"untaschteh di" håt mei mitzale gsågt, "und du gehst mit an kittl nåch finknschtan, oda wüllst eppa in dokta hoi årbeit vaschåffn? - weil då gibts sicha an metizynischn notfåll, wånn ana deine krahwadl siehgt!" und i håb ihr gfolget, weil eh schon genua tschreappm iibarn jordan gången sein und bin als ruflo und nit als mcruflo durt aufgekreizt. hiatzt wisst's des die gånze wåhrheit.
seas, pfiateich und bleibts xund!

he, sandra, seas, i tatet jå a gern ... åba von so an åltn gruftie mit sextn (oda siebntn) gebiiiess mågst beschtimmt kan schmåtza nit. åba i schick da als schtellvatreta mein otto.wånnst den nit kennst, måcht nix. glab ma. der schmust di nieda, dass lei so a freid is.
pfiateich, seas und bleibst xund

siehgst, wuhte, so gehts. valauta vüül fiiellaha beim bierlezupfn und valauta vüül aalen beim eiawixn kriagst an teppatn schäädl. då nutzn da die muckies a nix. de du beim strickziahgn und beim bamaschmeißn kriagst. åba, hund, he, a tamische gaude is des gwesn, bei de hailändageims. pfiateich, daweil amål.

@ wuhte: dånk da nåchfråge, werd schon wieda. åba nix grülln, nix fiiielaha; is a infeckziöse infeckzion, man i, åba bis sunntåg geht schon. håb schon in mitzale sei diandlgwandl reserwiert, damit i als ziiinftiga heilenda aufkreizn kånn. werd zwår obahålb im kittale, wo normalaweis die tuttalan sein, a biiiessele laar wern, åba dafiier is es in da ekwatagegend guat gfüllt, es kittale. und es mitzale kriagt mei ruadaleibl, wenn se mitkummt. i brauch des nit, weil i eh so an årt küllt ånhåb. und wenn es mitzale nit mitfåhrt, derf es ruadaleibl da otto anziahgn.åba i maan i låß den otto doch liaba daham, wenn der so viiiel wurschti siehgt, werd er gånz krawutisch und gach fahlt irgendwem irgendwo a zipfale.
also pfiatdi, bleib xund

i hoff schon, dass es mir ausgeahn werd. i waß lei noch nit wås meine eingeweide und mei inkreisch, des gånze infekzierte glumpp hinterm wampale, dazua sågn werd. åba bis zum såmståg oda sunntåg is jå noch a biessale zeit. meingott, då tatet i mei büldlmaschin mitnehmen, då hättet i nåacha siecha scheane picktschas fier mei houmpeitsch. also - åbwårtn und gramüllntee trinkn. pfiatdi, seas, srecno, tschau, guud bei oda pon schuur oda wia man sågt.

wuhte, wia gehz da denn? bist wieda so hålbwex fit? jåjå, de schpeibarei im summa, bei dera hitz - des is a drama. ålles guate jednfålls. und tumml di mitm xundwern, seind jå die heilenda-geims am nextn wochnend - då werst gebraucht. und da cat tuat schon fest lumpalewaakn.

@assinga: seas, lootta, wia geez da denn, ha? ållas klår und ållas fit?
und da wuhte huckt schon wieda bei da piiiepm, oda am see; ma, hunt, he, so guat miaßat's an rentnamanndl amål geahn! åba i derf ållweil lei im seibaschpeis umanåndawultschkan.
nb.: mei bluathund, mei keifale, mei flockati, da otto, huckt nebm meina und låsst enk a schean griaßn.
seas, pfiateich und bleibts xund!

@ kåtz: brauchst nit wåschn, brauchst lei waakn!
probier lei, werst sehgn, funzt!
pfiatdi, seas!

