ACHTUNG: NACHRICHT VOM CHRISCHTELE

håb vur aana hålbm stund a sms vom chrischtele kriagt. se håmt gråd an tamischn wirblsturm miterlebt. beim nåchbårhotel seind die liegeschtühl. sonnenschirm und wås waaß i noch ålles durch die luft gseglt. da christian håt bülda gmåcht, de ma båld zum sehgn kriagn werd'n.
unsern chrischtele gehts guat, ihrm manndlen aa. senen is nix passiert - es scheint schon wieda die sunn.
se låssn ålle scheen griaßn und hoffn noch auf a påår scheene urlaubståg.

soweit da bericht vom chrischtele. und i håb se glei zruckgruafn - se lebt echt noch und es geht ihr guat.
pfiateich daweil.

24.09.2005 17:27:25:
@kuh: du, andaleee, browier amål de rechnung zåhln. falleicht funzt es smsn nåacha wieda. haha. und sunstn - gehtzdaguat?

24.09.2005 17:35:07:
i sågs jå - bleed muaß ma sein - hiatzt håb i dei henndi mit dein pc-postkastl vawexlt. auwehauweh. lång werds niamma dauern....

seas wåldschneck.
håbs hiatztn in da fruah bropiert mit da mengenleeere, geht åba noch nit. i fång am nåchmittåg ån. åba då werd siecha a gånze menge g'leert.

@andaleee: a jå, briema - 28. is guat. åba in wås fier an monat, ha?

teifleine - noch so fruah und ii schon wieda bleed, hearst. werd scheen långsåm a dauazuaschtånd odawia. eeh wurscht. tuat jå nit weh.

a jå: --- guten morgäääähn ållezsåmm!

jåjå, håst eeh recht wåldschneck, daweegn såg i jå - mein' reisebass wer' i båld miassn hintagebm. då wer' i åba pläärrn. und schuld is lei die daitsche schpråch, wo so schwaar is. waaßt du, wiavül killo de håt?
@kuh: auf die rente wårtn is guat xågt - i wårt jå schon aufs weinnåchtzgöld.

23.09.2005 17:18:50:
a glaabst, kuh, dass ma in tafis an neichn fiehrerschein aa kriagt?

morgäääähn, des hundling. wia schaugts mit eichare daitschkenntnisse aus?
håb i heite eppes glesn in da zeitung. oda håb i lei getraamt?
då håt sich unsrige reGIERung wieda wås klaases aus die grauen windungen ausagezuzzlt: ausländakinda, wo an fienfer in daitsch håbm. kriagn keine schtaatsbiergerschaft nicht. haha, des is a gaude.
näxta schriett: ålle ösigschråppm mit an niechtgeniegend in daitsch werdn ausgebiergert. weil - gleiches recht fier alle!
dånn gaxt kummen die erwåxenen drån. iii - mit mein gschreibslwerch wer' a båld miassn mein reisebass hintagebm.
hoffentlich kennen in wean im barlamennt, in de ministerjen, in da hofburg... ålle guat deitsch. suinstn miassatn sich falleicht anige vatschüsseln. odawia.
und wånn ma die naie rechtschraibunk als griderium hernimmt - wer bleibt dånn noch iebrig?

auweeeh, andale, von deina gerschtnsuppm seind ålle krånk wurdn. kaana då.
i bin kaa ritschertfän, i håb ieberlept.

seas kuh. heit håt es chrischtele noch nix ge-smst. geht ihr bestimmt guat. i håb lei a so a freindliches ångebot 'kriagt "hallo - hast du lust..." åba des wår nit vom chrischtele und lust håb i aa kaane. bei dem weetta...
is jå eeh schon zeit, dass da schnee kummt, in de supamärkte schtehn schon die schoggoniggiläuse (nix fülzdings...) und weinnåchtzmanndlen umadum. is jå scheen, weiße weinnåchtn. oda nit?
i hån zua da fraln bei da kassa xågt "de niggeläuse håb i gfundn. åba wo seind nåacha de ostahaaslen? waaßt eh, de mit de lången leffl?" håt se xågg "im lååga håmma se schon, åba muaßt noch a biessele wårtn, falleicht fürzehn tåg odaso!"

@kieslstandle: seas, gehtzdadennha?
@kuhlattling - zwengs manndl und weibl: gånz aanfåch, wånn er a zumpfale håt is er manndle, wånn nit - is er a sie und a weible.
muaßt hålt gånz ginau schaugn, weil de oft amål soooo klaan sein tuamt. und oft amål tuat man sich teischn. maant man er håt aans, und is a ER, dabei håt er lei so a eignårtiges gewex dabei und is kaans, sonder sie is a SIE
und dånn gips jå noch die meeglichkeit weder noch. åber ieber des wüll i nit dischkerieren, weil des tatet går zu weit fihren.
und ops seckunteere gischlecksmerkmåle bei de degenen viecherlen gips, waaß i nit. åba falleicht håmt de filzlausdiandlen tuttelen (bleedsinn, seind jå kaane seigetiere) und de mannkalan håmt an bårt. odawia.

