hearmaauf, de ORFla zakugln sich. seit a påår tåg gips im tefau in da fruah a "frühschtücksfernsehen" auf brosiebm. dås können unsrige ORFla jå vüll beessa.und dås auf ZWAA brogramme.
aufn aan muaßt lei die gschråppm um hålbasexe in da fruah aufweckn, damit se sich de zeichndriggserien, de degenen jappsenfürze, eineziahgn können, aufm åndarn laaft a schtund lång da teleteckst mit drei möldungen und aana schpurtmöldung im raadl umatumm und nåacha kummt es wettabanuramma. då zaagn da siebmeneinzg wettakamaras wias in hintatupfing und umgebung aufm himml ausschaugn tuat.
des is besundas scheen, wenns ieberåll nöblig is und regnen tuan tuat. weil dånn is da büldschirm sooo scheen grau. des gfållt ma.
ålsdann: lei so weita ORF. is eh scheen, wånn du mit unsrige gebiehren so scheen spårn tuan tuast.
und tua lei weita so scheen wiedaholte wiedaholungen wiedaholn, weil des gfållt uns eh, und spårsåm is es aa.
kennst den fülm "zurück in die vergangenheit"? oda haaßt des tsukumpft? | 
