|
|
|
| ruflo am 17.07.2005 17:44 (vua 7588 Tåg) |
maaa - hund he - bin i a rechtschreipgünstla, hearst. då schreib i glått kuhflatti schtått kuhlatti. is zwåa aa a rindfiechabrodukt. åba de latte kummt bei de degenen tuttelen ausa, wo auf da ålm umahoppln und muhezn tuan.
de flatti schrein niamma muh und des schreibt man laut duten nit mit zwaa -tt-, sundern mit aan -d-.
åba ålsa friescha seind se scheen wårm, und wånn da ålmöhi kålte fieße håt und se duatn einschtölln tuat, werd ihm glei scheen wårm hihi.
håb i aa bropiert wia i noch jienga wår.... |
| ruflo am 17.07.2005 17:20 (vua 7588 Tåg) |
zum weetta: dreimål is da trennschutzz ausaghupft, åba i håb ma extra an zwischnschtecka beim modem zuaglegt - wånn da himmlfåta schimpfm tuat, werd es modem ausgschteckt, weil wår schon dreimål hin der hund. nit da himml...., es modem, der hund.
und zum bier: jå, åba wånn die gurgl glei bei da blåsn dabei warat, nåachat tatetn ma mia löttta jå kan wåmpm kriagn odawia? von wås håmma mia nåacha den hundling, ha???
seas, kuhflatti, du hund. |
| ruflo am 17.07.2005 08:22 (vua 7588 Tåg) |
håst gheart, kuhlattling, knollnblättriga, dem chrischtale håmtze es klaanhirn entfernt, åba es geht ihr trotzdem guat, dås is de hauptsåch.
is mia aa schon passiert - håb i zua mir sölba gsågg "wo is denn mei hirn hin? fållt ma går nix mehr ein! åba fier wås denn hirn - hauptsåch xund und lustig!"
und am montåg håmma unsa chrischtele wieda - då kånnst wieda umaschwänzeln, sågg da schlutzige wåldschneck.
pfiateich, beibz xund des hund, und a scheens wochnend! |
| ruflo am 16.07.2005 17:38 (vua 7589 Tåg) |
jå, bei uns aa gewitter. håb schnell es kabl vom modem ausareißn miaßn, sunstn warat der krempl wieda hin gwesn. is mir schon dreimål passiert.
håt kurz ghåglt,
es wetter is åbgezogn, da himml is wieda so wia mia gachamål seind: blau! |
| ruflo am 16.07.2005 16:05 (vua 7589 Tåg) |
håst du a åhnung, wia mi mei mitzale vawöhnen tuat...
ausadem bin i wieda ausgschlåfn und vollfett - äääh vollfit und einsåtzbereit.lei - es ajaschwammalanklaubn des iebalåss i dia. |
| ruflo am 15.07.2005 19:23 (vua 7590 Tåg) |
maaa, hund he, bin i hiiiin. håb heit mit mein mitzalen a gewålttur untanummen - loiblpåss - krain - laibach - koper - piran - portoroz und hinta ieba triest - monfalcone - palmanova - udine - tarvis.
åba heit meckerst nit mit mia, wånn i mi in die kistn hau odawia? a so a ålta såck wia da ruflo der håltet hålt niamma s vül aus, hearst.
nåcht! guate! |
| ruflo am 14.07.2005 06:58 (vua 7591 Tåg) |
aha, kuhlatti, då bin i mit mein' tipp zur ausstellung a biessele z'schpåt aufgschtåndn. åba hiatztn bin i friaha auf.
seas, måchs guat!
und an scheenen tåg enk ålln!
da gluatmurggl kummt hintarm berg aufa gekrochn - båah - heit werds wieda haaß. |
| ruflo am 13.07.2005 17:12 (vua 7592 Tåg) |
heit wår i mit zwaa von meine enkelen im museum in fiellah und håb ma de klaasse sonda-ausstellung ångschaugt.
wår aanfåch beeindruckend und sogar meine enkelen håm im rosngårtn waassrige augn kriagt.
is gånz toll, wås då ållas zsåmmgetrågn wurdn is. und weil i so a ålta såck bin und aaniges von dera zeit sölba miterlebt håb, håt mi vül ån mei kinda- und jugendzeit arinnart.
dånkscheen!
i wer' sicha noch amål hin gehen und noch genaua schaugn.
hee, kuhlatti, du ålta banause, schaug da dås ån und tua wås fier dei büldung!
durt wåxnt zwår kaane ajaschwammalan, werd da åba trotzdem gfålln, werst wehgn! |
|
|
|
|