21.09.2005 17:23:49:
nochamål @kieslstandle: jå, ginau, es chrischtele is in da tierkei und durt håtz a hitz, nit wia bei uns, wo's ållweil lei regnen tuat.
åba waaßt eh, da betrus is hålt aa schon a ålta klaachl und tröpflt mit seina brustata vur sich hin und tröpflt und tröpflt.
de ami, de hund solltetn ihm mit ana racketn aane knoflpülln aufeschickn odawia. falleicht hülftz.

ginau - ohne uns zwaa laaft durtn nit so vül...

jåjå, andale, so gehnt die jahrlen dahin. und jienga wern mir niamma. åba imma scheena. odawia. oda a nit. is eh wurscht.
gehtzdaguat? ållasklåa? bei uns aa.

i håb lei a bruplem mit dem chrischtele seine smsn: lesn kånn is wohl. åba hintaschreibm...
ingottzwülln - fier so an åltn togga is de technik hålt a schwein, der hund und de tastn auzfm henndi sein soooo klaan.

iebrigns - technik: stell da vur, hiatztn wår so vur 10 tåg oda wia a mannkale von da telekom bei mia, håt xågt, er schickt ma an technika von senen zum leitung ausmessn, weil falleicht tatet bei mia es xdsl doch funzen. då tatet i mi schiach gfrein. und då tatet i mi schiach giftn, dass i umsunst so vül jåhr gwårtet håb. und hiatztn haaßt's hålt: WÅRTN, wårtn, wårtn bis der kummt.

wånns åba funzn tuat, nåacha muaßt des inndellidschente kschreibsl von mia hundertmål schnella lesn åls wia hiatztn. i maan, des schåffst nit.

he, kuhlattling, "ålles klår
scheiss wetta
es wert båld schneibn!"
sågst? aa maanst dees echt?
nåacha hurch amål wås ma vur 10 minutn es chrischtele gesmst håt:
seas ålle mitanånd. scheiss wetta! 40° im schåttn, chrischtele kocht. ihr ålta aa, und die klimaånlåg dazua. sie wohnt im oberstn stock, glei unterm dåch und drum is im ziemma aa scheen wårm.
murgn fåhrnt se nåch kappadokien, da werds beessa, odawia.
auf ålle fälle scheene griaß aus dem sieden (der haaßt derwegn so, zwengs da hietz!) vom chrischtele und co.
und iii? ziahg den kopf ein und wårt, dass scheena werd.
pfiateich derweil und seas, bleibz xund, des hund.

haha

seas kuh. guat gehz, dånkdascheen.
jå, a so a saure suppm is schon a schwein, der hund, hearst!
wånnst danåch schlåfn gehn wüllst und von aana seitn auf de åndare wölgest, is kaa ruah, bevur nit - wia beim buttariahrn - lauta kiegelen im wampelen ummakullarn tuan.
und wånn nåacha des, wås bei da buttariehrarei als gaasfermiga akkrekatzuaschtånd sich gebüldet håt, bei da hintarn tier wårtet und lei gaach durtn ausefåhrt, muaßt aufpassn, dass nit a kiegele mitflutschn tuat.
so is es hålt bei mir oftamål, wånn i saure suppm essn tua. und wånn i kane iess, lei de åndern, nåacha wårt i, bis dass de gaasfermign akkrekatzuaschtänd bei den åndern auftrettn und nåacha såg i "aha, siehgstes, då håstes!"

18.09.2005 15:24:18:
des waaß i so ginau, weil i mi tsimlich umfåssend mit da fisik des gaasfermigen akkrekatzuaschtåndes befåsst håb. und de saure suppm wår mir då bei meiniga furschingsårweit seeehr behülflich.
pfiatdi, kuh; und pass auf, wånn aana vur da hintern tier steht. zwengs die kiegelen.
seas, und måchs guat.

18.09.2005 15:27:57:
noch wås zua dem temma: du sågst "so umma aans is es nåacha gångan". siehgst, dås bestätuigt meine furschungen. des is nämlich wåhrscheinlich de zeit, wo de kiegelen fertig sein tuamt.

18.09.2005 15:36:06:
... åba hiatztn såg i niiiiie wieda mehr wås ieba de saure suppm, sunstn kriag i gaxt kaane mehr. weil wenn mei mitzale des, wås i då obm gschriebm håb, lesn tuat, ...
au weeh!

18.09.2005 16:49:05:
na, i bin nit es chrischtele, i bin da ruflo (hihi) åba es chrischtele håt ma gråd zwa smsn gschickt. ich soll eich ausrichtn, sie is guat im tirkischn
glåndet, es is haaß (35°), åba scheen und es wååssa håt 27° und ihrn åltn gehts aa guat. murgn fåhrn se auf besichtigungstuur nåch kappadokien.
und scheen griaßn soll ich eich ålle von ihr.
pfiateich

seas ållemitanånda. gehtzeichdennha? ållas fit?

heit gehntse ålle wähln bei de nåchbårn in germanium, damit da gerhard mit da angela im westerwelle (oda haaßt der westerwald?) de bropleme aufstoibert, de ma mia schon längst vageessn håbm.
weil unsa schiessl so in da gegend umanåndagrassert, damit er endlich dem schwartenbein seine farmazeitika da gehra eindaflößt, dasst de amål klåre gedånkn ieber de pisserstudie fåsst.
dabei pröllt eeh schon gånz ösistan lei mehr so dahin, weil unsa nettoeinkommen prokoppf ållaweil bescheidena werdn tuat und in deitschlånd wollntse uns åls vurbüld vakaafn.
auweeeh! håmmt de a åhnung, wia ma mia uns åbhaidern miaasn und aa gusi nåch'm åndern uns zwischn die finga zarrinnt!

a geh, wås a rossbrunzlach is, waaß da wåldschneck sicha. waaßt eh, dås is des, wo untn ausarinnt bei an gaul, wenn er undicht is. und weil de scheenen bleamlen nit går so scheen duftn sågn unsrige gschråppm hålt rossbrunzlach zua de möhlprimln.

17.09.2005 17:38:24:
jåjå, regn, regn, regn, åba scher di nix, andalee, mir håmma die sonne im herzn. odawia.

seas schneggale: gugguhefale = stengelloser enzian, rossbrunzlach = mehlprimel. hiatzt sågst nix mehr, gelt?