|
|
|
| ruflo am 15.09.2012 09:25 (vua 4458 Tåg) |
jåjå - passt schon. bin hålt aa gaxtamål a biessale fruschtrirt und a ålta grantnzipf. i wientsch dir, schnecki, an intarissantn und scheenen sunntåg.
und ålln restliechn vabliebenen fäns und freind vom v-net an guatn morgen (kålt wårs bei da hunderunde: lei 5°!) an scheenen tåg und a entspånntes, glicklieches, erfreiliches, usw. wochnend. |
| ruflo am 11.09.2012 11:37 (vua 4462 Tåg) |
da ruflo måg eigntliech niamma. jedn tåg, tåg fier tåg iemma wieda es gleiche. niex neichs mehr im villacher.net und eh lei ållaweil i miet mein getschentsche. und wen intarisirts? i wer' wohl späta wieda amål einaschaugn, lei hiatzt bin i hålt tsimlich frustrirt. i nimm mir hålt amål a auszeit.
wia jedn tåg wientsch i eich an guatn morgen und an scheenen tåg und bleibtz scheen xund.
fåst 9500 eintrågungen (die postleitzåhl von villach) von mir und etliche büldln seind derweil amål ginua.
ållas guate und fier unsre liabn diandlen håb i noch a påår bleamlen, und wenn i wieda amål wås zum siadn håb, wer' i mi schon riehrn.
nudl. und pfiateich!
 i håb heit noch amål då eina gschriebm, weil i mi niet so haamliech, stüll und leisig davonschleichn håb wolln.
i denk auf eich, und es wår a scheene zeit, de i niet miessn möchtet. vielleicht gips jå wieda amål an frieschn wiend då heriennen. wenn i's daleb, bin i nåachan wieda dabei.
daweil amål beschränk i mi auf mei fotoseitn bei flickr und gachamål schiab i a bleede möldung aufm fatschepuck (gfrießabiachl) - åba eha söltn, weil i durtn noch ållaweil niet richtigz'recht kumm.
ålsdånn: seas und pfiateich! |
| ruflo am 09.09.2012 08:22 (vua 4464 Tåg) |
so ruhig, so friedlich, so scheen ies es. wolknlos, noch a biessale frisch. des ies a sunntåg, den man siech gfålln låsst.
kaa mäntsch ies untawex, (und ka harley), ålls huckt noch unterm gulta. lei mir drei huntalan ziahgn unsa runde: da bello, die sally und i.
wietzig: gestern auf d' nåcht ies die sunne hinterm fårchtnsee ins bettle gstiegn, heit kralt sie aus ihrm futtohn hinterm åltnberg ausa. wie måcht de dås? i maan, de wår derweil sugår schon in amerika und brasilium und in kanadium und håt dem pfeiferle und da erika an scheenen gruaß von uns ausgriechtet. recht so. und dem martin sein' buam in japanesien håt sie aa schon gsehgn. und waaß da teixl, wo de noch ieberåll ummanånda gstierzlt ies, dass sie nietamål mehr waaß, wo sie dahaam ies. in puderpest und in pankock wår sie aa schon, lei nåch lieberpuhl kummt sie erst späta. i maan, die sunn' ies - wia die italienitsch sågn, a mannkale, "il sole", und valleicht wår der sugår bei da frau mond "la luna" a biessale prentln. waaß man jå nianiet. "bruder sonne, schwester mond" von zefirelli ies iebrigns aana von meine lieblingsfülme - und då gånz bisunders die musik von donovan.
i wer' mi hiatzt von da ånstrengung erholn und schick eich liabe griaß zu an guatn morgen und an wunderbårn tåg. i såg pfiateich derweil amål, bis båld wieda odaso. 09.09.2012 08:36:www.flickr.com/photos/dueller
farm8.staticflickr.com/7272/7878480282_02188fc4fe_b.jpg |
| ruflo am 07.09.2012 07:16 (vua 4466 Tåg) |
>>>"de harlis gehn ma a schon am wecka obwohl i amol a ane ghobt hob.
des wor a ungetüm oba mir hot se domols getaugt"<<<
jåjå, andale, so ies es hålt: wie du mir, so ich dir.
bei uns gehts jå aa rund und es fåhrn an haufn maschinen. åba mi regn de niet auf, seind jå es maaste lustige leit und kamote zegga. und so lång knåttern de eh niet då ummanånda, båld fåhrntse wieda haam.
wås mi vül mehr iergert, seind de autefåhra, de niet wiessn dass in an ortsgebiet gischwiendigkeitzbischränkungen göltn und de mit hundert såchn durch unsa dörfle brettern. i hoff lei stårk, dass då niet amål wås passiert, wo so vül klaane kienda bei uns nebn da stråßn wohnen.
i wientsch eich
an guatn morgen
und an scheenen freitåg!
schon wieda wochnend in siecht!!! |
| ruflo am 05.09.2012 16:37 (vua 4468 Tåg) |
jå fibi, i håbs aa mehr mietm lesn. maastns lies i glei mehrare biachln zur gleichn zeit (derzeit seins dreie).
und chrischtele: i waaß schon, dass es DVD's gibt und tolle Kino-programme, åba vagiess niet, dass mir fiern ORF jå zåhln miaßn, und des niet so schmål. wenn ma nåachan då es gleiche siehgt wia in die gratis-tv-programme, terf man schon a biessale ångfressn sein. und i bin restlos ångspeist, vur ållm von da werbung nåch åchte auf d' nåcht. warum geht des ohne den dreck bei ARD und ZDF und beim ORF niet???
|
| ruflo am 05.09.2012 09:45 (vua 4468 Tåg) |
jåjå, "rundfunk miet büldungsauftråg" (ami- und schnulznserien bies zur fagasunk, jedn åbnd fåst a sölbagstrieckta tefau-krimmi zwengs da åbwexlunk, zwieschn zwaa sendungen ållaweil werbung-werbung-werbung, lähaliehe zib-fläschs miet "piep-piep-gåg-gåg"-musiek(?)untamålung ... i kriag an låchkråmpf. lei mei burtemonnäh plärrt, weils d' fier des glumpp so vül zåhln muaßt.
|
| ruflo am 05.09.2012 09:20 (vua 4468 Tåg) |
hallo fibile, ihr seibbes jå aa weita östlich - då muaß die sunne frieher aufgehn.
lei, wenns nåchm ORFerl geht (vurspånn ZIB 1), nåachan draht siech die kugl vakehrt ummadumm und die sunne geht im westn auf. wernt åba de siehalieh niet wiessn beim stååtzrundfunk (büldungsfärnsähn fier des mir haufnweis GIS - "hier spricht dein fernseher" - zåhln), de bischränken siech liaba auf jåhrelång die gleichn (die sölbn) deppertn werbeschpotz. jåjå, iemmawiedaiemmawieda da ixixixlatz der hatzhatzhatz... und wås ies eigntliech niet vom unnilewa?
und den weettabiriecht miet da kummerfrau - de ummastaklt wia a storch miet ihre haihiels, de in plåttnsee einezaagt und vom bodnsee redet, den kånnst a vageessn. åba glieckliehaweise gips jå servus-tefau miet an tolln weettabiriecht. jå.
so, wieda amål iebern ORF g'iergert, åba des gheart aanfåch dazua bei dem schaaß, wo de uns vursetzn tuamt.
|
|
|
|
|
