10° Ende August? A håmma noch Summa oda wia?
Der, wo då drobm fiers Weetta vaåntwurtlieh ies, sullets dem Witzekånzla Schwiendlmeier gleich tuan und zrucktreten.
Kuhle, håmtze di schon ghaaßn, dir an Kiebl Eiswåssa iebern Schädl schiettn? Und taatest du des tuan? I niet. Wia schaugt denn des aus, a fåst åchtzgjahriga Gruftie, der bei so an Bleedsinn, bei da Eiskiebltschellentsch, mitmåcht ...
Kriagst valleicht an Herzkaschpa und nåachan håst den Salåt. Außadem spend i eh per Daua-Auftråg jedn Monat an Teil von meina ieppign (???) Rente. Ohne dass mi wer zwiengen taatet. Bleibt es Göld im Lånd, weil bei de Amis waaßt eh nia ...
Und trotz dera Weetta-Sauarei wientsch i eich an scheenen zweitn Teil von dera Wochn.
| 
