfålln, håt er xågt "geht noch". seind se pickn gebliebm, håt er xågt "i brauch neiche!"

15.11.2005 18:35:31:
wieso is genua? hiatzt werds jå erscht luschtig, sågnt de türolla

15.11.2005 18:37:06:
seas haxe, seas jürgele, seas ålle mitanånd -i geh derweil amål und bleibz xund, des hund.