@ wuhte: guate idee, dås mit dem otto. vur die klaan fegl håt er eh ka ångst. lei mit hundatsiebzg vom gåsthaus hamfåhrn geh nit, aus fisikalische gründe: es gåsthaus is lei 100 m weg von uns daham, und wia soll da fåckus auf der kurzen streckn derårtig beschleinign?
pfiatdi, seas, bleib xund

@wuhte: a håst fiier mi ka foglscheichn iiebrig? de luadasfegln fressn ma mein gånzn sålåt weck. und wenn du noch a foglscheichn håbn tatest, brauchat i nit den hålbatn tåg mit ausgschtreckte hent und an florentina aufm plutza dådada be uns in da kreizn umanåndaschteahn. i såg da, dås is ånschtrengent! und wånn dånn die schpåtzngeschwada daherdüsn und eppes åbafålln låssn - då bin i åba schon ångfressn! pfiatdi, wuhte, måchs guat und bleib xund.
NS.: und warum i fogl mit f schtått mit v schreib? weil anige leit sågn zum v "w" und i will ka woglscheichn gegn die luadaswegln!

@kåtz: jåjå, tua da lei nix ån, låss lei außa, wås di druckt. i denk ma hålt ållweil "långsåm - åba siiieha" und bin noch nia nit schnella åls wia mit hundatsiebzg gfåhrn - weil mehr gibt mei reibm nit her. pfiateich, seas!

@wuhte: meingott, wuhte, du håst jå sowås von recht mit dem degenen parkplåtz in sanktfeit; åba de wern sich denkn: wenn die aute eeh xund sein, fiier wås brauchn de an parkplåtz beim krånknhaus? und går so guat schaugts in fiielah jå an nit aus mit de plätz beim lkh. hiatzt werds åba zeit, dass ma endlich driiebageahn und des degene klafu a biiessele einebnen, nåacha håmma endlich genua parkplåtz fiier die fiielaha. und a biiessele låss ma fiier die sanktfeita und die felkamårkta a iiebrig. die wolfsberga fåhrn eeh liaba in die sankt eiermårk, de derfn in piber parkn. den lindwurm vaschenk ma nåch ljubljana, nåacha håmt se untn zwa. lei uman jörgi tuat ma laad. wås måch ma mit dem? kennat ma jå das neie riiesige fuaßbållschtadion schtehn låssn, durt kånn er untaschlupfm.
die schpiietala kennan eeh sena endslånge fiielaha schtråßn zuaparkn, und wenn se in a påår jåhr in herrmagur wissn wern, wås a aute is, werd sich schon a lösung findn.
siehgst wuhte, so måch ma mir uns då in da kreizn ållahånd gedånkn iieba kommende iwents, åba zum häuptling låss i mi derwegn nit wähln.

@cat: na, i bin der mit dem fåckus VL 50XF und dås haßt natiierlich extra flott. wås natiierlich a bleedsinn is, weil i eeh imma so långsåm fåhrn tua. åba solchene fähla kennen natiierlich schon bei da nummanzuateilung passiern. pfiateich

maa liab, zwa sanktfeita diandlen! und da wuhte is schon wieda am see. a werst se nix begriaßn, ha? sanktfeit is jå a derårtig simpatische gegnd, und ungfährlich a noch dazua, weil de då obm kan lindwurm håm.
seas und bleibz xund ållemitananånda!

a jå, a so a peiplein warat schon a gschicht. åba wås tatetn nåacha die feistritza und die patanjona sågn, wånn unsa åbgschtåndane suppm zu senan åbe mit fuffzg atü und noch mehr druck hintarinnan tatet, ha? i man die technik is noch nit so weit. oda geht dås mit ana pumpschtazion fiiielleicht, ha, so wia se ane in würmlach håbm? fiiir an pumpmwärta tatet i mi hålt nit eignen, i tatet liaba beim end von da peiplein huckn, då wo des saftle ausarinnen tuat. då tatet i köllnarin a kane brauchn. i tatet lei bei da fiielaha brauarei a abo auf a påår hektolitalan åbschliaßn. pfiateich, seas, bleibz xund.